II Samuẹl 9:10 - Edo Bible (E Baibol Ẹdo) Version 1996

¹⁰ Wẹ avbe ivbi uẹ ne ikpia kevbe eguọmwadia ruẹ, ghi gba gha gbe ugbo nii ne ẹgbẹe Sọl ne arowa, wa ghi vbe gha viọ emwiorhọ ẹre rrie owa ne iran miẹn evbare gha re. Sokpan, eteburu mwẹ ọ re Mẹfibosiẹt gha na gha rrie evbare vbe ẹghẹ hia.” (E Ziba keghi mwẹ emọ ikpia ekesugie kevbe eguọmwadia ugie.)

II Samuẹl 9:10 ပူးပေါင်းရင်းမြစ်များ

II Samuẹl 16:3

Ọba keghi kha wẹẹ, “E Mẹfibosiẹt ne eyẹ e Sọl ne arowa a vbo yi?” E Ziba keghi wanniẹn wẹẹ, “Ọ rre Jerusalẹm, rhunmwuda aro ẹre wa dae nẹ wẹ ivbi Izrẹl gha mu arriọba e Sọl ne erha ẹe odede ne ẹẹn.”

II Samuẹl 19:18

Iran keghi fian ẹzẹ rra ne iran ya su ọba fian ẹzẹ rra, kevbe ne iran vbe gha ru emwi ne ọba rhirhi gha ho. Ọba ghi ra wa fian ẹzẹ rra, e Simẹi keghi mu ẹko rhu otọ vbe odaro ẹre.

II Samuẹl 19:28

Te ọ te khẹke nu u gbele ẹgbẹe erha mwẹ hia, Umogun sokpan, u keghi ye ru mwẹ ẹse wẹ ne I do gha rri evbare vbe eteburu ruẹ. Ọ ma ghi khẹke mwẹ ne I ye vbu emwi vbe obọ ruẹ Umogun.”

II Samuẹl 21:7

Sokpan, rhunmwuda ihẹn ne irẹn vbe Jonatan vẹn ne egbe, e Devid keghi sẹ Mẹfibosiẹt ne eyẹ e Sọl rae.

II Samuẹl 9:7

E Devid keghi wanniẹn wẹẹ, “Ghẹ gie ohan mu ẹẹn, I gha tohan ruẹn rhunmwuda e Jonatan ne erha a. I gha mu otọ e Sọl ne erha odede hia nuẹn, u ghi vbe do gha rrie evbare vbe eteburu mwẹ vbe ẹghẹ hia.”

I Ọba 2:7

“U ghi tohan ivbi e Bazilai ni ke Giliad rre, u ghi gha gbe aro ghe iran, rhunmwuda, iran tohan mwẹ vbe ẹghẹ ne I na gha lẹ ne ọtuẹn ighẹ Absalọm.

II Ọba 25:29

A keghi vbe kue ne Jehoiakin fi ẹwu oghunmwu ẹnrẹn werriẹ, kevbe ne ọ vbe ya gha rri evbare vbe e tebul ọba vbe ẹdẹ agbọn rẹn ni ghi dekẹe.

Jerimaia 52:34

Inu ẹghẹ ne ọ ghi ya vbe agbọn, a keghi gha rhie igho ne ọ gha sẹ ọe lo ya dẹlẹ emwi ne ọ ho ne ẹẹn vbe ẹghẹ ne ọ kei yi.

Iyẹn ne ọ Maan Ọghe Luk 14:15

Ọkpa vbe uwu emwa ni rre evba ghi họn ẹmwẹ na, ọ wẹẹ, “Ọ ma kan iran ni gha rri evbare vbe Arriọba Osanobua.”