II Timoti 4:2 - Edo Bible (E Baibol Ẹdo) Version 1996

² Gha kpe orhu nene ẹmwẹ, mu yan rẹn wẹ, ne a gha ta ẹe, deghẹ ẹghẹ ke yọ, ra ọ ma ke yọ ne u gha yae la emwa ekhọe, ne u gha gu ọmwa gui, ne u gha rhie igiẹdu ne emwa, kevbe ne u gha ye i ziengbe ma emwa emwi.

II Timoti 4:2 ပူးပေါင်းရင်းမြစ်များ

Psalm 40:9

Vbe ehe ne avbe emwa ruẹn na si koko Nọyaẹnmwa mẹ keghi na iyẹn nọma ni wẹ, wẹ ọ re ọ miẹn mwa fan. Wẹ rẹnrẹn wẹ mẹ i ra dobọ ẹre ne a ta yi.

Jona 3:2

Ọ wẹẹ, “Gha rrie Ninevi, ẹvbo nọkhua nii, ne u tama emwa nii uhunmwu ne I giọ re.”

Iyẹn ne ọ Maan Ọghe Luk 7:23

U miẹn uwa ne ọmwa ne ọ ma gbe ọkhọnmwẹ ọkhọnmwẹ vbe gbe mwẹ ye!”

Iyẹn ne ọ Maan Ọghe Luk 7:4

Iran keghi bu Jesu gha dee, iran rinmwian ẹn ẹsẹse wẹẹ, “Ọmwa ne ọ kere ne u ru ẹre ẹse ọre ọmwa na wa khin.

Iyẹn ne ọ Maan Ọghe Luk 9:60

Jesu wanniẹn wẹẹ, “Gie iran ni wulo gha re orinmwi ọghe iran, wẹ ya gha kpe orhu Arriọba Osanobua.”

Iwinna 13:5

Iran ghi sẹ Salamis, iran kpe orhu ẹmwẹ Osanobua vbe Ọgua ediọn avbe Ju, iran keghi rhie Jọn mwẹ obọ ne ọ gha ru iyobọ ne iran vbe iwinna.

Iwinna 16:13

Ọ ghi sẹ Ẹdẹ Ikẹtin, ma keghi ladian ore ẹvbo nii gha rrie ọkpẹn ẹzẹ ehe ne ima te ro ighẹ ehe ne avbe Ju na na erhunmwu gha ye. Ma keghi tota, ma na gha gu avbe Ju ikhuo ni si egbe koko ye evba guan.

Iwinna 20:7

Vbe Ẹdẹ uzọla, ma keghi si egbe koko ne a rri evbare ivbiotu. Pọl kegha gu avbe emwa ni guan, ọ keghi guan rhinrin ya sẹ ogiasọn rhunmwuda rẹn gha kpao vbe ẹdẹ a gbe.

Iwinna 28:16

Ma ghi sẹ Rom, iran keghi sẹ Pọl rae ne ọ tobọ ẹre tota ye ihọkpa, iran rhie ovbiyokuo ọkpa wẹ ne ọ gha rhie aro lele ẹe.

Ebe ne Pọl gbẹẹn gie emwa Rom 10:15

Vbe a gha na kpe orhu hẹ, a deghẹ i re te a gie emwa gha khian? Zẹ vbene ebe tae, “A miẹn vbene urremwẹ iran ru ọyunnuan hẹ ighẹ iran ni rhie iyẹn ne ọ maa dee!”

Ebe ne Pọl gbẹẹn gie emwa Rom 12:12

Wa gie idaehọ ne uwa mwẹ gha ye ọyẹnmwẹ sẹ uwa vbe ẹghẹ hia, wa gha ziengbe vbe ẹghẹ ọlọghọmwa, wa ghi vbe gha na erhunmwu vbe ẹghẹ hia.

Galatia 6:6

Ọmwa ne a ẹre emwi ẹmwẹ iyayi Kristi, ọ kere ne ọ gha ghae vbe emwi ne ọ mwẹ ne ọmwa ne ọ ma ẹre emwi.

Kọlose 1:25

Osanobua vbe ya mwẹ ru ọguọmwadia esọsi nẹ, ọmwa ne ọ mu iwinna na mẹ winna, ne umamwẹ uwa. Ne iwinna ọrọre ne a gha ta ẹmwẹ nene iyẹn ne ọ maa ọta fo.

Kọlose 4:3

Vbe uwu ẹre nii, wa. vbe gha na erhunmwu ne ima, wẹ ne Osanobua rhie ẹkpotọ ne ọ maa ne ima ya kpe orhu iyẹn ne ọ maa ọghọe, ne a miẹn ehe na ta oro ẹmwẹ Kristi, rhunmwuda, ọnii ọ zẹe ne I na rre uwu eghan na.

I Tẹsalonaika 1:6

Wa keghi gha ghe ima kevbe Nọyaẹnmwa ru emwi, egbe ne a rhe ya miẹn ighẹ wa rri oya sẹ vberriọ, wa keghi ya oghọghọ ne ọ ke obọ Orhiọn Ne Ọ Huanrẹn rre miẹn rẹn.

I Tẹsalonaika 5:14

Ma kakabọ tua unu muẹn ma uwa etẹn mwẹ, wa gha ye obọ sa ekhae ne iran ni si oroho, wa gha rhie udinmwẹ ne iran ni ma din, wa gha ye iran ni ma wo vbe egbe obọ, wa gha mu ẹmwẹ emwa hia wo egbe.

I Tẹsalonaika 5:20

Wa ghẹ gha kpọzọ ẹe rua ighe ẹmwẹ ne a ye aguakpao orhiọn ta.

I Timoti 4:13

Kakabọ rhie ẹghẹ ne u mu egbe ye ẹmwẹ Ebe ne a tie ma emwa vbe I te rre, ke ẹe kevbe orhu ne a kpe, kevbe emwi ne a ma emwa ẹre.

I Timoti 5:20

Gu ọmwa ne ọ ru khọ gui vbe sirra emwa hia ne emwa nekpa miẹn ehe na gha mwẹ imuohan.

II Timoti 2:21

A deghẹ ọmwaikọmwa yuo egbe ẹre hin uwu avbe emwi dan na rre, rẹn ghi gha re ne a lo vbe ẹghẹ kpataki, rhunmwuda rẹn ya egbe fi ohan, ọ keghi vbe guobọ arowa ẹre, ọ mu egbe vbe ẹghẹ hia, ne a ya lo ẹre ye emwi ne ọ maa.

II Timoti 2:25

Ọmwa ne ọ ya urhu khuẹrhẹ tama ọmwa ne ọ gu ẹe suan, ehe ne ọ na bae ku. Ughaghe Osanobua gha rhie ẹkpotọ ne iran ya fi uyinmwẹ werriẹ, ne iran vbe do rẹn ẹmwata ne ọ rrọọ.

II Timoti 3:10

Sokpan, aro ruẹ sẹ emwi ne I ma emwa ẹre, kevbe uyinmwẹ mwẹ, u vbe miẹn iyayi mwẹ, izin egbe mwẹ, aho ẹmwẹ ọmwa mwẹ, kevbe vbene I hia hẹ.

Taitọs 1:13

Ẹmwata ọre ẹmwẹ ne ọ tae khin, rhunmwuda ọnii, u ghi gha kakabọ gu iran gui ye abakuru iran, ne iran miẹn ehe na gha mwẹ iyayi ne egbe rran rẹn.

Taitọs 2:15

Gha ma emwa avbe emwi na hia, vbe gha lo asẹ hia ne ọ gu ẹe vbe uwu ẹghẹ ne u na rhie igiẹdu ne iran, kevbe ne u na vbe gu iran gui hin ọkhọ rre, ighẹ iran ni danmwehọ ruẹ. Ghẹ gie ọmwa rhọkpa vbe uwu iran ye aro gue uẹ re.

Hibru 13:22

I rinmwian uwa etẹn mwẹ, ne uwa ye i ziengbe danmwehọ ikporhu igiẹdu na, rhunmwuda ebe ne I gbẹn gie uwa na ma tan gbe.

Arhie Maan 3:19

Ọmwa ne I ho ẹmwẹ ọnrẹn ọre I gu gui, ọre I vbe gbe hin ọkhọ rre. Mu aro yọ khekherriọ, ne u fiwerriẹ hin orukhọ ruẹ rre.