II Timoti 4:6 - Edo Bible (E Baibol Ẹdo) Version 1996

⁶ Zẹ vbe ọghomwẹ, ẹghẹ ne a ra na ya mwẹ zọ ese, sẹ nẹ nian, ẹghẹ sẹ nẹ ne I ra ya fi agbọn na ye otọ.

II Timoti 4:6 ပူးပေါင်းရင်းမြစ်များ

Gẹnẹsis 48:21

E Jekọb keghi tama e Josẹf wẹẹ, “Ghe, ẹghẹ uwu mwẹ sikẹ otọ fo. Sokpan Osanobua gha yaba ruẹ, ọ ghi vbe dọlegbe rhie ruẹ gha die otọe avbe erha a odede.

Gẹnẹsis 50:24

Rẹn keghi tama etiọnrẹn wẹẹ, “Te i ghi ra wu na, sokpan Osanobua gha gbearoghe uwa vbe ne a i na gbe awẹawẹ, ọ ghi viọ uwa ke otọe na ladian gha rrie otọe nii ne ọ ve iran ẹre ighẹ Ebraham, Aizik kevbe Jekọb.”

Diuteronomi 31:14

Ẹre Nọyaẹnmwa na tama Mosis wẹẹ, “Ẹghẹ ne u ra ya vbe agbọn ma ghi mobọ tan. Tie Jọsua ne u rhie ẹre gha die uwu Owa Ukpọn, ne I miẹn ehe na vbe ta ẹmwẹ ọghe ọe ma rẹn.” Ẹre Mosis kevbe Jọsua na la uwu Owa Ukpọn,

Filipai 1:23

Te aro mwẹ ghi rre eran rre eran. Ọ wa khọn mwẹ ne I sẹ agbọn na rae ne I ya tota ke Kristi, ọnii ọ wa re emwi ne ọ maa sẹ ẹsẹse.

Filipai 2:17

Ogha kẹe, te a ra gbe esagiẹn arrọọ mwẹ ye otọ zẹ vbe emwi imuohan ye ese ne iyayi uwa zọ ghe Osanobua. Ọ gha yerriọ I gha ghọghọ, I gha vbe ghae ne uwa hia vbe oghọghọ mwẹ na.

Jọsua 23:14

“Banbanna nian, te imẹ ghi ra wu, dọmwadẹ ọghọe vbe uwu uwa rẹnrẹn vbe uwu ekhọe kevbe orhiọn rẹn wẹ e Nọyaẹnmwa Osanobua uwa viọ emwi esi hia ne a ve uwa re ne uwa nẹ. Emwi hia ne ọ yanrẹn, a ru iran nẹ, ọkpa ne ọ fira vbe uwu eyan nii, ẹ i rrọọ.