Itan 1:1 - Edo Bible (E Baibol Ẹdo) Version 1996

¹ Avbe itan e Solomọn ne ovbi e Devid ne ọba Izrẹl.

Itan 1:1 ပူးပေါင်းရင်းမြစ်များ

I Ọba 2:12

E Solomọn keghi rriọba lele Devid ne erha ẹe, ẹtin ẹnrẹn zẹ vbe ọba kegha re ne ọ gbe ẹkun sẹ otọ ẹsẹse.

I Ọba 5:12

E Nọyaẹnmwa keghi mu eyan rẹn sẹ, ọ na rhie ẹwaẹn ne Solomọn ọfumwegbe kegha rre ẹkpo Hiram kevbe Solomọn, iran keghi gba rhie obọ ọse ma khin ye ebe.

I Krọnikol 22:9

Vbene ọ rhirhi a gha ye hẹ, ọ ye yan ma mwẹ. Ọ wẹẹ, ‘U gha biẹ ọmọ okpia ọkpa ne ọ gha khaemwisẹ vbe ọfumwegbe, rhunmwuda, I gha rhie ọfumwegbe ne ẹẹn vbe obọ avbe eghian rẹn hia. Eni ẹnrẹn ọ re ọ gha re Solomọn, rhunmwuda I gha rhie ọfumwegbe kevbe ọrọkhọrhọ ne ivbi Izrẹl vbe ẹghẹ ọre.

I Krọnikol 28:5

Ọ vbe viọ emọ ikpia ni bun mẹ biẹlẹ, vbe uwu iran hia, ọ kevbe zẹ Solomọn ne ọ rriọba Izrẹl ne ọ re otọe arriọba e Nọyaẹnmwa.

I Krọnikol 29:23

Ẹre Solomọn na ghi rriọba lele Devid ne erha ẹe vbe ẹkete ne Nọyaẹnmwa mu gbọọ. Ọba ne ọ dunna na ọre nọ, emwa Izrẹl hia kegha họn ẹmwẹ ne ẹẹn.

I Krọnikol 29:28

Ọ khian ọmaẹn ẹsẹse ọ keghi do wu, ọ fe, emwa hia kevbe gha yọghọ ne ẹẹn, e Solomọn ne ovbi ẹre keghi rri ọba lele ẹe.

Itan 10:1

Avbe itan ọghe Solomọn ọre ena khin: Ọmọ ne ọ wan, te erha ẹe ghe ẹre hio; sokpan, akhiẹ ọ re ọmọ ne ọ kọẹn si ye iye ẹe egbe.

Itan 22:21

Ọ gha vbe ma ruẹn emwi ne ọre ẹmwata ne ọ rrọ. Ẹghẹ nii, ọ ghẹ ghi giọ wẹ ne u ya gualọ otọ ẹre ladian, u ghi miẹn ewanniẹn ẹmwata ne ọ rrọ rhie rre.

Itan 25:1

Ye vbe ghe eso vbe uwu itan e Solomọn ne emwa gbẹnnẹ ye otọ vbe ẹguae Hẹzekaia ne Ọba e Juda.

Asan-Ibo 1:1

Avbe ẹmwẹ ne ọ tae ena khin ighẹ Asan-ibo ne ovbi e Devid ne ọ rriọba vbe Jerusalẹm.

Asan-Ibo 12:9

Sokpan, rhunmwuda ighe umẹwaẹn ọ re Asan-ibo khin, ọ keghi ma emwa emwi ne irẹn rẹnrẹn. Ọ ruẹ avbe itan kevbe uyinmwẹ ne ẹ i ru ero, ọ keghi vbe danmwẹ avbe ẹmwata ni rrọ ghe.

Iyẹn ne ọ Maan Ọghe Jọn 16:25

“Itan ọre I ya ta ẹmwẹ na hia ma uwa, sokpan ẹghẹ bu otọ ne I i ra ghi na ya itan guan sokpan I ghi wa gbe emwi hia ẹho rua ma uwa vbekpa ọghe Evbavba.