II Timoti 1:8 - Edo Bible (E Baibol Ẹdo) Version 1996

⁸ Rhunmwuda ọnii, ghẹ gie ekhue ẹmwẹ Nọyaẹnmwa ne a ta mu uẹn, erriọ, ghẹ vbe gie ekhue imẹ ne oleghan rẹn mu uẹn, sokpan vbe ghae vbe uwu oya ne a re ba ẹmwẹ nene Iyẹn Ne ọ maa zẹ vbene Osanobua rhie ẹtin nuẹn sẹ ya rriọe.

II Timoti 1:8 ပူးပေါင်းရင်းမြစ်များ

Psalm 119:46

Mẹ gha na iyẹn iyi ruẹ ma avbe ọba ekhue i ra vbe mu mwẹ.

Psalm 19:7

Te uhi e Nọyaẹnmwa wa gba te ọ rhie ẹtin ọgbọn ye ọmwa iwu. Iyi e Nọyaẹnmwa gia mu ẹtin yan, te ọ rhie ẹwaẹn ne iran ne ẹi te mwẹ.

Aizaia 51:7

“Wa danmwehọ mwẹ, wa ne ọ rẹn emwi ne ọ gbae ni rhie emwi ne I ma iran re mwẹ vbe ekhọe. Wa ghẹ gie ohan mu uwa vbe emwa a gha giẹ ighẹ iran vbe rhovbiẹ uwa;

Aizaia 8:20

Wẹ ghi zẹ wanniẹn iran wẹẹ, “Danmwehọ emwi ne Nọyaẹnmwa ma uwa ẹre! Wa ghẹ danmwehọ avbe iran ni miẹn aro, emwi ne iran ra tama uwa i mwẹ asa ne ọ ye ne uwa.”

Iyẹn ne ọ Maan Ọghe Mak 8:38

Rhunmwuda ọnii, deghẹ ọmwaikọmwa mu ekhue mwẹ kevbe ekhue iyẹn ne ọ maa vbe agbọn ọrhiae ne ọ maa rẹn Osanobua na, Ovbi Ọmwa gha vbe mu ekhue ẹre vbe ọ gha rre vbe uyi ọghe Erha ẹe deba avbe odibosa ni huanrẹn.”

Iyẹn ne ọ Maan Ọghe Luk 9:26

Deghẹ ekhue mu ọmwaikọmwa ba ẹmwẹ mwẹ ra iruemwi mwẹ, ẹmwẹ ọnrẹn gha vbe mu Ovbi Ọmwa ekhue vbe ẹghẹ ne ọ gha ya rre vbe uwu uyi ẹre kevbe ọghe Erha ẹe kevbe ọghe avbe odibosa.

Iyẹn ne ọ Maan Ọghe Jọn 15:27

Wa ne arẹngbe gha vbe ta ẹmwẹ mwẹ rhunmwuda ma hia ọ gba gha khian ke otọ gha dee.”

Iyẹn ne ọ Maan Ọghe Jọn 19:35

Ọmwa ne aro ẹre sẹ emwi na ọre ọ ta ẹe. Ma rẹnrẹn ighe ẹmwata ọre ọ ta ẹe, ne uwa miẹn ehe na yayi.)

Iwinna 5:41

Avbe ukọ keghi ladian vbe iko, ẹko iran keghi vuọn ne oghọghọ wẹ Osanobua vbe ka iran ye emwa ni sẹe ni gha rri oya efaa ba ẹmwẹ eni Jesu.

Ebe ne Pọl gbẹẹn gie emwa Rom 1:16

I wa mu ẹtin yan iyẹn ne ọ maa, ẹtin ne Osanobua ya miẹn iran ni yayi fan nọ, okaro, avbe Ju sokpan kevbe iran ne ẹ i re Ju ba ẹre.

Ebe ne Pọl gbẹẹn gie emwa Rom 16:25

Gie ima rhie uyi ne Osanobua! Rẹn gha sẹtin ya uwa mudia gbain vbe iyayi uwa, zẹ vbe Iyẹn Ne ọ maa ne I kpe orhu ẹre ighẹ ẹmwẹ Jesu Kristi, kevbe zẹ vbe ẹmwata ne a rhie lẹre ne ẹkpo i mwẹ arria gha dee, ne a miẹn nian wẹ ọ vẹe ne a rẹn.

Ebe ne Pọl gbẹẹn gie emwa Rom 8:36

Zẹ vbene ebe kha re, “Rhunmwuda ruẹ, uwu mu kọ ima la ẹdẹ biiri a kegha ru mwa zẹ vbe ohuan ne a ra ya gbelua.”

Ebe ne Pọl gbẹẹn gie emwa Rom 9:33

Ne ebe ta ẹmwẹ ọnrẹn wẹẹ: “Ghe, I mu okuta ne ọ rrua ọmwa owẹ ọkpa ye Zaiọn okuta nọkhua ne ọ gha rrua iran gbe otọ. Sokpan ọmwa ne ọ mu ẹtin ya rẹn, ẹ i ra gbe I ma rẹn.”

I Kọrinti 1:6

Ikpẹ orhu ẹmwẹ Kristi wa gbinna nẹ vbe uwu uwa sẹrriọ.

II Kọrinti 6:7

Vbe ekpa ikpe orhu ẹmwata, vbe ekpa ẹtin Osanobua. Uyinmwẹ ẹmwata ọrọre emwi gbinna ne a ya gu emwa gbinna, kevbe ne a ya sinmwi egbe mwa.

Ẹfisọs 3:1

Rhunmwuda ọnọna, mẹ ne Pọl ne oleghan Kristi Jesu rhunmwuda uwa ne ẹ i re Ju, na erhunmwu ghe Osanobua.

Ẹfisọs 3:13

Rhunmwuda ọnii nian, I rinmwian uwa, wa ghẹ gi ẹe gbe uwa orhiọn ighẹ oya ne I re ne uwa na, ọyọ ọghe uwa nọ.

Ẹfisọs 4:1

Rhunmwuda ọnii, I mobọ yatua uwa, mẹ ne ọre oleghan rhunmwuda ighẹ I ga Nọyaẹnmwa, wa gha ru emwi zẹ vbene ọ sikẹ ukpo ne Osanobua mwa ne uwa, vbe ẹghẹ ne ọ na tie uwa.

Ẹfisọs 4:17

Rhunmwuda ọnii, eni Nọyaẹnmwa ọre I ya ta ẹmwẹ na, te I wa vbe tua unu muẹn wẹ, wa ghẹ gha ru vbene avbe iran ne enigẹbọ ru, emwa ne iziro ekhọe iran i mwẹ esa ne ọ ye.

Filipai 1:7

Ẹmwẹ uwa i lahin ekhọe mwẹ rre, rhunmwuda ọnii, emwi ne ọ kere nọ ne ẹmwẹ uwa gha ye rriọ vbe ekhọe mwẹ. Rhunmwuda, wa hia gun mwẹ ghae vbe emwi ne Osanobua ya mu ọghọ yọ mwẹ egbe na, kevbe ẹghẹ ne I na rre uwu eghan na, kevbe ẹghẹ ne idobo i na rrọọ mẹ, vbe i a gha mu ẹmwẹ iyẹn ne ọ maa gui, kevbe I a vbe gha ya ẹre igiẹ mu otọ.

Filipai 3:10

Emwi ne I ghi ho ọrọre ne I rẹn Kristi, ne I vbe miẹn ẹtin arhiọkpaegbe ẹre vbe egbe mwẹ, ne I ghae vbe uwu oya ne ọ re, ne I vbe do gha ye vbe irẹn vbe uwu ne ọ wu.

Filipai 4:13

I mwẹ ẹtin ne I ya ye egbe miẹn emwi hia vbe ekpa ẹtin ne Kristi rhie mẹ.

Kọlose 1:11

Te ẹtin ẹnrẹn hia, ne ọ ke uwu ẹtin uyi ẹre rre, gha ye uwa khian ne ọ wo vbe egbe, ne uwa miẹn ehe na sẹtin ye i ziengbe ye egbe miẹn emwi hia.

Kọlose 1:24

Banbanna nian, ọyẹnmwẹ wa sẹ mwẹ rhunmwuda oya ne I re ne uwa. Rhunmwuda, vbe ekpa oya ne I re vbe ikinnegbe na, te I ghi do gbe vuọn rẹn ne ọ miẹn ehe na gba ighẹ ne ọ ghi te kẹe yi vbe oya ne Kristi re ne ikinnegbe ẹre, ọnii nọ wẹ esọsi.

I Tẹsalonaika 3:4

Rhunmwuda, ẹghẹ ne ima na gha rre ehe ne uwa ye, ma tama uwa ye otọ wẹ, a gha zẹ mwa kpokpo, zẹ vbe ne uwa ghi miẹn ọẹn na nian, ọnii ọrọre emwi ne ọ sunu zẹẹ.

I Timoti 2:6

Ọmwa ne ọ ye egbe ẹre dẹ emwa ne agbọn hia werriegbe, ọnii ọre ama ne aro ya dae ẹe, vbe ọwa sẹ ẹghẹ ọre zẹẹ, wẹ Osanobua ho ne emwa hia miẹn imiẹnfan.

II Timoti 1:10

Sokpan banbanna nian, te a ghi do rhie ẹre ma ima, vbe uwu urremwẹ Kristi Jesu, ne Ọmiọnmwafan mwa. Rhunmwuda, Kristi khuọn ẹtin uwu ua nẹ, ọ keghi vbe la ekpa nene iyẹn ne ọ maa rhie agbọn a i wu ẹdẹ ma emwa.

II Timoti 1:12

Ọnii ọre ọ zẹẹ ne I na rri oya emwi na hia. Sokpan ekhọe mwẹ ma he beghe hiehiere, rhunmwuda, mẹ rẹn ọmwa ne I mu ẹtin yan, aro mwẹ da ẹe wẹ, ọ gha sẹtin rhie ẹre mwẹ vbe ne a i na mwẹ ẹbe ighẹ emwi ne ọ ka yọ mwẹ obọ, rhinrin ya sẹ Ẹdẹ ne ẹdẹrriọ.

II Timoti 1:16

Nọyaẹnmwa ne ọ tohan igiowa Onisiforọs, rhunmwuda, ẹghẹ hia ọre ọ do ya gha mu mwẹ aro ze. Ekhue eghan ni ye ma mu ẹn.

II Timoti 2:3

Ghae vbe uwu oya, zẹ vbe ovbiyikuo ne ọ guobọ Kristi.

II Timoti 2:8

Ye Jesu Kristi rre, ọmwa ne a huẹn kpaegbe vbe orinmwi, ovbi uniẹn Devid, zẹ vbene a ta ẹe vbe Iyẹn Ne ọ maa ne I kpe orhu ẹre.

II Timoti 2:9

Rhunmwuda ighẹ I kpe orhu nene Iyẹn Ne ọ maa, oya i ghi re, u hin ighẹ te a ghi guọ eghan yọ mwẹ obọ, zẹ vbe izigan. Sokpan a ma ya eghan mu ẹmwẹ Nọyaẹnmwa gba.

II Timoti 4:17

Sokpan, Nọyaẹnmwa keghi mudia ke mwẹ, ọ na rhie ẹtin yọ mwẹ iwu, sẹrriọ wẹ I keghi sẹtin kpe orhu ẹmwẹ nii ma avbe iran ne ẹ i re Ju hia họn, a keghi vbe wọlọ mwẹ hin uwu unu oduma nii rre.

II Timoti 4:5

Sokpan, wẹ ghi da egbe ruẹ yi, vbe ne emwi rhirhi gha ye hẹ, gha ziengbe oya, gha winna iwinna ọmwa ne ọ kpe orhu Iyẹn Ne ọ maa ne u vbe gha winna iwinna ruẹn hia, zẹ vbe ọguọmwadia Osanobua.

I Pita 1:5

Ọ ghe uwa ọre nọ, wa ne a la ekpa ẹsọhẹ ya ẹtin Osanobua rhie lẹre, vbe ne a i na mwẹ ẹbe, vbe uwu ne uwa na mudia khẹ imiẹnfan, ne a gha rhie ne emwa hia miẹn vbe ẹdẹ ufomwẹ ẹghẹ.

I Jọn 4:14

Ma miẹn ọẹn nẹ, ma keghi vbe tama emwa ọvbehe wẹ, Evbavba gie Ovbi ẹre gha dee ne ọ do gha re Ọmiọnmwafan agbọn.

Ebe ne Jud gbẹẹn 1:24

Rọẹn ni ne ọ gha sẹtin da uwa yi ne uwa ghẹ de, ne ọ gha viọ uwa mudia vbe odaro uyi ẹre, zẹ vbe emwa ne ẹ i mwẹ ozan, kevbe ne ọ sẹ ọyẹnmwẹ.

Arhie Maan 1:2

Jọn vbe ta emwi ne ọ miẹn hia ladian nẹ. Iyẹn ne ọ naẹn vbe ekpa uhunmwu ne Osanobua gie rre ọre ọ na khin, ke ẹe kevbe emwi ne Jesu Kristi rhie ladian ne ọ miẹn.

Arhie Maan 1:9

Mẹ ọrọre Jọn ne ọtẹn uwa ne okpia, ọmwa ne ọ kugbe ba Kristi, ọ na vbe gu uwa gha ghae vbe uwu oya uwa kevbe Arriọba ẹre, kevbe uwu iziengbe. Iran keghi ya mu mwẹ fi otọe ne amẹ lẹga ne a tie ẹre Patmọs, rhunmwuda ighẹ I ta ẹmwẹ Osanobua kevbe ẹmwata ne Jesu rhie ladian ne a miẹn.

Arhie Maan 12:11

Esagiẹn Oteghe Ohuan nii kevbe orhu ẹmwata ne iran kpee, ọre avbe etẹn mwa ya khọn miẹn ẹre otọ, iran te wa vbe mu egbe ne iran rhie ẹdẹ agbọn iran ye otọ, ne iran vbe wulo.

Arhie Maan 19:10

I keghi de fi iguẹ vbe akharha ẹre ne I ya uhunmwu rhanmwẹ otọ nẹẹn, sokpan rẹn keghi tama mwẹ wẹẹ, “Ghẹ danmwẹ ọẹn ghe, ọguọmwadia ne ihua ọre imẹ vbe khin, kevbe zẹ vbe etuẹn, iran ni ya obọ da ẹmwata ne Jesu rhie maa yi mwẹ. Ya uhunmwu rhanmwẹ otọ ne Osanobua.” Rhunmwuda, ẹmwata ne Jesu rhie maa, ọre ọ rhie ẹtin ne avbe akhasẹ.