II Timoti 4:5 - Edo Bible (E Baibol Ẹdo) Version 1996

⁵ Sokpan, wẹ ghi da egbe ruẹ yi, vbe ne emwi rhirhi gha ye hẹ, gha ziengbe oya, gha winna iwinna ọmwa ne ọ kpe orhu Iyẹn Ne ọ maa ne u vbe gha winna iwinna ruẹn hia, zẹ vbe ọguọmwadia Osanobua.

II Timoti 4:5 ပူးပေါင်းရင်းမြစ်များ

Aizaia 62:6

Jerusalẹm, I viọ avbe abodẹ ye ekẹn ọlẹga ruẹ nẹ ohan i gie iran hunmwan vbe avan ra asọn te iran ra gha ye Nọyaẹnmwa eyan ne ọ yanrẹn rre, iran i vbe gie irẹn mianmian.

Jerimaia 6:17

Ẹre Nọyaẹnmwa na zẹ avbe abodẹ ne iran gha ra ehọ vbene okpe ne a kpe kha hẹ.” Sokpan iran keghi kha wẹẹ, “Ma i ra ehọ emwi rhọkpa.”

Ezikiẹl 3:17

“Ovbi ọmwa, I ra ya a ru abodẹ ne Izrẹl. U ghi tama iran emwi ne I ya bu iran ude khẹ ọ dee.

Ezikiẹl 33:2

“Ovbi ọmwa, tama emwa ruẹn emwi ne ọ sunu vbe I gha mu okuo la ẹvbo. Emwa ẹvbo nii ghi zẹ ọkpa vbe uwu iran ne ọ gha re abodẹ.

Ezikiẹl 33:7

“Banbanna nian, ovbi ọmwa, I ya uwẹ ru abodẹ ne Izrẹl. I gha yan ma iran, u ghi tama iran.

Matiu 25:16

Ọguọmwadia ne a mu enaira arriaisẹn isẹn na keghi wa giẹgiẹ ya ye ọghọe do ẹki, ọ kevbe miẹn enaira arriaisẹn isẹn vbe ere.

Iyẹn ne ọ Maan Ọghe Mak 13:34

Te ọ ra ye vbe okpia ọkpa ne ọ kpao vbe owa gha rrie ehe, ọ na sẹ eguọmwadia ẹre rae ye owa, ọ na fian okhuo dọmwadẹ ọghọe nẹ ẹn, ọ na vbe khama ukọ ne urho ne ọ gha ba odẹ.

Iyẹn ne ọ Maan Ọghe Mak 13:37

Ẹmwẹ ne I tama uwa na, wa hia ọre I tae ma, wa gha ba odẹ!”

Iyẹn ne ọ Maan Ọghe Luk 12:37

Ọ gha ma ne avbe eguọmwadia ni gbe vbe arowa iran aa do vba ighe iran ma vbiẹ, ighe iran re ọkhẹ. Ne I tama uwa, rẹn gha gba ukugba, ọ ghi wẹ ne iran tota, ọ ghi gho iran.

Iwinna 21:8

Vbe ikpẹdẹ ne ọ lele ẹe ma keghi kpao, a na do sẹ Sisaria. Ma kegha rrie owa Filip ne ọ kpe orhu iyẹn ne ọ maa, ma na di owa ẹre ya. Rẹn keghi re ọkpa vbe uwu iran ihinrọn ne a zẹe vbe Jerusalẹm.

Ebe ne Pọl gbẹẹn gie emwa Rom 15:19

La ekpa ẹtin, ama kevbe iwinna ọyunnuan kevbe ẹtin ọghe Orhiọn. Ọre a na miẹn wẹẹ I ke Jerusalẹm khian ya sẹ Ilirikọm. I kegha na ọna ọre ọ na fo ighẹ Iyẹn Ne ọ maa vbe ekpa Jesu Kristi.

Ẹfisọs 4:11

Rọẹn nii ọre ọ ya emwi ne emwa, ọ keghi zẹ eso ne iran gha re ukọ, eso, akhasẹ, eso iran ni kpe orhu iyẹn ne ọ maa, eso avbe ohẹn, kevbe avbe ọmamwaemwi.

Ẹfisọs 4:12

Te ọ ru ọna ne ọ miẹn ehe na mu emwa Osanobua egbe ye otọ ye iwinna ugamwẹ enọya Kristi yi, ne a miẹn ehe na de ẹre igie ighẹ ikinnegbe Kristi.

Kọlose 1:25

Osanobua vbe ya mwẹ ru ọguọmwadia esọsi nẹ, ọmwa ne ọ mu iwinna na mẹ winna, ne umamwẹ uwa. Ne iwinna ọrọre ne a gha ta ẹmwẹ nene iyẹn ne ọ maa ọta fo.

Kọlose 4:17

Wa khama Akipọs wẹ, “Ghẹ i mwẹ u ma winnaẹn fo ighẹ okhuo ne a fian nuẹn vbe iwinna Nọyaẹnmwa.”

I Tẹsalonaika 5:6

Rhunmwuda ọnii, ọ ma kei ne ima gha vbiẹ zẹ vbe iran nekpa, ọ kere ne ima rhiọrre, ne aro gbannọ ima vbe uhunmwu.

I Timoti 4:12

Ghẹ gie ọmwarhọkpa ye aro tila ruẹ a rhunmwuda ighẹ ọvbokhan u khin, sokpan gha re igiemwi ne eni yayi hia, vbe ẹmwẹ ne u guan, uyinmwẹ ruẹn, aho ẹmwẹ ọmwa ruẹn, iyayi kevbe a i mwẹ iruẹn.

I Timoti 4:15

Gha ya avbe emwi na rue emwi, ne u vbe zẹ egbe ruẹ obọ ne iran, ne alaghodaro ruẹ miẹn ehe na gha re ne aro emwa hia sẹẹ.

II Timoti 1:8

Rhunmwuda ọnii, ghẹ gie ekhue ẹmwẹ Nọyaẹnmwa ne a ta mu uẹn, erriọ, ghẹ vbe gie ekhue imẹ ne oleghan rẹn mu uẹn, sokpan vbe ghae vbe uwu oya ne a re ba ẹmwẹ nene Iyẹn Ne ọ maa zẹ vbene Osanobua rhie ẹtin nuẹn sẹ ya rriọe.

II Timoti 2:10

Ọna ọre ọ si ẹe, ne I na ya egbe miẹn emwi hia, rhunmwuda, emwa ne a hannọ zẹ ọghe Osanobua, ne imiẹnfan ne ọ rre uwu Jesu Kristi sẹtin vbe sẹ iran obọ, ke ẹe kevbe uyi etẹbitẹ.

II Timoti 2:3

Ghae vbe uwu oya, zẹ vbe ovbiyikuo ne ọ guobọ Kristi.

II Timoti 4:17

Sokpan, Nọyaẹnmwa keghi mudia ke mwẹ, ọ na rhie ẹtin yọ mwẹ iwu, sẹrriọ wẹ I keghi sẹtin kpe orhu ẹmwẹ nii ma avbe iran ne ẹ i re Ju hia họn, a keghi vbe wọlọ mwẹ hin uwu unu oduma nii rre.

Hibru 13:17

Wa gha họn ẹmwẹ ne avbe ọkaolotu uwa, wa gha ru vbene iran kha re. Iran ọre ọ gbe aro ghe orhiọn uwa vbe ne a i na hẹwẹ, rhunmwuda ighẹ iran na iyẹn iwinna iran ma Osanobua. Wa ghẹ ghi gha họn ẹmwẹ ne iran nẹ, iran ghi gha ya ọyẹnmwẹ winna iwinna iran, a deghẹ ẹ i ghi ye rriọ, iran ghi gha ye ẹkorriaramwẹ winnaẹn, iyobọ ọkpa i rrọọ ne ọnii gha ru ne uwa.

I Pita 1:13

Rhunmwuda ọnii khekherriọ, wa mu ekhọe uwa egbe ye otọ ne a ya fian emwi gbua. Wa rhie vbẹ ne uwa vbe rhie ekhọe uwa aro ye odẹ fẹẹrẹ gha khẹ afiangbe ne a gha rhie ne uwa vbe ẹdẹ ne Jesu Kristi gha ya egbe ladian.

Arhie Maan 3:2

Rhunmwuda ọnii nian, rhiọrre ne u gbe avbe emwi ne u ghi mwẹ igiẹ, ne ọ ghẹ wa ya wu fo fẹẹrẹ. Rhunmwuda, I miẹn wẹ, emwi ne u he ru, ma he gba vbe odaro Osanobua mwẹ.