II Timoti 2:5 - Edo Bible (E Baibol Ẹdo) Version 1996

⁵ Ọmọ ne egbe sasa, ne ọ vbe deba emwa rhulẹ ne a ya sinmwi emwi, ẹ i sẹtin miẹn emwi rhọkpa, vbe ẹ i re te ọ gha ru vbene uhi iku ni khare.

II Timoti 2:5 ပူးပေါင်းရင်းမြစ်များ

Iyẹn ne ọ Maan Ọghe Luk 13:24

“Jesu wanniẹn tama iran wẹẹ, ziga ne u la onurho ne wẹnrẹn la owa, ne I khama ruẹn wẹẹ, emwa ni bun ọre ọ gha hia ne iran la owa sokpan iran i sẹtin.

Filipai 1:15

Ọ rhe ye rriọ, eso vbọ kpe orhu Kristi rhunmwuda oya ọmwa da ọmwa kevbe ẹmwẹ ne a ru, sokpan eso wa ya ẹkoata kpe orhu.

Kọlose 1:29

Ne a miẹn ehe na ru ọna mwẹ uhunmwu, ọre I na domian, kevbe ne I na miẹn ẹsọn vbe ne I na lo ẹtin nọkhua ne Kristi rhie mẹ, kevbe ne ọ vbe winna vbe uwu imẹ.

Hibru 12:4

Rhunmwuda, vbe uwu igbinna ne uwa gu orukhọ gbinna, ọ ma he sẹ egbe ne a ghi na te ra gbele uwa a.

Hibru 2:7

U yi ẹe vbe ovbi ẹghẹ kherhe ne ọ ghẹ vba avbe odibo Osa u keghi ye uyi kevbe ọghọ rhuẹ ọre ẹde,

Hibru 2:9

Sokpan ma miẹn Jesu! Vbe ovbi ẹghẹ kherhe, a keghi ru ẹe ne ọ ghẹ vba avbe odibo Osa, ne a miẹn ehe na miẹn wẹ, vbe ekpa ẹsọhẹ Osanobua, ne ọ wu ne emwa hia.

Jems 1:12

Afiangbe nọ ne ọmwa ne ọ ziẹn egbe vbe a gha danmwẹ ọẹn ghe, rhunmwuda a deghẹ ọ ma rrie edanmwẹ, ọ gha miẹn arrọọ rhie zẹ vbe ne Osanobua ve iran ni ho ẹmwẹ ọnrẹn re.

I Pita 5:4

Ẹghẹ ne Ogiete iran ne avbe Ọsuohuan gha na ya egbe ladian, ẹde uyi ne ẹ i fafaa, gha sẹ uẹ obọ.

Arhie Maan 2:10

Ghẹ gie afianma oya ne u ra do re vbe ọ ma he kpẹe na fian. Danmwehọ! Esu ra do danmwẹ uwa ghe vbe ekpa ne ọ gha na viọ eso vbe uwu uwa ku eghan. Ikpẹdẹ igbe ọre ọlọghọmwa uwa ni ra ya vbe otọ. Mu uhunmwu ke ọe ya sẹ uwu, mẹ gha rhie ẹde ẹfe ne uẹn.

Arhie Maan 3:11

I dee ẹgiẹgiẹ. Emwi ne ọ gu uẹ, dae yi mwẹ gbain ne ọmwaikọmwa ghẹ ya gbe uẹ miẹn ruẹn igho ọmẹguae ne a se yuẹ obọ.

Arhie Maan 4:10

avbe ediọn enẹyanugie nii ghi dele gbe otọ vbe odaro ọmwa ne ọ tota vbe ẹkete nii, iran ghi ya uhunmwu rhanmwẹ otọ ne ọmwa ne ọ rrọọ ẹdẹ kevbe ẹdẹdẹmwẹdẹ. Iran ghi filo ẹde iran ku odaro ẹkete nii, iran ghi wẹẹ:

Arhie Maan 4:4

A keghi yọyọ ẹkete enẹyanugie ọvbehe lẹga ẹkete nii, ediọn enẹyanugie keghi tota yan iran, a keghi yọ iran ogbọnmwọkpa, iran keghi vbe mu ẹde igoru rhuẹ.