Itan 1:12 - Edo Bible (E Baibol Ẹdo) Version 1996

¹² Iran sẹtin gha rre agbọn, egbe ghi vbe rran iran vbe ima a miẹn iran, sokpan, ma ghẹ ghi gu iran do ẹe fo nẹ, iran ghi gha re orinmwi.

Itan 1:12 ပူးပေါင်းရင်းမြစ်များ

Psalm 124:3

te iran gha wa minọ ima kevbe ẹmwẹ ne unu re, vbe uwu ohu dan ne iran mu ghe mwa;

Psalm 143:7

Zẹ ẹmwẹ wanniẹn mwẹ nian, Nọyaẹnmwa, egbe fu mwẹ nẹ, ghẹ ghi rhie aro lẹre mẹ ne I ghẹ do ya khian okpa vbe uwu iran, ni tuorre rrie ehe ne iran ni wulo nẹ ye.

Psalm 28:1

E Nọyaẹnmwa ugue mwẹ, mẹ tu tie ruẹ. Họn urhu eve mwẹ a deghẹ u ma zẹ yọ mwẹ re, mẹ gha do ye vbe iran ni tuorre rriẹ ẹvbo ne iran ni wulo nẹ ye.

Psalm 35:25

Ghẹ gie iran tama egbe iran wẹẹ, “Ma miẹn ẹre uhunmwu nẹ, erriọ ma ho ẹre yi zẹẹ.”

Psalm 5:9

A i sẹtin mu ẹtin yan ẹmwẹ ne avbe eghian mwẹ ta. Ne a fuẹn emwi ruan ọre iran ho. Ẹmwẹ iran rhiẹnrhiẹn vbe ehọ, ọ vbe rriẹ. Sokpan, iran vuọn ne erẹrẹ ne ọ si uwu.

Psalm 57:3

Rẹn gha wanniẹn ke ẹrinmwi rre ọ ghi miẹn mwẹ fan, ọ gha khọn iran ni kpokpo mwẹ muotọ. Osanobua gha rhie aho ẹre ne ẹ i beghe, kevbe aguobọmwa ma mwẹ.

Itan 1:13

Ma gha miẹn ẹfe ughughan nibun, ma ghi ya emwi ne a furu vuọn owa mwa.

Jerimaia 51:34

Ọba e Babilọn giagia e Jerusalẹm, ọ na rrii ọe ọ ke tue ẹvbo nii kua fo zẹ vbe esago. Ọ keghi mi ẹn re, zẹ vbe ugbogiorinmwi ọ viọ avbe emwi ni yẹ ọre vbọ ọ na viọ ni dekẹe kua.

Eve Orriara 2:16

Avbe eghian ruẹn hia gha ya a gbogiẹ iran ghi tọn aro ikhuiwu ye uẹ egbe. Iran ghi fi aranmwẹ ye irho gha kha wẹẹ, “Ma dunmwu ẹẹn ruan nẹ! Ẹdẹ ne ima rhie aro ye odẹ khẹ nii ọ re ọna khin!”

Eve Orriara 2:5

E Nọyaẹnmwa fuẹn Izrẹl rua nẹ zẹ vbe oghian ọ ye avbe odin kevbe ẹguae ẹre khian itowa ọ keghi vbe sii akhiẹ ne ẹ i fo ye ivbi Jerusalẹm egbe.

Nọmbas 26:10

Otọ keghi rhan unu minọ iran re, iran keghi wulo deba Kora kevbe iran ni lelẹe vbe ẹghẹ ne a na fuẹn arhin ekigbesiyeha yan uri (250) ne iran gha re ne emwa nekpa miẹn wan.

Ebe ne Pọl gbẹẹn gie emwa Rom 3:13

Unu iran ye vbe idin ne ọ we unu uan. Ohoghe ne ọ vẹ ẹki ọre ọ werriẹ ke aranmwẹ iran rre, ẹmwẹ ne ọ yevbe obi ẹyẹn ghi gha ke akhuarhamwunu iran rre,