II Tẹsalonaika 3:2 - Edo Bible (E Baibol Ẹdo) Version 1996

² Wa vbe na erhunmwu, ne Osanobua miẹn mwẹ fan vbe obọ emwa dan ne ekhọe dan, rhunmwuda, ẹ i re emwa hia ọre ọ ya nene ẹmwẹ yi.

II Tẹsalonaika 3:2 ပူးပေါင်းရင်းမြစ်များ

Matiu 17:17

Jesu keghi wanniẹn wẹẹ, “Wa ne ẹ i mwẹ iyayi kevbe ni vbe ba odẹ ku! Vbe i a gha kpee sẹ hẹ vbe ehe ne uwa ye? Vbe i a gha ziengbe ne uwa kpee sẹ hẹ? Rhie ne ọvbokhan gun mwẹ vbe emwa.”

Matiu 23:23

“U miẹn agbọn ne uwa ye, enimaemwa Uhi kevbe Farisi, ayunukpaegbe. Wa ghi zẹ a ghae ye ihe igbe ebe uwọnmwẹ ne giẹrẹ hia, vbe ne avbe akpọkọ, ihiehie kevbe ebe aranmwọkhọ ye, vberriọ, wa sẹ emwi kpataki ni rre uwu Uhi rae, zẹ vbe a i bu eku, itohan, kevbe ne a i na sẹ ni dekẹe rae.

Iyẹn ne ọ Maan Ọghe Luk 18:8

Ne I tama uwa, ọ gha zẹgiẹ do buohiẹn ne iran. Sokpan Ovbi Ọmwa gha rre, ọ gha miẹn iyayi vbe agbọn?”

Iwinna 13:45

Ugbẹn vbe avbe Ju ghi miẹn ubunmwẹ ẹvbo, igbọvo keghi vuọn iran ekhọe, iran kegha gbe odan ye ẹmwẹ ne Pọl ta, iran na gha ya ukpẹ sakan ẹn.

Iwinna 13:50

Sokpan avbe Ju keghi kpikpi avbe ikpia ne a rẹn vbe ẹvbo, ni rre ẹvbo nii, kevbe avbe ikhuo ni hin ukhuaẹn ne ẹ i re Ju, ni ga Osanobua. Iran keghi hẹ ẹmwẹ da Pọl kevbe Banabas, iran na khulo iran hin iwewe ni rre.

Iwinna 14:2

Sokpan avbe Ju ni ma yayi keghi bọ iran ne ẹ i re Ju yọ, iran keghi fi iran ekhọe werriẹ mu aro da iran ne etẹn.

Iwinna 17:5

Sokpan avbe Ju keghi suẹn gha gbe ọvo iran. Iran ye obọ khan avbe ahẹghogho ne ẹwobi vbe adesẹ ore, iran keghi suẹn otu ẹrhia. Iran keghi si okokoko ye ore ẹvbo hia, iran na mu igbinna gha rrie owa Jasin, iran te ho ne iran miẹn Pọl kevbe Sailas ne iran viọ iran ladian bu avbe emwa gha dee.

Iwinna 25:27

Rhunmwuda, ọ ye vbe emwi ne ọ ma luro vbe aro mwẹ ne a mu oleghan gha khian vbe ne a ma na gbẹnnẹ ọẹn ladian ẹsẹse ighẹ emwi ne a gu ẹe gui ẹzọ ẹre.”

Iwinna 28:24

Ẹmwẹ ọnrẹn keghi fi eso ekhọe werriẹ sokpan nekpa ma yayi.

Ebe ne Pọl gbẹẹn gie emwa Rom 10:16

Sokpan ẹ i re iran hia ọre ọ rhan obọ miẹn nene Iyẹn Ne ọ maa. Aizaia tobọ ẹre tae wẹ, “Nọyaẹnmwa, de ọmwa ne ọ ya ẹmwẹ ne ima tae yi?”

Ebe ne Pọl gbẹẹn gie emwa Rom 15:31

Wa na erhunmwu ne a miẹn mwẹ fan vbe obọ iran ni ma yayi ni rre Judia, kevbe ne iwinna ne I gha winna vbe Jerusalẹm gie iran ne emwa Osanobua ni rre evba rhan obọ miẹn.

I Kọrinti 15:32

A deghẹ, vbene ọ ye nii, ighẹ mẹ gu avbe “aranmwẹ oha,” gbinna vbe Ẹfisọs ba ẹmwẹ emwi agbọn na kẹkan, de ere ne ọ rrọọ mẹ? A deghẹ a i gele huẹn eniwulo nẹ kpao vbe idin, vbene emwa tae khian nii, “Wa gie a gha re ne a gha da, rhunmwuda, akhuẹ ma ra wulo.”

Diuteronomi 32:20

Ọ keghi kha wẹẹ, ‘I i ghi dọlegbe ye iran obọ. Ẹghẹ nii, I gha miẹn emwi ne ọ gha rruan iran ighẹ, emwa ni ze vbe udu ne ẹ i gie a mu ẹtin yan na.’

I Tẹsalonaika 2:18

Ma keghi te gha ho ne a dọlegbe bu uwa gha dee, ọ gberra uhukpa ne imẹ ne Pọl te hia ne I bu uwa gha dee, sokpan, e Setan ma kue.

II Timoti 4:17

Sokpan, Nọyaẹnmwa keghi mudia ke mwẹ, ọ na rhie ẹtin yọ mwẹ iwu, sẹrriọ wẹ I keghi sẹtin kpe orhu ẹmwẹ nii ma avbe iran ne ẹ i re Ju hia họn, a keghi vbe wọlọ mwẹ hin uwu unu oduma nii rre.