II Samuẹl 9:7 - Edo Bible (E Baibol Ẹdo) Version 1996

⁷ E Devid keghi wanniẹn wẹẹ, “Ghẹ gie ohan mu ẹẹn, I gha tohan ruẹn rhunmwuda e Jonatan ne erha a. I gha mu otọ e Sọl ne erha odede hia nuẹn, u ghi vbe do gha rrie evbare vbe eteburu mwẹ vbe ẹghẹ hia.”

II Samuẹl 9:7 ပူးပေါင်းရင်းမြစ်များ

Gẹnẹsis 43:18

A ghi viọ emwa nii sẹ owa e Josẹf, ohan kegha mu iran, iran kegha ro wẹẹ, “Rhunmwuda igho ne iran werriegbe viọ ye ima ẹkpo ọre iran na viọ ima gha die emwa na. Iran gha dekun ima wan, iran ghi viọ ima oghunmwu, iran ghi miẹn ima ekẹtẹkẹtẹ ima.”

Gẹnẹsis 43:23

Ọguọmwadia nii keghi khama iran wẹẹ, “Ghẹ zẹ yọ, ghẹ gie ohan muẹn, Osanobua uwa, Osanobua erha uwa ọre ọ viọ igho ni ye uwa ẹkpo. Igho ne uwa ka hae sọmwẹ obọ.” Ọ na ya rhie Simiọn gie iran.

II Samuẹl 12:8

I rhie arriọba ẹre nuẹn kevbe avbe amwẹ ọnrẹn. I ya a ma ọba Izrẹl kevbe Juda. Akpawẹ ọ na ma vbe sẹ, I gha vbe viọ ukhukhu eva ba ruẹ re.

II Samuẹl 19:28

Te ọ te khẹke nu u gbele ẹgbẹe erha mwẹ hia, Umogun sokpan, u keghi ye ru mwẹ ẹse wẹ ne I do gha rri evbare vbe eteburu ruẹ. Ọ ma ghi khẹke mwẹ ne I ye vbu emwi vbe obọ ruẹ Umogun.”

II Samuẹl 19:29

Ọba keghi wanniẹn wẹẹ, “Ghẹ ghi gbe agbanmwẹ, I ta ẹe nẹ wẹ ne uwẹ vbe Ziba gba ghae emwi e Sọl.”

II Samuẹl 19:33

Ọba keghi tama rẹn wẹẹ, “Lele mwẹ gha rrie Jerusalẹm, I gha gbe aro ghe ruẹ.”

II Samuẹl 21:7

Sokpan, rhunmwuda ihẹn ne irẹn vbe Jonatan vẹn ne egbe, e Devid keghi sẹ Mẹfibosiẹt ne eyẹ e Sọl rae.

II Samuẹl 9:1

Ọ ghi sẹ ẹdẹ ọkpa, e Devid keghi nọ wẹẹ, “Ọmwa rhọkpa ye kẹe vbe ẹgbẹe Sọl ra? A deghẹ ọ ye rrọọ, I ho ne I ru ẹre ẹse rhunmwuda e Jonatan.”

II Samuẹl 9:10

Wẹ avbe ivbi uẹ ne ikpia kevbe eguọmwadia ruẹ, ghi gba gha gbe ugbo nii ne ẹgbẹe Sọl ne arowa, wa ghi vbe gha viọ emwiorhọ ẹre rrie owa ne iran miẹn evbare gha re. Sokpan, eteburu mwẹ ọ re Mẹfibosiẹt gha na gha rrie evbare vbe ẹghẹ hia.” (E Ziba keghi mwẹ emọ ikpia ekesugie kevbe eguọmwadia ugie.)

II Samuẹl 9:11

E Ziba keghi wanniẹn wẹẹ, “I gha ru vbene u khare hia Umogun.” Erriọ a na miẹn wẹ, eteburu ọba ọre Mẹfibosiẹt na gha rri evbare zẹ vbe ọkpa vbe uwu avbe ivbi ọba.

II Samuẹl 9:13

E Mẹfibosiẹt ne owẹ ọre eveva luẹluẹe, kegha rre Jerusalẹm, ọ na vbe gha rrie evbare ẹre hia vbe eteburu ọba.

II Samuẹl 9:3

Ọba keghi nọ rẹn wẹẹ, “Ọmwa rhọkpa ye kẹe vbe ẹgbẹe Sọl ra ne I gha tohan rẹn, ne I vbe ru ẹse ne ẹẹn zẹ vbene I yan ma Osanobua ighẹ I gha ru?” E Ziba keghi wanniẹn wẹẹ, “Ọkpa ye kẹe vbe ivbi e Jonatan, uke nọ.”

I Ọba 2:7

“U ghi tohan ivbi e Bazilai ni ke Giliad rre, u ghi gha gbe aro ghe iran, rhunmwuda, iran tohan mwẹ vbe ẹghẹ ne I na gha lẹ ne ọtuẹn ighẹ Absalọm.

II Ọba 25:29

A keghi vbe kue ne Jehoiakin fi ẹwu oghunmwu ẹnrẹn werriẹ, kevbe ne ọ vbe ya gha rri evbare vbe e tebul ọba vbe ẹdẹ agbọn rẹn ni ghi dekẹe.

Psalm 41:9

Uhin wẹ osẹ mwẹ ne ọ sikẹ mwẹ sẹẹ, ọmwa ne I mu ẹtin yan sẹẹ ọmwa ne ọ re vbe evbare mwẹ te ọ ghi mu aro da mwẹ.

Jerimaia 52:33

A keghi gie Jehoiakin bannọ ẹwu oleghan rẹn kua, kevbe ne ọ do gha rri evbare vbe eteburu ọghe ọba vbe ẹdagbọn rẹn ni ghi dekẹe hia.

Zẹkaraia 7:9

“Vbe ẹghẹ ne ọ kpee fua, I keghi gu avbe emwa mwẹ guan wẹẹ, ‘Wa gia miẹn wẹ vbene ọ khẹke ọ re a ru emwi yi wa ghi vbe gha tohan egbe, wa ghi gha mwẹ ẹnina egbe.

Matiu 6:11

Rhie evbare ne ọ sẹe ne ima ẹre na.

Iyẹn ne ọ Maan Ọghe Luk 22:30

Wa gha gun mwẹ re, wa ghi vbe gun mwẹ da vbe uhunmwu eteburu mwẹ vbe Arriọba mwẹ, wa gha vbe tota ye ẹkete gha bu ohiẹn ẹwae iweva ne ọ re Izrẹl.

Arhie Maan 3:20

Dọ re! I mudia ye onurho gha so obọ, a deghẹ ọmwaikọmwa ghi họn, ọ na kie ẹre mẹ, I gha bu ẹre la owa, I ghi gu ẹe rri evbare, rẹn ghi vbe gun mwẹ rri evbare.

I Samuẹl 12:24

Wa gha mu ohan e Nọyaẹnmwa ne uwa ya ekhọe uwa hia ya ẹko ata ga ẹe. Wa ya emwi nekhua ne ọ ru ne uwa rre.

I Samuẹl 20:15

U ghi mwẹ itohan ẹgbẹe ghe mwẹ ẹdẹdẹmwẹdẹ. E Nọyaẹnmwa ghẹ ghi dunmwu avbe eghian ruẹn hia fo nẹ,

I Samuẹl 22:23

Tota ke mwẹ, ghẹ gie ohan muẹn. Ma eva ẹre Sọl ho ne ọ gbele ua, sokpan, u gha rre ehe ne I ye, emwirhọkpa i ru uẹ.”