II Tẹsalonaika 2:2 - Edo Bible (E Baibol Ẹdo) Version 1996

² wa ghẹ gie vbene uwa roro ẹe gha rherhe lighi ye uwa aro, ra ne uwa gi ẹe gbe uwa orhiọn, ighẹ ne iran na ta ẹe khian wẹ, rẹn rre nẹ. Ọ gha kẹe, ọmwa ne ọ guan ye otọ vbe akhasẹ ra ọmwa ne ọ kpe orhu, ọre ọ ta ẹmwẹ na. Ra emwa sẹtin wa tae wẹ, ma ọre ọ gbẹn ọẹn ye ebe rre.

II Tẹsalonaika 2:2 ပူးပေါင်းရင်းမြစ်များ

Aizaia 26:3

E Nọyaẹnmwa, wẹ ọ re ọ rhie ọfumwegbe ne iran, ni mudia ẹse vbe iro ekhọe iran iran na vbe mu ẹtin iran ya ruẹn.

Aizaia 7:2

Ọba e Juda ghi họn wẹ okuo e Siria sẹẹ otọe e Juda nẹ, ohan mu irẹn kevbe emwa rẹn sẹrriọ wẹ iran ke gha mian gbẹghẹgbẹghẹ zẹ vbe avbe erhan ne ẹhoho hoho.

Maika 2:11

“Egbe akhasẹ ne iran na ho ọrọre ne ọ talọ ohoghe kevbe ne ọ rẹrẹ emwa, ne ọ vbe kha wẹẹ, ‘I ta ẹe zẹ vbe akhasẹ wẹ ayọn kevbe emwi ne a da gha kpọkua ne uwa!’

Matiu 24:24

Rhunmwuda, avbe akhasẹ kevbe Mẹzaia ohoghe gha rre. Iran gha winna iwinna ama kevbe iwinna ọyunnuan ni bun ne iran ya rẹrẹ emwa ne Osanobua hannọ zẹ re deghẹ ẹtin iran sọe.

Iyẹn ne ọ Maan Ọghe Mak 13:7

Wa gha rhe gha họn ẹmwẹ owogho okuo vbe ọkpẹn owa ra ogbigbi okuo ne ọ rre urria, wa ghẹ fian afianma. Ẹ i mwẹ emwi vberriọ ma sunu sokpan ọ nii ma rhie ma ighe ufomwẹ rre nẹ.

Iyẹn ne ọ Maan Ọghe Luk 21:19

Wa mu uhunmwu kọe, rhunmwuda evba ọre imiẹnfan uwa ye.

Iyẹn ne ọ Maan Ọghe Luk 21:9

Wa gha họn ẹmwẹ okuo kevbe isọtẹ, wa ghẹ fian afianma egbe emwi vberriọ gha ka sunu nẹ sokpan ọnii ma rhie maa ighẹ ufomwẹ bu otọ nẹ.”

Iyẹn ne ọ Maan Ọghe Jọn 14:1

“Wa ghẹ gie ekhọe uwa lighi. Wa ya Osanobua yi. Wa vbe ya mwẹ yi ba ẹre.

Iyẹn ne ọ Maan Ọghe Jọn 14:27

“Ọfumwegbe ọre I ya we uwa, ọfumwegbe mwẹ ọre I ya we uwa, ẹ i re. Vbene agbọn ya we ọmwa ọre I ya we uwa. Wa ghẹ fian afianma, wa ghẹ gie ohan mu uwa.

I Kọrinti 1:8

Rẹn gha ya uwa mudia gbain ya sẹ ufomwẹ, ne a miẹn ehe na miẹn wẹ, ọ gha sẹ Ẹdẹ Jesu Kristi Nọyaẹnmwa, wa ghi gha re emwa ne a miẹn wẹ ẹ i mwẹ abe.

I Kọrinti 14:32

Ọ kere ne ọmwa ne a ya ikporhu ẹmwẹ Osanobua we daeyi ye uro ẹsẹse vbe ọ gha guan.

I Kọrinti 7:26

A gha do ghe ẹko rriaramwẹ ne ọ rrọọ ẹghẹ na, mẹ yayi wẹ okpia hẹ ko ziengbe ye ihe ne ọ ye ọre ọ maa sẹ.

Ẹfisọs 5:6

Wa ghẹ gie ọmwa rhọkpa ya ẹmwẹ ọzuọ mu uwa rẹrẹ, usun emwi ne ọ si ẹe ne izohu Osanobua gha na rhurhẹ yan iran ne ẹ i họn ẹmwẹ nẹẹn, ọre ena khin.

I Tẹsalonaika 3:3

Wẹ ne ọmwarhọkpa vbe uwu uwa ghẹ rhunmwuda a zẹ ọmwa kpokpo na tota ye owa. Wa tobọ uwa rẹnrẹn wẹ, egbe a zẹ ọmwa kpokpo vberriọ, usun emwi ne Osanobua mwamwa khẹ ima ọre nọ.

I Tẹsalonaika 4:15

Rhunmwuda, emwi ne Nọyaẹnmwa ma emwa ẹre ọre ima tama uwa na, ma ni gha ye gha rre agbọn vbe ẹdẹ ne Nọyaẹnmwa gha rre, ma i khian ke odaro ne iran ni ka wulo nẹ.

I Tẹsalonaika 5:2

Rhunmwuda, wa tobọ uwa rẹnrẹn wẹ, zẹ vbene oyi rre vbe asọn ọre Ẹdẹ Nọyaẹnmwa khian rre.

II Tẹsalonaika 2:15

Rhunmwuda ọnii nian etẹn mwẹ, wa mudia gbangbaangban, ne uwa gba ẹe mwẹ ighẹ avbe ẹmwata ne ima ye ikporhu mwa, kevbe ebe ne ima gbẹnnẹ, ma uwa ẹre.

II Tẹsalonaika 3:17

Obọ mwẹ tobọ mwẹ ya gbẹn ọna, “E Pọl we uwa do.” Erriọ I ya gbẹn eni ye ebe ne I gbẹn hia. Erriọ I ya gbẹn ọẹn.

Arhie Maan 19:20

A keghi mu aranmwẹ oha nii oghunmwu ke ẹe kevbe akhasẹ ohoghe nii ne ọ winna iwinna ọyunnuan vbe odaro ẹre. (Ama ọyunnuan nii ọre ọ ya rẹrẹ iran re ighẹ iran ni vin ama aranmwẹ oha ni ye egbe, ne iran na vbe gha ye uhunmwu rhanmwẹ otọ ne amazẹ ọre.) Aranmwẹ oha nii ke ẹe kevbe akhasẹ ohoghe nii, a keghi munọ iran ke ẹmwẹ ne unu fi lo ku uwu odighi erhẹn ne ọ giẹn emwi ne ọ ye vbe ugbofi ladian.