II Timoti 3:7 - Edo Bible (E Baibol Ẹdo) Version 1996

⁷ ikhuo ni ho ne iran gha ruẹ emwi vbe ẹghẹ hia, sokpan iran i rẹn ẹmwata ni rrọọ ẹdẹ.

II Timoti 3:7 ပူးပေါင်းရင်းမြစ်များ

Itan 14:6

Ọmwa ne ọ ye obọ rra ẹwẹe ẹre okpa i sẹtin gha wan ẹdẹ, sokpan, ẹ i sọn emwa ẹwaẹn ruẹ emwi guẹ.

Matiu 13:11

Jesu wanniẹn tama iran wẹẹ, “Wa na ọre a ta ẹmwẹ oro Arriọba Osanobua ma ighẹ ẹ i re iran ni.

Iyẹn ne ọ Maan Ọghe Jọn 5:44

Wa ho ne uwa tobọ uwa gha tian egbe uwa, wa ma ho ne a miẹn ighẹ Osanobua ọkpa kẹkan ne ọ rrọọ ọre ọ tian uwa, vbe uwa a ghi ra na sẹtin yayi hẹẹ?

Ẹfisọs 4:14

Ẹghẹ nii, ma i ghi ra gha re emọ obọ ne ulẹmwẹ ẹzẹ mu yo mu rre, kevbe ne ẹhoho ẹziza, ọghe iruẹmwi emwa erẹrẹ, bi yo bi rre, emwa ni ya ero ne ọ ke ẹko iran zọ rre de emwa ọvbehe odẹ.

Diuteronomi 29:4

Sokpan, do sẹ ẹdẹnẹrẹ na, ọ ma he sẹtin ru ẹe ne uwa rẹn otọ emwi ne uwa miẹn.

I Timoti 2:4

Ọmwa ne ọ ho ne emwa hia fe, ne iran vbe do rẹn ẹmwata nii.

II Timoti 2:25

Ọmwa ne ọ ya urhu khuẹrhẹ tama ọmwa ne ọ gu ẹe suan, ehe ne ọ na bae ku. Ughaghe Osanobua gha rhie ẹkpotọ ne iran ya fi uyinmwẹ werriẹ, ne iran vbe do rẹn ẹmwata ne ọ rrọọ.

Hibru 5:11

Emwi wa rrọọ ne a gha guan yan ẹmwẹ na ẹsẹse, sokpan ọ wa lọghọ ne a rhan otọ ẹre ma uwa, rhunmwuda, wa i rherhe rẹn otọ emwi.