II Tẹsalonaika 2:9 - Edo Bible (E Baibol Ẹdo) Version 1996

⁹ Ẹtin e Setan ọre Ọmwa Dan nii gha ya rre, ọ ghi winna iwinna ọyunnuan ughughan, kevbe orhiemaa ohoghe, kevbe ọyunnuan.

II Tẹsalonaika 2:9 ပူးပေါင်းရင်းမြစ်များ

II Krọnikol 18:20

ẹre odibo ọkpa na ghi bu e Nọyaẹnmwa gha khian, ọ tama rẹn wẹẹ, ‘I gha ya rẹrọe.’ E Nọyan nọ rẹn wẹẹ, ‘Vbua ra ya ru ẹe hẹ?’

Ẹksọdọs 7:22

Ẹre ọbo edunna ọghe ọba na vbe ya ẹbo edunna ru ẹe, ọba keghi dọlegbe yin ehọ sayọ. Ọ ma zẹdẹ zẹye Mosis kevbe Errọn re zẹ vbe ne Nọyaẹnmwa kha re

Ẹksọdọs 8:18

Avbe ọbo edunna hia ni rre Igipt keghi te hia ne iran vbe ya ẹbo iran ru ẹkhunkhun, sokpan iran ma sẹtin. ẹkhunkhun keghi gba ehe hia.

Ẹksọdọs 8:7

Sokpan, avbe ọbo edunna keghi vbe ya ọbo edunna iran viọ ẹkirẹ ladian.

Aizaia 29:10

E Nọyaẹnmwa ru ẹe nẹ, ne uwa gha vbiẹhunde, te ovbe ghi ra gbele uwa kua na. Avbe akhasẹ ọ re ọ te kei ne ọ gha re aro emwa nii, sokpan, Osanobua rhu iran aro nẹ.

Ezikiẹl 14:5

Avbe ẹbọ nii ni ye ivbi Izrẹl fi iyeke gbe mwẹ, sokpan, I yayi wẹ ewanniẹn ne I gha rhie ne iran gha ya iran dọlegbe bu mwẹ rre.

Matiu 12:22

Iran keghi mu okpia ọkpa ne ọ mwẹ orhiọn esu bu Jesu rre, ọ rhu aro ọ keghi vbe re odin. Jesu keghi mu ẹre egbe rran, ọ kegha bẹghe, ọ keghi vbe gha guan.

Matiu 24:24

Rhunmwuda, avbe akhasẹ kevbe Mẹzaia ohoghe gha rre. Iran gha winna iwinna ama kevbe iwinna ọyunnuan ni bun ne iran ya rẹrẹ emwa ne Osanobua hannọ zẹ re deghẹ ẹtin iran sọe.

Matiu 4:10

Ẹkpo nii ọre Jesu ghi na wanniẹn tama rẹn wẹẹ, “Ladian mwa Setan, ebe nọhuanrẹn khare wẹẹ, ‘Osanobua ruẹ ọkpa wẹ gha gaa, ne u gha vbe ya uhunmwu rhanmwẹ otọ na.’ ”

Iyẹn ne ọ Maan Ọghe Mak 13:22

Rhunmwuda Mẹzaia ohoghe kevbe akhasẹ ohoghe ni bun gha rre. Iran gha winna iwinna ọyunnuan, a deghẹ ọ gie iran ru ne iran ya hiẹ emwa ne Osanobua hannọ zẹ mu ru.

Iyẹn ne ọ Maan Ọghe Luk 11:25

Rhunmwuda ọnii, ọ ghi dọlegbe gha rrie owa nii, ọ ghi do vba ighe a kpolo ẹe, a mwamwa ẹn ye otọ.

Iyẹn ne ọ Maan Ọghe Jọn 4:48

Jesu tama rẹn wẹ, “Deghẹ ẹ i re te uwa miẹn iwinna ọyunnuan nekhua, a i miẹn ne ọ gha sẹtin yayi vbe uwu uwa.”

Iyẹn ne ọ Maan Ọghe Jọn 8:41

Emwi ne erha uwa ru ọre uwa vbe ru.” Iran wanniẹn wẹ, “Osanobua tobọ ẹre ọrọre erha mwa. Ivbi ẹre ma wa khin taa ra.”

Iyẹn ne ọ Maan Ọghe Jọn 8:44

Ivbi erha uwa ne Esu ọre uwa khin. Emwi ne erha uwa ho ọre uwa vbe ho ne uwa gha ru. Izigha rẹn wa khin ke otọe gha dee. Ọma he mwẹ obọ vbe ẹmwata ẹdẹ, rhunmwuda ẹmwata i vbe rre uwu irẹn, ọ gha ta ohoghe, emwi ne a ya we ẹe ọre ọ ru ni, rhunmwuda, ohoghe nọ, kevbe erha ohoghe hia.

Iwinna 13:10

ọ wẹẹ, “Wẹ ne ovbi e Esu. Wẹ ne oghian emwi ni maa hia, wẹ ne ẹkẹ vbe iwẹnwẹn gba ẹre obọ, wẹ ne ọ hia ne ọ gha ya ẹmwata Nọyaẹnmwa khian ohoghe vbe ẹghẹ hia!

II Kọrinti 11:14

Ọsughe i re emwa hiehiere, uhin ighẹ Setan tobọ ẹre sẹtin fi egbe werriẹ do gha ye vbe odibosa uwanmwẹ.

II Kọrinti 11:3

Afianma fian mwẹ ne iran ghẹ ya ruẹn ẹmwẹ ye uwa ekhọe mu ẹn rhia, wa ghi zobọ vbe ne uwa na te wa guobọ Jesu vbe ne a i gbe ikhan yi, zẹ vbene ẹyẹn ye ẹkẹ vbe ero, rẹrẹ Ivi.

II Kọrinti 4:4

Iran ma yayi, rhunmwuda ẹbọ dan ọghe agbọn na mu ekhọe iran dee ye uwu ebiebi nẹ. Ọ ma gie iran bẹghe uwanmwẹ ne ọ wan mu iran, uwanmwẹ ne ọ ke Iyẹn Ne ọ maa vbe ekpa uyi Kristi rre, ọmwa ne ọ re ama ne a ya gie Osanobua dandaandan.

Ẹfisọs 2:2

Ẹghẹ nii, wa kegha lele ukpowẹ emwi dan ọghe agbọn na, wa kegha ru vbene ọ khare ighẹ ọmwa ne ọ rre ọdakha yan ẹtin avbe orhiọn ni rre ideghedeghe, orhiọn ne ọ sua iran nian ighẹ iran ne ẹ họn ẹmwẹ ne Osanobua.

II Timoti 3:8

Zẹ vbene Janis kevbe Jambres gha gbe odan ghe Mosis, erriọ emwa na gbe odan ghẹ ẹmwata, emwa na, ekhọe iran i ghi winna, iran keghi vbe gbe akuọkan vbe iyayi.

Jems 3:15

Ẹ i re ẹrinmwi egbe ẹwaẹn vberriọ ke rre, ọ ghe agbọn na nọ, ẹ i re emwi orhiọn, ọghe esu nọ.

Arhie Maan 12:17

Ẹghẹ nii ọre ohu okhuo ni na kakabọ mu Ugbogiorinmwi nii, ọ keghi ladian ya gha gu avbe uniẹn ọnrẹn ni dekẹe gbinna, avbe emwa hia ni ya uhi Osanobua ru emwi, iran keghi vbe rhie egbe mu avbe ẹmwata ne Kristi ta ladian.

Arhie Maan 12:9

A keghi mu Ugbogiorinmwi ne gẹdẹgbẹ nii fua. Rẹn ọrọre ẹyẹn nẹdẹ nii, ne a tie ẹre Setan, ne ọ mu otọ agbọn hia rẹrẹ. A keghi fi ẹe fi agbọn ke ẹe kevbe avbe odibo ẹre hia.

Arhie Maan 18:23

A i ghi ra dọlegbe bẹghe uwanmwẹ ukpa ne a rhu vbe uwu uwẹ ọvbehe. A i ra dọlegbe họn urhu ọha kevbe ọdafẹn ọha vbe uwu uwẹ ọvbehe. Emwa iwinna ruẹn ọre ọ te re ne ọ mwẹ ẹtin sẹ vbe uhunmwu otọ agbọn hia, u kegha ya ẹbo awan ohoghe ruẹ mu emwa ne agbọn hia rẹrẹ!”

Arhie Maan 19:20

A keghi mu aranmwẹ oha nii oghunmwu ke ẹe kevbe akhasẹ ohoghe nii ne ọ winna iwinna ọyunnuan vbe odaro ẹre. (Ama ọyunnuan nii ọre ọ ya rẹrẹ iran re ighẹ iran ni vin ama aranmwẹ oha ni ye egbe, ne iran na vbe gha ye uhunmwu rhanmwẹ otọ ne amazẹ ọre.) Aranmwẹ oha nii ke ẹe kevbe akhasẹ ohoghe nii, a keghi munọ iran ke ẹmwẹ ne unu fi lo ku uwu odighi erhẹn ne ọ giẹn emwi ne ọ ye vbe ugbofi ladian.

Arhie Maan 20:10

Esu ne ọ rẹrẹ iran, a keghi mu ẹn, fi uwu odighi erhẹn kevbe ugbofi, ehe ne a ka filo aranmwẹ oha nii, kevbe akhasẹ ohoghe kui. A gha vbe gha rri iran oya asọn kevbe avan ẹdẹ kevbe ẹdẹdẹmwẹdẹ.

Arhie Maan 9:11

Iran kevbe mwẹ ọba ne ọ khaemwisẹ yan iran, ọ nii ọrọre odibo ne ọ gbe aro ghe uvun ne ẹ i mwẹ ehe ne ọ sẹe nii. Eni ẹnrẹn vbe Hibru keghi re Abadọn, sokpan vbe Grik iran keghi tie ẹre Apọyọn (Emwi ne a ya ẹe kha ọrọre “Omurhia.”)