II Samuẹl 9:3 - Edo Bible (E Baibol Ẹdo) Version 1996

³ Ọba keghi nọ rẹn wẹẹ, “Ọmwa rhọkpa ye kẹe vbe ẹgbẹe Sọl ra ne I gha tohan rẹn, ne I vbe ru ẹse ne ẹẹn zẹ vbene I yan ma Osanobua ighẹ I gha ru?” E Ziba keghi wanniẹn wẹẹ, “Ọkpa ye kẹe vbe ivbi e Jonatan, uke nọ.”

II Samuẹl 9:3 ပူးပေါင်းရင်းမြစ်များ

II Samuẹl 19:26

Rẹn keghi wanniẹn wẹẹ, “U rẹnrẹn Umogun ighẹ arọe ẹre I khin. I tama ọguọmwadia mwẹ wẹ ne ọ rro ẹsin ye otọ mẹ ne I miẹn ehe na leluẹ gha khian, sokpan, ọ ke rẹrẹ mwẹ.

II Samuẹl 19:27

Ọ keghi do ba mwẹ ohoghe ma ruẹn, Umogun, sokpan, te u wẹ yevbe odibosa, rhunmwuda ọnii, emwi ne ọ ghi kei vbe aro ruẹ, ru mwẹ re.

II Samuẹl 4:4

E Jonatan ne ovbi e Sọl kegha mwẹ ọmọ, ne a tie ẹre Mẹfibosiẹt. Ẹghẹ ne ọ na rre ọmọ ukpo isẹn ọ re a na họn emwi ne ọ sunu vbe egbe Sọl kevbe Jonatan vbe ne iran ta ẹe ke Jezrẹl rre. Ọmwa ne ọ gha koko ẹe keghi wa tọn ẹn mu, ọ na lẹ sokpan, ehe ne ọ na khirhi khian ni, ọ keghi fe ẹre obọ degbe otọ, ọ re ọ na khian uke.

II Samuẹl 9:13

E Mẹfibosiẹt ne owẹ ọre eveva luẹluẹe, kegha rre Jerusalẹm, ọ na vbe gha rrie evbare ẹre hia vbe eteburu ọba.

II Samuẹl 9:7

E Devid keghi wanniẹn wẹẹ, “Ghẹ gie ohan mu ẹẹn, I gha tohan ruẹn rhunmwuda e Jonatan ne erha a. I gha mu otọ e Sọl ne erha odede hia nuẹn, u ghi vbe do gha rrie evbare vbe eteburu mwẹ vbe ẹghẹ hia.”

Iyẹn ne ọ Maan Ọghe Luk 6:36

Wa gha mwẹ itohan zẹ vbene erha uwa vbe mwẹ itohan.

Diuteronomi 10:15

Sokpan ahoẹmwọmwa ne Nọyaẹnmwa mwẹ ghe avbe erha uwa odede keghi tọn sẹrriọ wẹ rẹn rhie obọ gberra emwa ọvbehe hia, ọ na hannọ uwa zẹ, ẹmwata ena hia wa khin do sẹ ẹdẹnẹrẹ.

Diuteronomi 4:37

Rhunmwuda ighẹ ọ ho ẹmwẹ avbe erha uwa odede, ọ keghi hannọ avbe ivbi iran zẹ, ọ keghi tobọ ẹre ye ẹtin ẹnrẹn nọkhua viọ uwa ke Igipt ladian.