II Timoti 2:4 - Edo Bible (E Baibol Ẹdo) Version 1996

⁴ Ovbiyokuo ne ọ ye yo igbinna, te ọ gha ho ne ọ ru emwi ne ọ gha yẹ arowa ne ọ gbe aro ghe iran, rhunmwuda ọnii, ẹ i khian gha gbe egbe avbe emwi ne emwa kẹkan ni rre ẹvbo ru.

II Timoti 2:4 ပူးပေါင်းရင်းမြစ်များ

Iyẹn ne ọ Maan Ọghe Luk 8:14

Emwiokọ ni dele ye uwu igban mudia ye ihe iran ni họn ẹn sokpan orueghe, ẹfe kevbe orhiẹnrhiẹn agbọn keghi siẹn yan rẹn, iran keghi yẹn ọnrẹn gbua, ọ ma ghi hin obọ arowa.

II Kọrinti 5:9

Sokpan ne ọ sẹre vbe uwu ehia ọrọre wẹ, ma ho ne a gha ru ne ọ yẹ ọre, ọ re vbe owa mwa vbe edinran nọ ra vbe odọ.

Galatia 5:1

Ọdakha egbe mwa ma ye. Kristi rhan ima nẹ. Rhunmwuda ọnii nian, wa mudia zẹ vbe emwa ni rre ọdakha egbe iran, ne uwa ghẹ ghi gie a dọlegbe ya uwa khian eviẹn.

I Tẹsalonaika 2:4

Vberriọ, vbe ne Osanobua wẹ ne ima gha guan, ọre ima ya guan, rhunmwuda, Osanobua gba ẹko ima, ọre ọna mu ẹmwẹ Iyẹn Ne ọ maa ye ima obọ. Ẹ i re ne ọ gha yẹ emwa ne agbọn ma ru, vbe ẹ i re ne ọ gha yẹ Osanobua ọmwa nọ danmwẹ emwi ne ọ rre ima ekhọe ghe.

II Timoti 4:10

Rhunmwuda agbọn na rhiẹnrhiẹn mu e Demas ukpẹ nẹ, ọ kpao sẹ mwẹ rae, ọ kpao gha rrie Tesalonaika, e Kresens rrie Galatia, e Taitọs rrie Dalmatia.

II Pita 2:20

Rhunmwuda, deghẹ ọmwa sẹtin lẹ fe nẹ vbe obọ avbe ẹtin ne ọ sẹtin gbe ọmwa ruan, vbe agbọn na, vbe ekpa ne ọ na rẹn Nọyaẹnmwa kevbe Ọmiọnmwafan mwa Jesu Kristi, a na miẹn wẹ obọ iran vbe dọlegbe vba ẹre, obọ iran na vbe gba ẹre egbe ihe ne ọmwa nii ghi ye keghi re ne ọ rhia sẹẹ ne ọ te ka gha ye vbe omuhẹn.