II Samuẹl 9:8 - Edo Bible (E Baibol Ẹdo) Version 1996

⁸ Mẹfibosiẹt keghi dọlegbe gbe uhunmwu kotọ, ọ wẹẹ, “Enọwanrẹn, mẹ ma maa vba ekita ne ọ wu: Vbe u a a ghi na ru mwẹ ẹse nọ sẹ vbe nian hẹẹ?”

II Samuẹl 9:8 ပူးပေါင်းရင်းမြစ်များ

II Samuẹl 16:9

Ẹre Abisiai ne ovbi e Zeruaia na tama ọba wẹẹ, “Umogun, vbọzẹ ne u na rhie ẹghẹ ne ovbiakota na ya gha rhovbiọ yi? Gun mwẹ bu ẹre ne I ya fian ẹre uhunmwu fua!”

II Samuẹl 24:14

E Devid keghi wanniẹn, “Te I la ẹmwẹ na! Sokpan, I i ho ne emwa nagbọn rriọmwẹ oya. Gie Nọyaẹnmwa tobọ ẹre rri ima oya, rhunmwuda, ọ mwẹ itohan.”

II Samuẹl 3:8

Emwi na keghi wa ya ohu mu Abna ẹsẹse, ọ keghi kha wẹẹ, “Te uwẹ ghi ro ighẹ I gha hiẹ e Sọl ra? Wa ke otọ gha dee, te I wa mu ẹmwẹ e Sọl ne erha a yan uhunmwu, kevbe etiọnrẹn, kevbe esiọre. Mẹ ọre ọ vbe zẹ ne Devid ma na he khọn miẹn ruẹn otọ, ọ re u na ghi do gha gun mwẹ gui ẹzọ okhuo na!

II Ọba 8:13

E Hazaẹl keghi wanniẹn wẹẹ, “Vbe I a a ghi ra na miẹn onii ghe ẹtin, mẹ ne ẹ i mwẹ esa ne I ye!” Elaisia keghi wanniẹn wẹẹ, “E Nọyaẹnmwa rhie ma mwẹ nẹ ighẹ u gha rriọba e Siria.”

I Samuẹl 26:20

Ghẹ gia gbe mwẹ uan ye otọe ẹrrẹe, vbe a lahin ehe ne Nọyaẹnmwa ye rre. Vbọzẹ ne ọba Izrẹl na ladian ne ọ do gbe ovbiọkhọe vbene imẹ ye na? vbe ọ ghi ru ọbafi mwẹ khian hẹ yi vbe ne ọ ru ọbafi ahianmwẹ ne oha?”