Itan 1:28 - Edo Bible (E Baibol Ẹdo) Version 1996

²⁸ Ẹghẹ nii, wa ghi gha kpetie ẹwaẹn, sokpan, mẹ ira khuẹnniẹn. Wa sẹtin gualọ mwẹ lele ehe hia, sokpan, wa i ra miẹn mwẹ.

Itan 1:28 ပူးပေါင်းရင်းမြစ်များ

Gẹnẹsis 6:3

Ẹre Nọyaẹnmwa na kha wẹẹ, “I i ghi kue ne emwa wa gha rre agbọn ẹdẹdẹmwẹdẹ rhunmwuda emwi ne ọ sẹtin wu ọre iran khin. Ke eban kpao iran i ghi ra gha ya gberra ukpo iyehan (120) vbe agbọn.”

Job 27:9

Ukpokpo gha rre, Osanobua gha họn utumwẹ iran ra?

Job 35:12

Iran gha tu nọ iyobọ, Osanobua i zẹ yọ rhunmwuda, emwa dan ni tọn egbe mu ọ re iran khin.

Psalm 18:41

Iran tu nọ iyobọ sokpan, a ma miẹn ne ọ miẹn iran fan iran da tie Nọyaẹnmwa, sokpan, ọ ma khuẹnniẹn.

Psalm 18:42

I rẹnkhẹn iran an iran na do yevbe ebubẹ ne ẹhoho kpolo rriẹ. I ya owẹ rri iran ginna otọ zẹ vbe ọrho vbe adesẹ ore.

Psalm 66:18

Akpawẹ te I ma zẹ ye ẹmwẹ orukhọ mwẹ, e Nọyaẹnmwa i ghẹ họn erhunmwu mwẹ.

Itan 15:29

Emwa esi gha na erhunmwu, e Nọyaẹnmwa ghi gha danmwehọ sokpan, ọ ghi yangbe avbe emwa dan.

Itan 8:17

I ho ẹmwẹ iran ni ho ẹmwẹ mwẹ, ọmwaikọmwa ne ọ gualọ mwẹ gha miẹn mwẹ.

Ihuan Ne Ọ Sọọ Ihuan Hia 5:6

I keghi kie urho ne enida mwẹ sokpan ọ kpao nẹ usin. U miẹn vbene I te ho ne I họn urhu ẹre hẹ. I gualọ ẹe sokpan, I ma miẹn ọẹn, I datie ẹre sokpan I ma miẹn ewanniẹn rhọkpa.

Aizaia 1:15

“Wa gha viọ obọ da odukhunmwu gha na erhunmwu. I i tọn aro mu ghe uwa vbene uwa a rhirhi yan na erhunmwu sẹ hẹ, I i danmwehọ, rhunmwuda, esagiẹn gba uwa obọ.

Jerimaia 11:11

Rhunmwuda ọnii nian, mẹ ne Nọyaẹnmwa, ọ re ọ tama iran yotọ na wẹ I ra do si ọfuan ye iran egbe, kevbe wẹ iran i sẹtin lẹ ọre fe. Iran gha tu bu mwẹ gha dee do nọ iyobọ, I i zẹdẹ zẹ ye iran ẹre.

Jerimaia 14:12

Ọ gha khọn iran wẹ ne iran yo aguẹ, I i zẹ ye eve ne iran ya nọ iyobọ, ọ gha khọn iran, iran zọ ese na giẹn uan mẹ, ra imuohan ọghe ọka, ẹko mwẹ i ra rhiẹnrhiẹn ghe iran sokpan, I gha ye okuo gbele iran an, kevbe ohanmwẹ, deba emianmwẹ.”

Ezikiẹl 8:18

Obọ ohu mwẹ gha vba iran. I i ra sẹ iran rae, a ma wẹ ne I tohan iran. Iran gha go gboo gha na erhunmwu ghe mwẹ, sokpan I i zẹ ye iran ẹre.”

Hozia 5:15

“I gha he emwa mwẹ yotọ a te do miẹn wẹ iran rri oya ye orukhọ iran sẹ nẹ, kevbe wẹ te iran ghi vbe gualọ mwẹ. Ogha kẹe, usẹ gha sẹ iran nẹ, iran gha gualọ mwẹ rre.”

Hozia 5:6

Iran munọ ohuan kevbe ẹmila iran ne iran ya zọ ese ghe Nọyaẹnmwa, sokpan, ẹ i ruẹ ne iran. Iran i sẹtin miẹn ọẹn rhunmwuda, rẹn kpao sẹ iran rae nẹ.

Emọs 8:12

Emwa gha zozo ke Okun Nọwu gha rrie Okun e Meditẹrrenian, kevbe lẹga ke okuọ ya sẹ ekẹn. Iran ghi gualọ uhunmwu ne Nọyaẹnmwa gie rre vbe ehe hia, sokpan iran i ra miẹn.

Maika 3:4

Ẹghẹ dee ne uwa gha na datu tie Nọyaẹnmwa sokpan rẹn i ra zẹ ye uwa ẹre. Rẹn i ra vbe họn erhunmwu ne uwa na rhunmwuda wa ru emwi dan nẹ.

Zẹkaraia 7:13

Rhunmwuda ne iran ma na zẹ yọ vbe I gu iran guan, iran ghi vbe na erhunmwu, mẹ ma vbe zẹ yọ.

Diuteronomi 1:45

Ẹre uwa ghi na da tie Nọyaẹnmwa ne ọ do yi uwa obọ, sokpan ọ ma danmwehọ uwa, ọ ma zẹ ye uwa re.

Jems 4:3

Wa gha nọ, ẹ i vbe sẹ uwa obọ rhunmwuda, emwi ne ọ ya uwa nọ rẹn, ẹ i ma, emwi ne uwa gha ya gha zẹ ọkpowẹ, ọre uwa họ rẹn.

I Samuẹl 8:18

Ẹghẹ nii gha sẹ, wa ghi gha gui ẹzọ orriara ọghe ọna imaan vbe ekpa avbe ọba uwa, ne uwa tobọ uwa zẹe, sokpan e Nọyaẹnmwa i ra zẹ ye ẹzọ ne uwa gui.”