Itan 10:2 - Edo Bible (E Baibol Ẹdo) Version 1996

² Ẹfe ne a ye ogberhu miẹn i ra maa ne ọmwaikọmwa, sokpan te uyinmwẹ ẹmwata de ọmwa ye agbọn.

Itan 10:2 ပူးပေါင်းရင်းမြစ်များ

Itan 11:4

Ẹfe i miẹn emwi okpa ru wẹn vbe ẹdẹ ne uwu gha sẹ uẹ egbe, sokpan, uyinmwẹ esi gha sẹtin miẹn orhiọn ruẹn fan.

Itan 12:28

Uyinmwẹ ẹmwata ọrọre urodẹ agbọn, uyinmwẹ dan ovbi odẹ uwu nọ.

Itan 13:11

Ẹfe ne ọ ma sọn ọ sẹ ọmwa obọ, ẹ i vbe sọn ọ kpao sẹ ọmwa rae, vbene ọ ya lọghọ a ke miẹn ọẹn, erriọ ọ re ọ vbe ya di ọmwa obọ ya.

Itan 21:6

Ẹfe ne u ya uyinmwẹ ogberhu miẹn, te ọ rherhe zagha, sokpan, ọ te zagha, ọ ghi ka siọ sẹ agbanmwẹ idin nẹ.

Ezikiẹl 7:19

Iran gha filo avbe igoru kevbe esiliva iran kua vbe adesẹ ore zẹvbe iku, rhunmwuda, ke igoru kevbe esiliva, okpa ne ọ gha miẹn iran fan i rrọ vbe ẹdẹ ne Nọyaẹnmwa gha hihiẹ ohu ẹre ladian. Iran i ra sẹtin lo iran ya rhie emwi ne ẹko ho ne ẹko. Igoru kevbe esiliva ọ re ọ si iran la orukhọ ne a ru.

Daniẹl 4:27

Rhunmwuda ọnii nian, Umogun, u ghi rhie ude ne I bu ruẹ re. Da obọ orukhọ ne a ru yi, gha ru emwi ne ọ kere, vbe gha tohan avbe ivbiogue. Ẹghẹ nii, agbọn ghi gha ma ruẹn khian.”

Zẹfanaia 1:18

Vbe ẹdẹ nii ne Nọyaẹnmwa gha rhie izohu ẹre maa, igoru kevbe esiliva iran hia ne ọ gha sẹtin miẹn iran fan, ẹ i rrọọ. Erhẹn ohu ẹre gha fuẹn agbọn na hia a. Ọ gha rhie ufomwẹ udomwurri ye ẹmwẹ emwa ni rre agbọn na hia.

Ebe ne Pọl gbẹẹn gie emwa Rom 2:5

Sokpan ẹkoko udu ne ọ ze kevbe ne ọ wo vbe egbe ọre u mwẹ. Rhunmwuda ọnii te u yae kpọlọ yọ ighẹ oya ne a gha rriọ re vbe ẹdẹnẹdẹrriọ ne izohu Osanobua kevbe ihuohiẹn emwata ẹre gha rhie egbe maa.

Ebe ne Pọl gbẹẹn gie emwa Rom 5:21

Erriọ vbe nọ, zẹ vbene orukhọ gha ya uwu khaemwisẹ, erriọ zẹẹ ọre ẹsọhẹ Osanobua vbe ya ẹmwata gha khaemwisẹ, ọ ghi gha su ima rrie arrọọ ẹtẹbitẹ vbekpa Jesu Kristi Nọyaẹnmwa.

Filipai 3:9

Ne I vbe khian ne a wa kugbe ba irẹn fo. Mẹ i ghi mwẹ emwi obọ mwẹ ne I gha ya tie egbe mwẹ ọmwata, egbe ne I gha te la ekpa a ru vbene nene Uhi khare gha mwẹ, ọmwata ne I ghi khin na nian, keghi re ne a la ekpa a ya Kristi yi rhie ne ọmwa, a re ọmwata ne ọ ke obọ Osanobua rre, ne ẹyotọ ẹre re iyayi.