II Timoti 1:3 - Edo Bible (E Baibol Ẹdo) Version 1996

³ I kpọnmwẹ Osanobua, ọmwa ne I ya ekhọe sẹẹnrẹn ga, zẹ vbe ne avbe erha mwa odede vbe ru. I ghi gha kpọnmwẹ ọẹn vbe ẹghẹ hia ne I ya ye ruẹ rre vbe erhunmwu mwẹ, asọn kevbe avan.

II Timoti 1:3 ပူးပေါင်းရင်းမြစ်များ

Iyẹn ne ọ Maan Ọghe Luk 2:37

Ọdọ re ghi vbe wu nẹ, ọ keghi vbe ya ukpo enẹ yan iyenẹ ru ẹgbẹ. Ẹ ghi kpao vbe Ọgua Osa rre. Asọn vbe avan ọre ọ ya ga Osanobua vbe aguẹ kevbe erhunmwu.

Iwinna 22:3

“Ovbi e Ju ọre I khin, Tasọs ne ọ rre Silisia ọre a na biẹ mwẹ, sokpan Jerusalẹm na ọ re I na wan vbe ehe ne I na gha ruẹ ebe vbe obọ Gamaliẹl. Te a wa mobọ ma mwẹ emwi dinmwi vbe Uhi avbe erha mwa odede. Mẹ keghi vbe rhie egbe ye ẹmwẹ ugamwẹ Osanobua ẹsẹse zẹ vbene uwa ni rre emwa na ẹrẹna vbe ye.

Iwinna 23:1

Pọl keghi ziẹn aro ye emwa iko ni aro, ọ wẹẹ, “Etẹn mwẹ, orhiọn mwẹ ma bu abe gbe mwẹ hiehiere vbene uyinmwẹ mwẹ ye hẹ vbe odaro Osanobua do sẹ ẹdẹnẹrẹ na.”

Iwinna 24:14

Emwi ne ọ miẹn khama ruẹn ọna khin wẹẹ: Odẹ ne iran khare ighẹ ohoghe nọ ọre I la ga Osanobua avbe erha mwa odede. Sokpan I vbe ya emwi hia ne a gbẹnnẹ ye Uhi e Mosis kevbe ebe avbe akhasẹ yi.

Iwinna 24:16

Rhunmwuda ọnii ọre I na lo ẹtin mwẹ hia wẹ ne orhiọn mwẹ ghẹ sẹ osẹe gbe mwẹ vbe odaro Osanobua kevbe emwa ne agbọn.

Iwinna 26:4

“Avbe Ju hia rẹn vbene I ru emwi hẹ ke ẹghẹ ọvbokhan mwẹ gha dee. Iran rẹnrẹn, wẹ ke omuhẹn gha dee, ẹvbo mwẹ kevbe Jerusalẹm ọre I ye.

Iwinna 27:23

Rhunmwuda vbe ne asọn, odibo Osanobua ne imẹ re ọghọe kevbe ne imẹ ga keghi bu mwẹ rre, ọ wẹẹ,

Ebe ne Pọl gbẹẹn gie emwa Rom 9:1

Ẹmwẹ ne I ta ẹe, ẹmwata nọ, ọghe Kristi mẹ khin, I ma ta ohoghe. Ekhọe mwẹ ne Orhiọn Ne Ọ Huanrẹn khaemwisẹ yan, vbe tama mwẹ wẹ ẹ i re ohoghe ọre I ta.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

Galatia 1:14

I keghi ye ọrhẹnrhẹn gberra avbe Ju ne iho mwa vbe uwu ugamwẹ avbe Ju. I keghi wa mu ẹmwẹ emwi ne avbe erha mwa odede ru de ẹdẹ yan uhunmwu sẹẹ ẹsẹse.

Ẹfisọs 1:16

I ma he da obọ yi vbe ekpọnmwẹ ne I rhie ne Osanobua ne uwa. I ye uwa rre vbe uwu erhunmwu mwẹ.

I Tẹsalonaika 3:10

Asọn vbe avan ọre ima ya ya ekhọe mwa hia rinmwian ẹn, ne ọ gie ima tobọ ima ye aro kan uwa aro, ne ima miẹn ehe na rhie emwi ne iyayi uwa i te mwẹ yọ.

I Timoti 1:19

U ghi da iyayi ruẹ yi ba ekhọe ne ẹ i mwẹ ebikhuikhui. Emwa eso ma zẹ ye emwi ne ekhọe iran tama iran, iran keghi wa gbe okọ iyayi iran ye amẹ.

I Timoti 1:5

Emwi ne I rhunmwuda ẹre yi iyi na ọrọre, ne ọ gua ẹe kpao ighẹ aho ẹmwẹ ọmwa ne ekhọe sẹẹnrẹn, orhiọn ne ekhọe ẹre i gu gui, kevbe iyayi ne ẹ i re ọghe ababa.

I Timoti 5:5

Okhuo ne ọ re ẹgbẹ ne ẹgbẹ, ne ẹ i mwẹ ọmwa ne ọ gbe aro ghe ẹre, aro Osanobua ọkpa ọre ọ ghi ghe, ọ ghi gha na erhunmwu, ọ ghi gha nọ iyobọ vbe obọ ẹre asọn kevbe avan.

II Timoti 1:5

I ye iyayi ẹmwata ne u mwẹ rre, egbe ne edede ruẹ gha mwẹ ighẹ Luis, kevbe Yunis ne iye uẹ vbe gha mwẹ, mẹ yayi ighẹ wẹ vbe mwẹ ọnrẹn.

II Timoti 3:15

U vbe rẹn wẹ, ke ẹghẹ ọvbokhan ruẹn gha dee, u keghi wa rẹn Ebe nii, ne ọ sẹtin rhie nuẹn ighẹ ẹwaẹn ni ne ọ su ọmwa la imiẹnfan, vbe ekpa ne a na ya Kristi Jesu yi.

Hibru 13:8

Jesu Kristi ọkpa ne ọ rrọọ nodẹ, ọre ọ rrọọ ẹre na, rẹn ọre ọ khian vbe gha rrọọ akhuẹ kevbe ẹdẹdẹmwẹdẹ.

I Samuẹl 12:23

Zẹ vbe ọghomwẹ, awua ne Osanobua wẹẹ, te imẹ ghi da obọ erhunmwu ne a na ne uwa yi, ne imẹ ya la ekpa ọnii rukhọ ghe ẹre. Ne ọ gha na te gha ye vberriọ, I gha ma uwa emwi ne ọ kere ke ne ọ gbae ne uwa gha ru.