II Tẹsalonaika 2:4 - Edo Bible (E Baibol Ẹdo) Version 1996

⁴ Rẹn gha ghe odan ye emwi hia ne emwa ghi gho nẹ, kevbe emwi hia ne emwa ghi tie ẹre ne ọ huanrẹn. Rẹn ghi tọn egbe ẹre mu sẹ ehia fẹẹrẹ, uhin ọ ghi ya tota ye Ọgua Osa ọghe Osanobua, ọ ghi wẹ rẹn ọre ọ ghi re Osanobua!

II Tẹsalonaika 2:4 ပူးပေါင်းရင်းမြစ်များ

Aizaia 31:3

Avbe ivbi Igipt i re ẹrinmwi, emwa kẹkan ọ re iran khin. Ẹsin iran ivbi re ni ke ẹrinmwi rre. Ẹghẹ ne Nọyaẹnmwa gha na guan yọ, ẹvbo ne ọ wegbe nii gha de guọghọ ua, ẹvbo ne ọ ma wegbe ne irẹn te yọre obọ ghi de. A gha fuẹn iran eveva a.

Ezikiẹl 28:2

“Ovbi ọmwa, tama ọba e Taia ẹmwẹ ne imẹ ne Nọyaẹnmwa ne Udazi tama rẹn wẹ; u gha ye uhiomwẹ tọn ifuẹn mu, u na gha kha wẹ ẹbọ ọ re uwẹ tobọ ruẹ khin. U khare wẹ te uwẹ tota ye ẹkete zẹ vbe ẹbọ vbene avbe okun na lẹga ruẹ. U sẹtin gha ye egbe ta avbe ẹbọ, sokpan ọmwa ne ọ sẹtin wu kẹkan ọ re u khin, u i vbe mwẹ akpa ẹbọ rhọkpa.

Ezikiẹl 28:6

Rhunmwuda ọnii nian, danmwehọ vbene imẹ ne Nọyaẹnmwa ne Udazi tama ruẹn hẹ: Rhunmwuda ne u na ro ighẹ u wan vba avbe ẹbọ,

Ezikiẹl 28:9

U gha ghi mudia ye odaro avbe iran ni ra gbe uẹ ua nẹ, u ghi do gha re ọmwa ne ọ sẹtin wu, u i ghi re ẹbọ hiehiere.

Daniẹl 11:36

Ọba e Siria ghi gha da gbe da mu, ọ ghi gha rhuọ we rẹn kpọlọ sẹẹ avbe ẹbọ, kevbe wẹ rẹn sẹ Osanobua ne ọ kpọlọ Sẹehia. Ọ gha sẹtin gha ru avbe emwi na ọ te do sẹ ẹghẹ ne Osanobua gha ya rria ẹre ikhi. Osanobua gha ru zẹ vbene ọ mwamwaẹn zẹẹ.

Daniẹl 11:45

Ọ gha ya mu avbe owa ukpọn ọba ọghọe ne tẹgbẹẹ, ye ẹkpo okun kevbe oke nọkhua, ne a bọ Ọgua Osa yi sokpan, Ọ gha wu vbene ọmwa rhọkpa i ra na gha rre evba ne ọ gha yọre obọ.”

Daniẹl 7:25

Ọ gha ye ukpẹ sakan Osanobua ne ọ Sẹehia, ọ ghi gha khulo emwa Osanobua khian. Ọ gha ho ne ọ fi uhi ugamwẹ kevbe emwiukpo ne iran ru werriẹ. Emwa Osanobua ghi vbe gha rre ototọ ẹtin ẹnrẹn vbe ukpo eha vbe ukhiọnmwẹ.

Daniẹl 7:8

Ehe ne I na ghe avbe igho ẹre nii, I keghi miẹn igho ọkpa tunnẹ, ọ kegha zọ ladian vbe adesẹneva iran nekpa, ọ keghi kpannọ eha kua vbe avbe igho ni ka gha rre evba. Igho na kegha mwẹ aro ọmwa nagbọn kevbe unu ne ọ wa yan dunmwu ẹgun.

Iwinna 17:23

Rhunmwuda, ẹghẹ ne I na gha khian lele ẹvbo uwa khian, ne I na gha ghe ehe ne uwa na ga hia, I keghi vbe miẹn Ogiukpo ne uwa gbẹn yi wẹẹ, ‘Ọ ghe Osanobua Ne a Ma rẹn!’ Emwi nii ne uwa ga, egbe ne uwa ma rhe ya rẹn ọnrẹn, ọre I do ta ẹmwẹ ọnrẹn ma uwa na.

I Kọrinti 8:5

Gie a kha wẹ avbe ẹbọ ne emwa gho gele rrọọ, vbe agbọn na nọ kevbe ẹrinmwi, deba avbe “ni yaẹnmwa.”