II Timoti 4:8 - Edo Bible (E Baibol Ẹdo) Version 1996

⁸ Wanwanna nian, igho ọmwẹguae ne a ra se yọ mwẹ obọ dia khẹ mwẹ nẹ, nene ẹde ọmwa ẹmwata, ne Nọyaẹnmwa ne ẹ i bu eku gha mu mẹ Ẹdẹ ne ẹdẹrriọ, ẹ i vbe re mẹ ọkpa, sokpan kevbe iran hia ni ye aho ẹmwẹ ọmwa diakhẹ ẹghẹ ne ọ gha ya ye egbe ladian.

II Timoti 4:8 ပူးပေါင်းရင်းမြစ်များ

Gẹnẹsis 18:25

Vbe na i na gbe awẹawẹ u i ra gbe ni ma rukhọ ba eni rukhọ. Ọnii i gia ru wẹ i sẹtin ru vberriọ. Ẹghẹ nii, a ghi rri eni ma rukhọ oya zẹ vbe eni rukhọ. Ọnii i gia ru, enọbuohiẹn otọ agbọn hia, te ọ gha ru emwi nọkere.”

Psalm 31:19

Umiẹn vbe ehia mose hẹ ighe avbe emwi esi ne u hẹ ye otọ, khẹ iran ni ya ọghọ ne uẹn. Agbọn hia rẹnrẹn vbene u ma hẹ. A miẹn vbe u viọ iran ni mu ẹtin yan ruẹn lẹre hẹ khuankhuan an khuan.

Psalm 7:11

Nọ bu ohiẹn ẹmwata ọre Osanobua khin. Ọ vbe bu abe gbe emwa dan vbe ẹghẹ hia.

Itan 4:9

Rẹn gha vbe gha re ẹde uyi ruẹ.”

Malakai 3:17

E Nọyaẹnmwa ne Oghodua khare wẹẹ, “Iran ghi gha re emwa mwẹ, ẹdẹ ne I gha guan yọ iran ghi gha re emwi obọ mwẹ. Mẹ gha tohan iran zẹ vbene erha ọmọ tohan ọmọ ne ọ ga ẹe.

Matiu 24:36

“Sokpan, ọmwa ọkpa ne ọ rẹn ẹdẹ ra ẹghẹ ne emwi na gha ya sẹ, ẹ i rrọọ, avbe odibosa ni rre ẹrinmwi, ra Ọmọ tobọ ẹre, ne ọ rẹn ọnrẹn, ẹ i rrọọ, gberra Evbavba Ọkpa.

Matiu 7:22

Ogha sẹ ẹdẹ ne a kha na, emwa nibun gha khama mwẹ wẹẹ, ‘Nọyaẹnmwa, Nọyaẹnmwa, ma ya eni ruẹn kporhu Osanobua. Ma khulo orhiọn dan nibun ladian. Ma winna iwinna ọyunnuan nibun vbe eni ruẹn.’

Iyẹn ne ọ Maan Ọghe Luk 10:12

Ne I tama uwa, ọ gha sẹ Ẹdẹ Ibuohiẹn Osanobua gha tohan Sọdom sẹ ẹvbo nii!

Ebe ne Pọl gbẹẹn gie emwa Rom 2:5

Sokpan ẹkoko udu ne ọ ze kevbe ne ọ wo vbe egbe ọre u mwẹ. Rhunmwuda ọnii te u yae kpọlọ yọ ighẹ oya ne a gha rriọ re vbe ẹdẹnẹdẹrriọ ne izohu Osanobua kevbe ihuohiẹn emwata ẹre gha rhie egbe maa.

Ebe ne Pọl gbẹẹn gie emwa Rom 8:23

Sokpan ẹ i re avbe emwi ne a yi ọkpa, sokpan, ma ni mwẹ nene Orhiọn zẹ vbe emwi okaro ne Osanobua ya ru ọmwa ẹse, erriọ ma vbe mannọ egbe vbe uwu egbe, vbe ehe ne ima na mudia khẹ Osanobua, ne ọ do ya ima khian ivbi ẹre, ne ọ vbe rhan emwi ne ima khin hia vbe irri.

I Kọrinti 2:9

Sokpan vbene ebe kha re: “Emwi ne ehọ ma he họn, ne aro ma he miẹn, emwi ne a ma ro ighẹ ọ gha sẹtin sunu ẹdẹ, ọre Osanobua mwamwa ye otọ khẹ iran ni họ ẹmwẹ ọnrẹn.”

I Kọrinti 3:13

A gha rẹn vbene iwinna edọmwadẹ ọghọe ye hẹ vbe Ẹdẹ Kristi, ẹdẹ ne ọ gha we ehia uhe ua. Rhunmwuda, erhẹn ne Ẹdẹrriọ gha rhie iwinna edọmwadẹ ọghọe maa, erhẹn gha danmwẹ ọẹn ghe, ne a miẹn ehe na rẹn vbene ọ ye hẹẹ.

I Kọrinti 9:25

Ọmwa ne ọ rhirhi gha mu egbe ye otọ khẹ iku isasegbe, te ọ ru emwi hia ne a wẹ ne ọ ru vbe a gha ma ẹre emwi. Rẹn ru vberriọ, ne a miẹn ehe na gbe ẹkan ye ọre obọ, ọ rhe re ẹkan ne ẹ i tọ, sokpan, ne ima winna baa, ọ ghe etẹbitẹ nọ.

II Kọrinti 5:2

Banbanna nian, te ima ghi rhie aro ye odẹ, te ọ ghi bọbọ ima egbe wẹ ne a do mu akpa mwa ne ọ rre ẹrinmwi yọ mwa.

Filipai 3:11

Vbe idaehọ wẹ, a gha vbe huẹn mẹ tobọ mwẹ kpao vbe uwu, la a rrọọ.

Kọlose 1:5

Ẹghẹ ne ikporhu ẹmwata nii, ighẹ Iyẹn Ne ọ maa na ka sẹ ehe ne uwa ye, wa keghi họn vbene ọ rhie idaehọ ne ọmwa hẹ. Rhunmwuda ọnii, iyayi kevbe aho ẹmwẹ ọmwa keghi re ne ọ hẹnhẹn egbe yan emwi ne uwa danmwehọ ẹre, emwi ne a dọlọ yi ye otọ khẹ uwa vbe ẹrinmwi.

I Tẹsalonaika 1:10

Kevbe ne uwa do gha diakhẹ Ovbi ẹre ne ọ ke ẹrinmwi tuorre gha dee, Jesu ne Ovbi ẹre, ọmwa ne irẹn huẹn kpaegbe vbe orinmwi, ọmwa ne ọ miẹn ima fan vbe obọ ohu Osanobua ne ọ dee.

I Tẹsalonaika 5:4

Sokpan, wa ne etẹn mwẹ, wa i rre uwu ebiebi, rhunmwuda, ọnii, ọ ma kei ne Ẹdẹ nii do do uwa mu zẹ vbe oyi.

II Tẹsalonaika 2:8

Ẹghẹ nii Ọmwa Dan ni ghi ya egbe ladian, e Nọyaẹnmwa Jesu Kristi ghi ya ẹhoho unu ẹnrẹn gbe ẹe ua, ọ ghi vbe ya urremwẹ ọnrẹn ne ọ mwẹ uyi fuẹn ọnrẹn uan, vbe ẹghẹ ne irẹn gha na rre.

I Timoti 6:19

Odẹ vbenian ọre iran gha na si koko ne egbe iran, emwi ewe ne ọ gha re ẹyotọ ne ọ deziẹn, ne iran ẹdẹ ne akhuẹ. Ẹghẹ nii, iran gha sẹtin khọn miẹn arrọọ ọghe ẹmwata.

II Timoti 1:10

Sokpan banbanna nian, te a ghi do rhie ẹre ma ima, vbe uwu urremwẹ Kristi Jesu, ne Ọmiọnmwafan mwa. Rhunmwuda, Kristi khuọn ẹtin uwu ua nẹ, ọ keghi vbe la ekpa nene iyẹn ne ọ maa rhie agbọn a i wu ẹdẹ ma emwa.

II Timoti 1:12

Ọnii ọre ọ zẹẹ ne I na rri oya emwi na hia. Sokpan ekhọe mwẹ ma he beghe hiehiere, rhunmwuda, mẹ rẹn ọmwa ne I mu ẹtin yan, aro mwẹ da ẹe wẹ, ọ gha sẹtin rhie ẹre mwẹ vbe ne a i na mwẹ ẹbe ighẹ emwi ne ọ ka yọ mwẹ obọ, rhinrin ya sẹ Ẹdẹ ne ẹdẹrriọ.

II Timoti 1:18

Nọyaẹnmwa ne ọ gi ẹe miẹn itohan Nọyaẹnmwa rhie vbe Ẹdẹ ne ẹdẹrriọ. U vbe rẹn ẹsẹse vbene ọ yọ mwẹ obọ hẹ vbe Ẹfisọs.

II Timoti 2:5

Ọmọ ne egbe sasa, ne ọ vbe deba emwa rhulẹ ne a ya sinmwi emwi, ẹ i sẹtin miẹn emwi rhọkpa, vbe ẹ i re te ọ gha ru vbene uhi iku ni khare.

II Timoti 4:1

I ye ọghọ vbe ute tama ruẹn, vbe odaro Osanobua kevbe Kristi Jesu, Ọmwa ne ọ ra bu ohiẹn emwa ni rre agbọn kevbe ni wulo nẹ, rhunmwuda urremwẹ ọnrẹn kevbe Arriọba ẹre, I yi ẹre iyi nuẹn.

Taitọs 2:13

Zẹ vbene ima mudia khẹ Ẹdẹ ne afiangbe nii, ne ima mwẹ idaehọ ẹre, ẹdẹ ne uyi ọghe Osanobua mwa nọkhua, kevbe Ọmiọnmwafan mwa Jesu Kristi, gha rhie egbe maa.

Hibru 12:11

A gha gbe ima hin ọkhọ rre, vbobọ vbobọ nii, ọ ghi ye vbe ne a miẹn wẹ, te a wa ho ne a rhia ima ekhọe rua, ighẹ i re ne ọ ya ẹe rhiẹnrhiẹn. Sokpan Ọ ghẹ ghi sẹ okiekie, a vbe emwa ne a gu gui vberriọ dia ye odẹ, ghi do miẹn ẹdẹ agbọn nekhuẹrhẹ, ọ ghe ọmwa ẹmwata, rhie vbọ.

Hibru 9:28

Erriọ vbe nọ zẹẹ, a keghi ya Kristi zọ ese uhukpa, ne ọ viọ orukhọ emwa ni bun gha rrie. Ọ gha ye vbe ya egbe ladian uhukpa, ẹ i ghi re ne ọ do guan ye ẹmwẹ orukhọ, sokpan ne Ọ do miẹn iran fan ighẹ avbe emwa ni mudia khẹ ọre.

Jems 1:12

Afiangbe nọ ne ọmwa ne ọ ziẹn egbe vbe a gha danmwẹ ọẹn ghe, rhunmwuda a deghẹ ọ ma rrie edanmwẹ, ọ gha miẹn arrọọ rhie zẹ vbe ne Osanobua ve iran ni ho ẹmwẹ ọnrẹn re.

I Pita 1:4

Rhunmwuda ọnii, te ima ghi rhie aro ye odẹ wẹ, ọ gha sẹ ima obọ vbe afiangbe ọrhẹnrhẹn ne Osanobua rhie khẹ emwa rẹn. Ọ rhie ẹre hin rre khẹ uwa vbe ẹrinmwi, ehe ne ẹ i na sẹtin kẹkẹ na ne ọ rhia, ra ne ọ fafaa.

I Pita 5:4

Ẹghẹ ne Ogiete iran ne avbe Ọsuohuan gha na ya egbe ladian, ẹde uyi ne ẹ i fafaa, gha sẹ uẹ obọ.

Arhie Maan 1:7

Ghe, ọ dee ke irẹn kevbe ikpakpaiso, emwa hia gha miẹn ọẹn erriọ vbe nọ ne iran ni ye asoro so ẹe. Emwa ni rre otọe agbọn hia gha khiẹ rhunmwuda ẹre. Erriọ ọ gha ye, Isẹ.

Arhie Maan 19:11

I keghi miẹn vbe ẹrinmwi kie ye otọ, ẹsin nọfua ọkpa kegha rrọọ, a kegha tie ọmwa ne ọ hin ẹnrẹn, Ọmwata kevbe Ne ọ ta uhunmwu ẹmwẹ. Ẹmwata ọre ọ ya bu ohiẹn kevbe ne ọ vbe ya khọn okuo ẹre.

Arhie Maan 2:10

Ghẹ gie afianma oya ne u ra do re vbe ọ ma he kpẹe na fian. Danmwehọ! Esu ra do danmwẹ uwa ghe vbe ekpa ne ọ gha na viọ eso vbe uwu uwa ku eghan. Ikpẹdẹ igbe ọre ọlọghọmwa uwa ni ra ya vbe otọ. Mu uhunmwu ke ọe ya sẹ uwu, mẹ gha rhie ẹde ẹfe ne uẹn.

Arhie Maan 22:20

Ọmwa ne ọ sẹ osẹe ye emwi na hia khare wẹ, “Erriọ wa nọ zẹẹ, I dee banbanna!” Erriọ ogha ye. Gha dee Nọyaẹnmwa Jesu!

Arhie Maan 4:10

avbe ediọn enẹyanugie nii ghi dele gbe otọ vbe odaro ọmwa ne ọ tota vbe ẹkete nii, iran ghi ya uhunmwu rhanmwẹ otọ ne ọmwa ne ọ rrọọ ẹdẹ kevbe ẹdẹdẹmwẹdẹ. Iran ghi filo ẹde iran ku odaro ẹkete nii, iran ghi wẹẹ:

Arhie Maan 4:4

A keghi yọyọ ẹkete enẹyanugie ọvbehe lẹga ẹkete nii, ediọn enẹyanugie keghi tota yan iran, a keghi yọ iran ogbọnmwọkpa, iran keghi vbe mu ẹde igoru rhuẹ.