II Samuẹl 9:11 - Edo Bible (E Baibol Ẹdo) Version 1996

¹¹ E Ziba keghi wanniẹn wẹẹ, “I gha ru vbene u khare hia Umogun.” Erriọ a na miẹn wẹ, eteburu ọba ọre Mẹfibosiẹt na gha rri evbare zẹ vbe ọkpa vbe uwu avbe ivbi ọba.

II Samuẹl 9:11 ပူးပေါင်းရင်းမြစ်များ

II Samuẹl 15:15

Iran keghi wanniẹn wẹẹ, “Umogun, ma mu egbe ne a ru vbene u rhirhi a kha hẹ.”

II Samuẹl 19:17

Ọ keghi viọ arhin arriaisẹn (1,000) vbe ẹwae e Bẹnjamin ba egbe. E Ziba ne ọguọmwadia ẹgbẹe e Sọl, kevbe viọ ivbi ẹre ni ikpia ekesugie kevbe eguọmwadia ugie, iran keghi ka sẹ e Jọdan khẹ ọba.

II Samuẹl 19:24

Ẹre Mẹfibosiẹt ne eyẹ e Sọl na do khian vba ọba. Ọ ma he sa amẹ ya kpe owẹ, ra ne ọ zẹ ẹtu, ra ne ọ họ ukpọn rẹn, ke ẹghẹ ne ọba ya kpao vbe Jerusalẹm do sẹ ẹghẹ ne ọ na werriegbe rre ke irẹn kevbe akhọnmiotọ.

II Samuẹl 19:26

Rẹn keghi wanniẹn wẹẹ, “U rẹnrẹn Umogun ighẹ arọe ẹre I khin. I tama ọguọmwadia mwẹ wẹ ne ọ rro ẹsin ye otọ mẹ ne I miẹn ehe na leluẹ gha khian, sokpan, ọ ke rẹrẹ mwẹ.

II Samuẹl 9:10

Wẹ avbe ivbi uẹ ne ikpia kevbe eguọmwadia ruẹ, ghi gba gha gbe ugbo nii ne ẹgbẹe Sọl ne arowa, wa ghi vbe gha viọ emwiorhọ ẹre rrie owa ne iran miẹn evbare gha re. Sokpan, eteburu mwẹ ọ re Mẹfibosiẹt gha na gha rrie evbare vbe ẹghẹ hia.” (E Ziba keghi mwẹ emọ ikpia ekesugie kevbe eguọmwadia ugie.)

II Samuẹl 9:12

E Mẹfibosiẹt kegha mwẹ ọmọ okpia ọkpa kherhe ne a tie eni ẹnrẹn Mika. Ẹgbẹe Ziba hia keghi khian eguọmwadia e Mẹfibosiẹt.

II Samuẹl 9:13

E Mẹfibosiẹt ne owẹ ọre eveva luẹluẹe, kegha rre Jerusalẹm, ọ na vbe gha rrie evbare ẹre hia vbe eteburu ọba.