Itan 1:8 - Edo Bible (E Baibol Ẹdo) Version 1996

⁸ Ovbi mwẹ, u ghi gha danmwehọ ẹmwẹ ne erhaa kevbe iyuẹ tama ruẹn.

Itan 1:8 ပူးပေါင်းရင်းမြစ်များ

Itan 1:10

Ovbi mwẹ, avbe emwa orukhọ gha rẹrẹ uẹ, ghẹ kue yọ.

Itan 1:15

Ovbi mwẹ, ghẹ gu emwa vberriọ mu obọ. Gban egbe ne iran.

Itan 2:1

Ovbi mwẹ, gha ruẹ emwi ne I ma ruẹn re, ghẹ vbe mianmian emwi ne I tama ruẹn wẹ ne u gha ru.

Itan 23:22

Danmwehọ ẹmwẹ ne erhaa tama ruẹn, adeghẹ ẹ i re irẹn, u ghẹ i gha rre agbọn na. Iyuẹ gha vbe khian ọmaẹn nẹ, ya obọ enọrẹn ẹse mu ẹẹn.

Itan 3:1

Ovbi mwẹ, ghẹ mianmian emwi ne I ma ruẹn re. Gha ye emwi ne I tama ruẹn ne u gha ru rre vbe ẹghẹ hia.

Itan 30:17

Ọmwaikọmwa ne ọ ya erha ẹe gbogiẹ ra ne ọ zan iye ẹe vbe ọ ghi khian ọmaẹn nẹ, ugu ọ re ọ kere ne ọ rri ọe, ra ne ahianmwẹ oha wọlọ ẹre aro kua.

Itan 31:1

Ẹmwẹ ẹwaẹn ne iye Lemuẹl ne Ọ ba tama rẹn:

Itan 5:13

I i zẹdẹ danmwehọ avbe emamwaemwi mwẹ, I ma zẹ yẹ iran ẹre.

Itan 6:20

Ovbi mwẹ, gha ru vbene erha a tama an, ghẹ mianmian emwi ne iye uẹ ma ruẹn re.

Itan 7:1

Ovbi mwẹ, ye ẹmwẹ ne I tae rre, ghẹ vbe mianmian ẹmwẹ ne I tama ruẹn, wẹ ne u ru.

Jerimaia 35:8

Te ima wa ru zẹ vbene Jonadab tama ima. Ma tobọ ima i da ayọn, avbe amwẹ ima i vbe da kevbe ivbi ima nikpia kevbe nikhuo.

Levitikọs 19:3

Dọmwadẹ ọghọe ghi gha ya ọghọ ne erha ẹe kevbe iye ẹe, wa ghi vbe gha ru avbe ugamwẹ Ẹdẹ Ikẹtin zẹ vbene I khare. Mẹ ọre Nọyaẹnmwa Osanobua uwa.

Matiu 9:2

Emwa eso keghi ya ewa dada ọmwa ọkpa ne arọ kinmwi bu ẹre rre. Jesu miẹn wẹ iran wa mwẹ iyayi, ọ keghi tama ọmwa ne arọ kinmwi ni wẹẹ, “Ovbi mwẹ dọlọ aro yi vbe uhunmwu. A ye avbe orukhọ ruẹ hia bọọ.”

Matiu 9:22

Jesu keghi fi egbe werriẹ, ugbẹn vbe ọ ghi bẹghe ẹre ọ tama rẹn wẹẹ, “Ovbi mwẹ dọlọ aro yi vbe uhunmwu, iyayi ruẹ muẹn egbe rran nẹ.” Vbe ọwarọkpa ni, egbe keghi wa rran okhuo ni.

II Timoti 1:5

I ye iyayi ẹmwata ne u mwẹ rre, egbe ne edede ruẹ gha mwẹ ighẹ Luis, kevbe Yunis ne iye uẹ vbe gha mwẹ, mẹ yayi ighẹ wẹ vbe mwẹ ọnrẹn.

Ebe Rut 3:6

Ẹre Rut na gha rrie ehe ne a na khuọn ọka nii, ọ keghi ru emwi hia ne iye ọdọ ẹre tama rẹn.

I Samuẹl 2:25

Ọmwa gha ba emwi ku ru ghe ọmwa ọvbehe, Osanobua sẹtin degue ẹre, sokpan de ọmwa ne ọ ra degue ọmwa ne ọ ba emwi ku ru ghe Osanobua?” Sokpan, iran ma zẹ ye erha iran re, rhunmwuda, Osanobua ta ẹe nẹ wẹ te irẹn ra fuẹn iran uan.