Itan 1:32 - Edo Bible (E Baibol Ẹdo) Version 1996

³² Emwa ne ẹ i mwẹ ẹwaẹn wulo rhunmwuda iran he ẹwaẹn yotọ. Ai tie emwi emwi ọghe iran ne akpa ọ re ọ ra fuẹn iran an.

Itan 1:32 ပူးပေါင်းရင်းမြစ်များ

Psalm 69:22

Te evbare eghọ iran, gha gbe iran okọ ye ẹzẹ, te evbare iruẹmwi ne iran le gha mu iran gbotọ.

Itan 1:22

“Wa ne akpa! Inu ẹghẹ wa ho ne uwa ya gha re akpa? Inu ẹghẹ wa ra ghọghọ ye irẹnmwi ne uwa ya gbogiẹ la? Wa i ra ruẹ emwi ẹdẹdẹmwẹdẹ ra?

Itan 10:21

Ẹmwẹ ne unu ọmwa esi guan gha rhie ọ maa gie emwa nibun, sokpan, ọmwa sẹtin ye ukọnmwẹ gbe egbe ẹre ua.

Itan 14:16

Avbe umẹwaẹn ghi gha ya egbe lẹ ne orueghe, sokpan, avbe akpa i gbe aro kotọ, oguegue iran ya ru emwi.

Itan 2:18

U gha la owa ẹre, odẹ uwu ọre ugbẹn nii. Ọmwa gha wẹ rẹn rrie evba, ẹvbo emwa ni wulo nẹ ọ re ọ rrie nii.

Itan 5:22

Orukhọ ne ọmwa dan ru ifi ọ re nọ. Ọgua ọghe orukhọ ẹre ghi vbe muẹn.

Itan 8:36

Ọmwa ne ọ ma gualọ mwẹ miẹn te ọ kuan egbe ẹre ọmwa ne ẹmwẹ mwẹ sọnnọ, ẹmwẹ uwu ọ re ọ yẹ ọre.”

Itan 8:5

Wa ma he ye si uwan ra? Wa ruẹ ne uwa si uwan. Akpa wa khin ra. Wa ruẹ ne uwa gha wan.

Itan 9:18

Iran ne obọ ẹre vbare, ma vbe rẹn wẹ, emwa ni la owa ẹre, uhunmwu ọ re iran ya khiẹ ọre kevbe wẹ iran ni ka la owa ẹre yi, wa rre ehe ni dinmwi nian vbe ẹvbo emwa ni wulo nẹ.

Aizaia 66:4

Rhunmwuda ọnii, I gha gie ọkhọ rruan iran, emwi nii ne ohan rẹn wa mu iran, rhunmwuda, ẹghẹ ne I na gha tie iran, a ma miẹn ne ọ khuẹnniẹn, ẹghẹ ne I na gha guan, a ma miẹn ne ọ danmwehọ mwẹ. Iran na wẹ te iran gha hẹ uhunmwu yọmwẹ obọ, ne iran gha ru emwi dan.”

Jerimaia 2:19

Emwi dan uwa ọ re ọ ra rri uwa oya ne uwa na fi iyeke gbe mwẹ ọ re ọ ra bu abe uwa. Wa gha ruẹ vbene ọ rriara hẹ kevbe, vbene ọ ma gba hẹ ne uwa na hee mwẹ yotọ mẹ ne Nọyaẹnmwa ne Osanobua rua; vbene uwa i ghi na vbe ya ọghọ mẹ. Mẹ ne Nọyaẹnmwa ne Udazi, ne Oghodua taa ẹe nẹ.”

Emọs 6:1

U miẹn vbe ọ gha ba so uwa hẹ, wa ni wa zẹ ọwọbu vbe Zaiọn, kevbe uwa ni kha wẹ vbe nene ẹbe ke dee, ni rre Sameria, wa ne okpemwa ni rre Izrẹl ne okpẹvbo na, wa ne emwa do gha lẹ vba nọ iyobọ!

Iyẹn ne ọ Maan Ọghe Jọn 3:36

Ọmwaikọmwa ne ọ ya ọmọ yi mwẹ arrọọ ne ẹ i fo, ọmwa ne ọ ma ya ẹmwẹ Ọmọ ru emwi, ẹ i khian gha mwẹ arrọọ, sokpan izohu Osanobua gha rrọọ ẹre uhunmwu ẹdẹdẹmwẹdẹ.

Diuteronomi 28:17

“E Nọyaẹnmwa gha fi avbe ọka uwa unu kevbe evbare ne uwa ya ẹe le.

Hibru 12:25

Rhunmwuda ọnii nian, wa ghi mwẹ ẹwaẹn wa ghẹ rhie obọ khiọ ehọ ne uwa ghẹ miẹn ehe na họn ẹmwẹ ọmwa ne ọ guan. Iran nọ ma danmwehọ ọmwa ne ọ kpe orhu iyẹn ne ọ huanrẹn vbe agbọn na, ma miẹn uhunmwu. Vbe ọmwa ghi ra na miẹn uhunmwu hẹ khekherriọ deghẹ ọ wẹ rẹn i danmwehọ ọmwa ne ọ guan ke ẹrinmwi rre?

Hibru 12:8

Deghẹ rẹn ma gbe uwa hin ọkhọ rre zẹ vbene ọ ru ivbi ẹre nekpa, wa i ghi re emọ kherriọ, umwọbọ nọ.

Jems 5:5

Ẹdẹ agbọn uwa vbe agbọn na keghi re ne ọ vuọn ne uyinmwẹ ọmọ ne ọ fuẹn ukhu kevbe uwa sẹ mwẹ obọ nẹ. Wa keghi ya egbe uwa khian ni kpọlọ khẹ ẹdẹ ne a gha gbe emwi.