Itan 1:24 - Edo Bible (E Baibol Ẹdo) Version 1996

²⁴ Ọ kpẹre ne I kegha tie uwa, I na wẹ ne uwa gha dee, sokpan wa ma danmwehọ. Wa ma zẹ yọmwẹ ẹre.

Itan 1:24 ပူးပေါင်းရင်းမြစ်များ

II Krọnikol 33:10

Vbene Nọyaẹnmwa ya obọ sekhae ne Manasẹ kevbe emwa rẹn sẹ iran ma zẹ yọ.

II Krọnikol 36:16

Sokpan, iran kegha ya emwa ne Osanobua gie ẹre uhunmwu gbogiẹ, iran ma zẹ ye ẹmwẹ ne iran ta, iran na vbe gha giẹ avbe akhasẹ ọre, rhinrin a ke do miẹn wẹ ohu Osanobua ghe emwa rẹn kpọlọ sẹrriọ wẹ, emwi ne a gha ya rhanmwẹ ọẹn re, ẹ i ghi rrọ.

Job 33:14

A gha rhe miẹn wẹ kugbakẹghẹrẹ ọ re Osanobua ya guan; a i miẹn ne ọ rhie ẹmwẹ ne ọ ta ẹe.

Psalm 31:20

U viọ iran lẹre ye ẹbe fo, ọghe ehe ne uwẹ ye hin uma ne emwa si rre. U viọ iran lẹre ye irhu ne ẹi mwẹ ẹbe hin ihẹn ne avbe eghian iran tie rre.

Itan 29:1

Adeghẹ te u wa dọlegbe zevbudu yọ ẹghẹikẹghẹ ne a ya guẹ gui ne a dia ruẹ ye odẹ, ẹdẹ ọkpa, emwi gha degbe uẹ, u i ra vbe miẹn uhunmwu vbọ.

Aizaia 50:2

“Vbọzẹ ne avbe emwa mwẹ ma na zẹ yọ yi vbe I yo ya miẹn iran fan? Vbọzẹ ne iran ma na khuẹnniẹn vbe I tie iran? Mẹ ma wegbe sẹ ne ọ gha miẹn iran fan ra? Mẹ gha sẹtin ye ẹmwẹ unu mwẹ si okun ka I ghi Vbe ye avbe ẹzẹ khian ato sẹrriọ wẹ avbe ehẹn ni rrọọ ghi wulo rhunmwuda iran ma miẹn amẹ.

Aizaia 65:12

Vbene uwa hi hẹ nọ wẹ ne uwa wulo uwu ekpain ekpain, rhunmwuda, wa ma khuẹnniẹn vbe I tie uwa, wa ma danmwehọ vbe I guan. Wa na wẹ te uwa ra he uhunmwu yọmwẹ obọ ne uwa gha ru emwi dan.

Aizaia 65:2

Te imẹ te wa mu egbe vbe ẹghẹ hia ne I ya miẹn avbe emwa mwẹ yi, iran ni ya izevbudu ru emwi ne ọ ma gba, iran na gha ru ọghe iran khian.

Aizaia 66:4

Rhunmwuda ọnii, I gha gie ọkhọ rruan iran, emwi nii ne ohan rẹn wa mu iran, rhunmwuda, ẹghẹ ne I na gha tie iran, a ma miẹn ne ọ khuẹnniẹn, ẹghẹ ne I na gha guan, a ma miẹn ne ọ danmwehọ mwẹ. Iran na wẹ te iran gha hẹ uhunmwu yọmwẹ obọ, ne iran gha ru emwi dan.”

Jerimaia 35:17

Rhunmwuda ọnii nian. Mẹ ne Nọyaẹnmwa ne Osanobua Izrẹl, gha gie ẹe gele rruan uwa ne ivbi e Juda kevbe ivbi e Jerusalẹm avbe ọkhọ ne I khare ighẹ ọ gha rruan uwa. I gha ru ẹe vberriọ rhunmwuda wa ma danmwehọ mwẹ vbe I gu uwa guan, wa ma khuẹnniẹn mwẹ vbe I tie uwa.”

Jerimaia 44:16

“Ma i ra zẹdẹ zẹ ye ẹmwẹ ne u ya eni e Nọyaẹnmwa tama ima.

Jerimaia 7:13

Wa ru avbe orukhọ na hia ne, a gha rhe miẹn wẹ te I gha gu uwa guan kugba kẹghẹrẹ, wa ma danmwehọ. I tie uwa wa ma khuẹnniẹn.

Ezikiẹl 8:18

Obọ ohu mwẹ gha vba iran. I i ra sẹ iran rae, a ma wẹ ne I tohan iran. Iran gha go gboo gha na erhunmwu ghe mwẹ, sokpan I i zẹ ye iran ẹre.”

Zẹkaraia 7:13

Rhunmwuda ne iran ma na zẹ yọ vbe I gu iran guan, iran ghi vbe na erhunmwu, mẹ ma vbe zẹ yọ.

Iwinna 4:30

Nien obọ ruẹ ladian ne u ya ẹe mu emwa egbe rran, vbe rhie ne ima ne a gha ye eni Jesu, Ọguọmwadia ruẹ ne ọ huanrẹn winna iwinna ama kevbe ọyunnuan.”

Ebe ne Pọl gbẹẹn gie emwa Rom 10:21

Sokpan ọ ghi ra guan vbe ekpa Izrẹl, ọ wẹẹ, “Ẹdẹ hoho rhurhuurhu ọre I ya viọ obọ da odẹ wẹ ne iran dede ighẹ ẹvbo ne ẹ i họn ẹmwẹ kevbe ne ọ sọtẹ.”

I Samuẹl 28:6

Rhunmwuda ọnii, ọ keghi nọ e Nọyaẹnmwa emwi ne irẹn gha ru, sokpan, e Nọyaẹnmwa ma zẹdẹ rhie ewanniẹn ne ẹẹn, ọ re vbe imina nọ, ra uta, ra la obọ akhasẹ.