II Timoti 3:8 - Edo Bible (E Baibol Ẹdo) Version 1996

⁸ Zẹ vbene Janis kevbe Jambres gha gbe odan ghe Mosis, erriọ emwa na gbe odan ghẹ ẹmwata, emwa na, ekhọe iran i ghi winna, iran keghi vbe gbe akuọkan vbe iyayi.

II Timoti 3:8 ပူးပေါင်းရင်းမြစ်များ

Ẹksọdọs 7:11

Ẹre ọba na tie avbe umẹwaẹn kevbe ọbo edunna rẹn hia, iran keghi vbe ya ọbo edunna iran ru vberriọ.

Ẹksọdọs 7:22

Ẹre ọbo edunna ọghe ọba na vbe ya ẹbo edunna ru ẹe, ọba keghi dọlegbe yin ehọ sayọ. Ọ ma zẹdẹ zẹye Mosis kevbe Errọn re zẹ vbe ne Nọyaẹnmwa kha re

Ẹksọdọs 8:18

Avbe ọbo edunna hia ni rre Igipt keghi te hia ne iran vbe ya ẹbo iran ru ẹkhunkhun, sokpan iran ma sẹtin. ẹkhunkhun keghi gba ehe hia.

Ẹksọdọs 8:7

Sokpan, avbe ọbo edunna keghi vbe ya ọbo edunna iran viọ ẹkirẹ ladian.

Iwinna 15:24

Ma họn ẹn wẹ ivbi otu mwa eso bu uwa gha dee, iran keghi do gha guan ẹmwẹ eso ya gha kpokpo uwa, iran na vbe mu uwa orhiọn rueghe. Vbe ne ọ rhirhi gha ye hẹ, ma ma gie iran ne iran do ru emwi vberriọ.

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.

Ebe ne Pọl gbẹẹn gie emwa Rom 16:18

Rhunmwuda iran ni ru emwi vbe nian, ẹ i re Kristi Nọyaẹnmwa ọre iran ga, gberra evbare ne ọ khọn iran. Iran ghi ya ẹmwẹ ne ọ rhiẹnrhiẹn kevbe aranmwẹ erẹrẹ iran gha ye iran ni ma rẹn ọkpa ọ ma rẹn eva de odẹ.

Ẹfisọs 4:14

Ẹghẹ nii, ma i ghi ra gha re emọ obọ ne ulẹmwẹ ẹzẹ mu yo mu rre, kevbe ne ẹhoho ẹziza, ọghe iruẹmwi emwa erẹrẹ, bi yo bi rre, emwa ni ya ero ne ọ ke ẹko iran zọ rre de emwa ọvbehe odẹ.

I Timoti 1:19

U ghi da iyayi ruẹ yi ba ekhọe ne ẹ i mwẹ ebikhuikhui. Emwa eso ma zẹ ye emwi ne ekhọe iran tama iran, iran keghi wa gbe okọ iyayi iran ye amẹ.

I Timoti 4:2

Obọ avbe ọhọn ohoghe ni mu emwa rẹrẹ, ọre iruẹmwi na ke rre, emwa ne ekhọe ẹre gbin vbe ne a miẹn wẹ te a mu ematọn ye erhẹn ya tọn ẹn.

I Timoti 6:5

Igbeagbanmwẹ ne iran muhẹn ighẹ emwa ne ekhọe ẹre sohie nẹ, ẹmwata i ghi vbe rre iran unu. Iran ro ighẹ iyayi, emwi ne a ya gualọ igho ọre nọ.

II Timoti 4:15

Wẹ tobọ ruẹ ghi vbe rhuanegbe vbe egbe ẹre, rhunmwuda, ọkpankpan ọre ọ ya ye ọmwa egbe ba ẹmwẹ ikporhu na.

Taitọs 1:10

Rhunmwuda emwa ni bun ọre ọ sọtẹ, iran ghi vbe gha ya ẹmwẹ nọ ma khian rẹn iran, rẹrẹ emwa ọvbehe, kpataki iran ne a fi ẹre ekhọe werriẹ hin ugamwẹ avbe Ju nẹdẹ rre.

Taitọs 1:16

Iran ghi gha ye unu kha ighẹ iran rẹn Osanobua, sokpan uyinmwẹ iran ghi gha kha ighẹ ohoghe nọ. Iran ghi vuọn ne ẹkokhọmwẹ, iran i họn ẹmwẹ, iran i vbe sẹtin ru emwi ne ọ maa rhọkpa.

II Pita 2:14

Iran i ho ne iran bẹghe emwi ọvbehe gberra ikhuo ni ku ogboi, ẹko i sẹtin vuọn ohanmwẹ orukhọ iran ẹdẹ. Iran ghi gha sua ọmwa ne ọ ma wo vbe egbe fi ifi. Te a wa ma ekhọe iran ẹre ne iran gha zuan. Te Osanobua fi iran unu.

I Jọn 2:18

Ivbi mwẹ, ufomwẹ sẹ otọ fo nẹ. A khama uwa wẹ, Oghian Kristi gha rre, banbanna nian, eghian Kristi ni bun rhie egbe ma nẹ, rhunmwuda ọnii, ma rẹnrẹn wẹ, ufomwẹ sẹ otọ fo nẹ.

I Jọn 4:1

Wa ne ọse mwẹ ni ghaan, wa ghẹ gha ya iran hia ni kha ighẹ iran mwẹ nene Orhiọn yi, sokpan wa ghi ka danmwẹ ọẹn ghe nẹ ne uwa miẹn ehe na rẹn a deghẹ obọ Osanobua ọre nene orhiọn ne iran mwẹ ke rre. Rhunmwuda avbe akhasẹ ohoghe ni bun wa vẹ gba ehe hia.

Arhie Maan 2:20

Sokpan ẹzọ ruẹ ne I gui ọre ọna khin wẹ, u keghi rhie otọ ne khuo ni ighẹ Jezibẹl, ọmwa ne ọ tie egbe ẹre ukọ Osanobua. Rẹn gha ma avbe emwa ẹre, ọ ghi vbe gha silo iran fi uwu alama oghẹ kevbe ne iran gha rri evbare ne a ya ru ẹbọ.

Arhie Maan 2:6

Emwi ne I ghi vbe ya so eni ruẹn ne ọ maa ọre ọna khin wẹ, vbene emwi ne avbe Nikalaitan ru sọnnọ mwẹ, erriọ ọre ọ vbe sọnnọ uwẹ.