II Timoti 3:4 - Edo Bible (E Baibol Ẹdo) Version 1996

⁴ Iran ghi gha si uma isọtẹ, iran ghi gha zẹ esu, uhiomwẹ ghi zẹ iran udu ua. Iran ghi gha hoẹmwẹ egberọkhọmwẹ vbe ne iran i na hoẹmwẹ Osanobua.

II Timoti 3:4 ပူးပေါင်းရင်းမြစ်များ

Iwinna 19:36

Ọmwa ne ọ gha sẹtin muan emwi na ẹ i rrọọ, rhunmwuda ọnii nian, wa fu ekhọe rre ne uwa ghẹ ya ibalegbe ru emwikemwi.

Iwinna 7:52

Ọkpa rrọ vbe uwu iran ne akhasẹ ne avbe erha uwa odede ma kpokpo ra? Emwa ne Osanobua gie gha dee ni do kha ẹghẹ ni, ighẹ Ọguọmwadia emwata ẹre dee, iran gbele ehia a, ne a ghi ye na nian, wa ghi rhie ẹre ma an nẹ, wa keghi gbe ẹe rua.

Ebe ne Pọl gbẹẹn gie emwa Rom 11:20

Ẹmwata ọnii khin. A giagia iran kua rhunmwuda ighẹ uwẹ yayi. Sokpan, ghẹ tọn egbe mu gbe ye ẹmwẹ na, vberriọ, gie ohan gha mu ẹn.

Ebe ne Pọl gbẹẹn gie emwa Rom 16:18

Rhunmwuda iran ni ru emwi vbe nian, ẹ i re Kristi Nọyaẹnmwa ọre iran ga, gberra evbare ne ọ khọn iran. Iran ghi ya ẹmwẹ ne ọ rhiẹnrhiẹn kevbe aranmwẹ erẹrẹ iran gha ye iran ni ma rẹn ọkpa ọ ma rẹn eva de odẹ.

I Timoti 3:6

Ọ ma kei ne ọ gha re ọmwa ne ọ da yayi, ne a ghẹ miẹn ighẹ te ọ ghi tọn egbe mu, a ghi ya bu abe gbe ẹe zẹ vbene ọghe Esu gha ye.

I Timoti 5:6

Sokpan, okhuo ẹgbẹ ne ọ rhie egbe ẹre ye ne ọ gha zẹ ọwọbu, ọ wu nẹ, egbe ne ọ he rhe ya rre agbọn.

I Timoti 6:17

Tama iran ni fe vbe emwi agbọn na wẹ, ne iran ghẹ tọn egbe mu, kevbe wẹ, ne iran ghẹ mu ẹtin yan egbe emwi ne ọ mu yo mu rre vbe ne ẹfe ye, sokpan ne iran mu ẹtin yan Osanobua, ọmwa ne ọ viọ emwi hia ne ima wọrhọwọrhọ ne a ya gha zọmọ.

Ebe ne Jud gbẹẹn 1:19

Iran na ọre ọ si iwannegbe rre, iran ne amiẹn wẹ, emwi egbe kẹkan ọkpa ọre ọ ya iran ruemwi, emwa ne Orhiọn nii i gue hiehie.

Ebe ne Jud gbẹẹn 1:4

Rhunmwuda, emwa dan eso rẹnrẹn la uwu ima vbe ne a ma na rẹn, iran gha mu ikporhu ẹmwẹ ẹsọhẹ Osanobua khian ne iran miẹn ehe na rhie otọ ne uyinmwẹ alama oghẹ iran, ne iran miẹn ehe na he Jesu Kristi ye otọ, ọmwa ne ọre Arowa ọkpa ne ima mwẹ kevbe Nọyaẹnmwa. Ẹghẹ ne ọ kpẹre ne ọ gberra, ọre Ebe ta ẹmwẹ a bu abe gbe emwa na, ye otọ ighẹ ne ọ do sẹ iran egbe na.