II Tẹsalonaika 2:1 - Edo Bible (E Baibol Ẹdo) Version 1996

¹ Vbe ekpa urremwẹ Nọyaẹnmwa Jesu Kristi, kevbe wẹ, a gha si ima koko ba irẹn ne a gu ẹe gha rrọọ, I rinmwian uwa etẹn mwẹ,

II Tẹsalonaika 2:1 ပူးပေါင်းရင်းမြစ်များ

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

Matiu 16:27

Rhunmwuda ẹ i ghi rrie Ovbi Ọmwa la uwu uyi Erha ẹe gha khian, ke irẹn kevbe avbe odibosa ẹre, ẹghẹ nii, ọre ọ gha na ha osa ne edọmwadẹ ọghọe zẹ vbene iwinna rẹn ye.

Matiu 16:28

Sokpan wa ye rre o, emwa eso rre emwa na nian, ne ẹ i ra wu ọ te ya miẹn Ovbi Ọmwa vbe ọ gha rre zẹ vbe Ọba.”

Matiu 24:31

Okpe nọkhua ghi tu, rẹn ghi gie avbe odibosa ẹre ladian gha rrie igie enenẹ agbọn. Iran ghi ya si e na hannọ zẹ ọghọe koko ke okhiẹ agbọn ọkpa ya sẹ nọkpa.

Matiu 25:32

A ghi do si emwa ni rre agbọn na hia si koko ye odaro ẹre. Rẹn ghi do wannọ iran ye oka eva zẹ vbene Ọsuohuan hannọ ohuan hin uwu ẹbu ẹwe rre.

Iyẹn ne ọ Maan Ọghe Mak 13:27

Rẹn gha gie avbe odibosa ẹre gha rrie igie enenẹ ọghe agbọn, ne iran si avbe emwa ne Osanobua hannọ zẹ si koko ke okhiẹ agbọn ọkpa ya sẹ nọkpa.

Ebe ne Pọl gbẹẹn gie emwa Rom 12:1

Rhunmwuda ọnii etẹn mwẹ, I la ekpa itohan nọkhua ọghe Osanobua ghe emwa rinmwian uwa ne uwa ya egbe uwa fi ohan ne Osanobua zẹ vbe emwi izọ ese ne ọ ye rre agbọn, ne ọ mu aro ye ẹmwẹ iwinna ẹnrẹn, kevbe ne ọ vbe yẹ ọre. Ọnọna ọrọre ugamwẹ ẹmwata ne uwa gha rhie nẹẹn.

Ẹfisọs 1:10

Emwi ne Osanobua mwamwa ẹn, ne ọ ra vbe musẹ vbe ẹghẹ a sẹ, ọrọre wẹ, ne ọ do viọ emwi na yi hia ni rre ẹrinmwi kevbe agbọn, kugbe ba Kristi zẹ vbe uhunmwu uta ehia.

I Tẹsalonaika 2:19

Ne a ta ẹmwata, wa rẹnrẹn wẹ, ọmwa ọvbehe ne ọ re idaehọ kevbe oghogho ima i rrọọ gberra uwa, kevbe emwi ne ima gha ya ghan vbe odaro Nọyaẹnmwa Jesu Kristi, ighẹ ma ru rho obọ nẹ, vbe ẹghẹ, ne ọ gha ya rre.

I Tẹsalonaika 3:13

Vbenian ọre ọ ra na ye orhiọn uwa wo vbe egbe, wa ghi do gha re ne ọ gbae kevbe ne ọ huanrẹn vbe odaro Osanobua mwa kevbe Erha mwa, vbe ẹghẹ ne Jesu gha na rre, irẹn kevbe iran ni re ọghọe.

I Tẹsalonaika 4:1

Vbe okiekie ehia, etẹn mwẹ, wa ruẹ re vbe obọ ima vbene uwa gha ru emwi hẹ, ne uwa gha na yẹ Osanobua. A rẹnrẹn wẹ, erriọ wa wa yin ke ẹghẹ ni gha dee. Wanwanna nian, ma ye eni Nọyaẹnmwa Jesu rinmwian uwa, ma vbe tua ẹre mu unu ma uwa, ne uwa ru gberra vbene uwa ka ru de yi.

II Tẹsalonaika 1:3

Te ima gha kpọnmwẹ Osanobua ne uwa vbe ẹghẹ hia etẹn mwẹ. Ọ kere ne ima gha ru vberriọ, rhunmwuda, iyayi uwa wa mobọ wan yọ, kevbe aho ẹmwẹ ọmwa ne uwa mwẹ ghe egbe, wa vbe mu otọ yọ.

II Timoti 4:1

I ye ọghọ vbe ute tama ruẹn, vbe odaro Osanobua kevbe Kristi Jesu, Ọmwa ne ọ ra bu ohiẹn emwa ni rre agbọn kevbe ni wulo nẹ, rhunmwuda urremwẹ ọnrẹn kevbe Arriọba ẹre, I yi ẹre iyi nuẹn.