Itan 1:10 - Edo Bible (E Baibol Ẹdo) Version 1996

¹⁰ Ovbi mwẹ, avbe emwa orukhọ gha rẹrẹ uẹ, ghẹ kue yọ.

Itan 1:10 ပူးပေါင်းရင်းမြစ်များ

Gẹnẹsis 37:20

Wa larre ne I ma gbe ẹe rua ne a mu ikun ẹnrẹn fi ọkpa vbe uwu avbe uhae na, ma sẹtin kha wẹ aranmwẹ akọn ọre ọ gbe ẹe re. Ma ghi ghe vbe ne imina rẹn ghẹ ghi ya sẹ hẹ.”

Psalm 1:1

Afiangbe nọ ne emwa ni ma rhie ude emwa dan, ni ma lele igiemwi emwa orukhọ, ra ne iran ya egbe ba emwa ni i ka Osanobua yọ.

Psalm 50:18

Wa khian osẹ oyi ne uwa a rhirhi miẹn hia wẹ vbe iran ni ghẹẹ ọ re ọ gba mu obọ.

Itan 13:20

Gha gu umẹwaẹn mu obọ, wẹ gha vbe do khian umẹwaẹn. Adeghẹ u gu avbe akpa gha ru ọse, ọnii ọ re ọwuẹ fo.

Itan 16:29

Emwa ni khọ gha rẹrẹ ọse iran nẹ, iran ghi silo iran obọ la ọfuan.

Itan 20:19

Ọmwa ne ọ guẹ ewẹwẹwẹ ne a ta, ẹ i sẹtin rhie ẹmwẹ oro lẹre. Gha gban egbe ne emwa ni talọ gbe.

Itan 24:2

Iro ne iran zẹ ma gberra ne a gha si ẹti khian, ẹghẹikẹghẹ ne iran a rhirhi ya rhan unu iran, ọ ghi zẹ ẹbe ne emwa ọvbehe eso.

Aizaia 33:15

Wa gha miẹn uhunmwu adeghẹ wa ta, wa na vbe gha ru emwi ne ọgbae. Wa ghẹ ya ẹtin uwa gbe ovbiogue rhu, wa ghẹ miẹn igho erinmwian odieke. Wa ghẹ yegbe ba iran ni kun vbene iran gha do izigha hẹ ra ne iran ru emwi dan ọvbehe.

Ebe ne Pọl gbẹẹn gie emwa Rom 16:18

Rhunmwuda iran ni ru emwi vbe nian, ẹ i re Kristi Nọyaẹnmwa ọre iran ga, gberra evbare ne ọ khọn iran. Iran ghi ya ẹmwẹ ne ọ rhiẹnrhiẹn kevbe aranmwẹ erẹrẹ iran gha ye iran ni ma rẹn ọkpa ọ ma rẹn eva de odẹ.

Ẹfisọs 5:11

Wa ghẹ gu iran ni ru emwi oya ne a ru vbe uwu ebiebi mu obọ. Sokpan wa gha viọ iran ladian la idagbo. (

Diuteronomi 13:8

Ghẹ gie ẹe fiọ ekhọe werriẹ, ghẹ kue zẹ ye ọ re re. Ghẹ tohan rẹn ra ne u mwẹ ẹnina ẹnrẹn vbe ekhọe, ghẹ vbe tan obọ gue ẹre.