Itan 1:6 - Edo Bible (E Baibol Ẹdo) Version 1996

⁶ Vbene a gha na miẹn wẹ iran ghi sẹtin gha rẹn ẹmwẹ ni dinmwi ne a ya itan ta, kevbe avbe ọta ni lọghọ ne avbe umẹwaẹn nọ.

Itan 1:6 ပူးပေါင်းရင်းမြစ်များ

Psalm 49:4

I gha mu aro ye ẹmwẹ itan, I ghi vbe gha rhan otọ iran vbe uwu ne I na kpe akpata nii.

Psalm 78:2

I gha ya ẹmwẹ ẹwaẹn rhan otọ emwiọkpaodin ni gberra nẹ.

Itan 24:23

Avbe emwa ẹwaẹn ọ re ọ vbe guan avbe ẹmwẹ na. Emwi ne ọ ma gba nọ ne ọmwa ne ọbuohiẹn ka gha mwẹ ẹmwẹ nii vbe ekhọe nẹ.

Asan-Ibo 12:11

Ẹmwẹ ne avbe umẹwaẹn ta, te iran yevbe erhan ne a mu ne ọsuohuan ya su ohuan, itan ne a si koko, te iran tọ zẹ vbe ise ne a kakabọ kan ye emwi. Osanobua ne ọ re Ọsuohuan ima hia ọ re ọ viọ iran ne ọmwa.

Daniẹl 8:23

“Ọ ghẹ ghi gha bu ẹghẹ ufomwẹ avbe arriọba na, ighe te emwi dan ne a ru ghi gua iran obọ ro sẹ vberriọ wẹ ẹ i ghi mwẹ a ma rri iran oya, ọba ne ọ zevbudu ne ekhọe dan kevbe ọrẹrẹ ọmwa ghi do rriọba.

Nọmbas 12:8

Rhunmwuda onii ọ re I na gu ẹe guan vbe ghe aro mwẹ ghe aro uẹ, vbe ne a gbẹe ẹho, ighẹ ẹ i re itan ne a kpa, uhin ighẹ rẹn deghẹ a kpa mwẹ nẹ! Vbọzẹ ne ohan na gie uwa talọ ku e Mosis ne ọguọmwadia mwẹ?”

Iyẹn ne ọ Maan Ọghe Mak 4:11

Jesu wanniẹn tama iran wẹẹ, “Wa na ọre a ta oro ẹmwẹ Arriọba Osanobua ma sokpan, iran hia ni rre ore, itan ọre a ya gu iran guan.

Iyẹn ne ọ Maan Ọghe Mak 4:34

Rẹn i vbe ta ẹmwẹ ọkpa fua ma iran vbe ẹ i re te ọ kpa ẹre itan, sokpan ọ ghẹ ghi kẹ irẹn kevbe avbe erhuanegbe ẹre ọkpa, ọ ghi rhan otọ emwi hia ma iran.

Hibru 5:14

Evbare ne ọ wo vbe egbe, ọghe avbe eniwanrẹn nọ, iran ni ma unu iran ẹre, ne iran vbe gha ya ẹe rẹn alughaẹn ne ọ rre ẹkpo emwi ne ọ maa kevbe ne ẹ i maa.

II Pita 3:16

Erriọ ọre ọ wa gbẹn ọẹn vbe ebe ẹre hia ne ọ na guan kan ẹmwẹ na. Ihe eso rre ebe ẹre ne ọ lọghọ, avbe emwa ni re ogboi kevbe ne ọ ma mudia ẹse, ghi gha rhan otọ ọre la odẹ ohoghe, zẹ vbene iran vbe ru ehe ọvbehe hia vbe uwu Ebe. Iran ọ tobọ iran fuẹn egbe iran uan.