Itan 1:7 - Edo Bible (E Baibol Ẹdo) Version 1996

⁷ Ọmwa ne ọ ho ne ọ gha wan, ọ ghi ka gha ya ọghọ ne Nọyaẹnmwa nẹ. Avbe ọzuọ i zẹdẹ da ne ẹwaẹn, iran ghi vbe he ne iran ruẹ emwi.

Itan 1:7 ပူးပေါင်းရင်းမြစ်များ

Job 28:28

Osanobua keghi tama emwa nagbọn wẹẹ, ‘Deghẹ wa ho ne uwa gha wan, wa ghi gha ya ọghọ ne Nọyaẹnmwa. Ne uwa miẹn ehe na rẹn otọ emwi, te uwa gha fiwerriẹ hin ọkhọ rre.’ ”

Psalm 111:10

A rhie ọghọ ne Nọyaẹnmwa ọ re ọ ye ọmwa wan. Ọ rhie irẹnmwi ẹmwata ne iran ni rhie uhi ẹre mwẹ, te a ra gha rho ẹre rhinrin ẹdẹ.

Itan 1:22

“Wa ne akpa! Inu ẹghẹ wa ho ne uwa ya gha re akpa? Inu ẹghẹ wa ra ghọghọ ye irẹnmwi ne uwa ya gbogiẹ la? Wa i ra ruẹ emwi ẹdẹdẹmwẹdẹ ra?

Itan 15:32

U gha he iruẹmwi, egbe ruẹ ọ re u ru khọ. U gha rhan obọ miẹn aguọmwagui, u ghi do gha wan sayọ.

Itan 15:33

Ọghọ ne a rhie ne Nọyaẹnmwa iruẹmwi ọ re wa vbe nọ ọghe obọ ẹre. Te uwẹ gha mwẹ amu egbe rriotọ a te miẹn wẹ uyi do gha rruẹ egbe.

Itan 15:5

Ukọnmwẹ nọ ne ọmwa fi iyeke gbe emwi ne erha ma ẹre re, ẹwaẹn nọkhua nọ adeghẹ u rhie ibude ne ọ rhie ya dia ruẹ ye odẹ.

Itan 18:2

Ọzuọ i zẹyọ deghẹ ọ rẹn otọ nene emwi ra ọ ma rẹn ọnrẹn, emwi ne irẹn ho ọrọre ne ọ rhie ma emwa hia wẹ okpia ne okpia rẹn khin.

Itan 2:5

A deghẹ u ru vberriọ, u gha rẹn emwi ne ọ khin wẹ ne a gha mu ohan e Nọyaẹnmwa, u ghi vbe sẹtin ruẹ emwi eso vbekpa ọghe Osanobua.

Itan 23:9

Ghẹ gu ọzuọ zẹ iro agbọn, ẹ i zẹ yọ.

Itan 9:10

A deghẹ u ho ne u gha wan, u ghi ka gha ya ọghọ ne Nọyaẹnmwa nẹ. A dẹghe wẹ rẹn Ọmwa Nọhuanrẹn nii, wẹ mwẹ irẹnmwi.

Asan-Ibo 12:13

Vbe iyeke avbe enena hia, ẹmwẹ okpa kẹkan ọ re ọ ghi kẹe ne a gha ta wẹ. Gha yọghọ ne Osanobua, ne u vbe gha ya uhi ẹre ru emwi, rhunmwuda emwi ne a yi ọmwa ba ọ re ọnii khin.

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.

Diuteronomi 4:6

Wa gha ya ẹmwata mu ehia sẹ, ọna gha rhie ẹwaẹn kevbe irẹnmwi uwa ma emwa ẹvbo ọvbehe. Iran gha họn avbe uhi na hia, iran gha kha wẹẹ, ‘Umiẹn vbe ẹwaẹn kevbe irẹnmwi emwa na kpọlọ hẹ!’