II Samuẹl 9:1 - Edo Bible (E Baibol Ẹdo) Version 1996

¹ Ọ ghi sẹ ẹdẹ ọkpa, e Devid keghi nọ wẹẹ, “Ọmwa rhọkpa ye kẹe vbe ẹgbẹe Sọl ra? A deghẹ ọ ye rrọọ, I ho ne I ru ẹre ẹse rhunmwuda e Jonatan.”

II Samuẹl 9:1 ပူးပေါင်းရင်းမြစ်များ

II Samuẹl 1:26

“I kakabọ khiẹ ruẹ, e Jonatan ne ọtẹn mwẹ, u miẹn vbe ẹmwẹ ruẹn te ye mwẹ hẹẹ! Ọyunnuan ọ re aho ẹmwẹ ọmwa ne u mwẹ ghe mwẹ te khin, ọ te sẹ aho ẹmwẹ ọmwa okhuo.

II Samuẹl 21:7

Sokpan, rhunmwuda ihẹn ne irẹn vbe Jonatan vẹn ne egbe, e Devid keghi sẹ Mẹfibosiẹt ne eyẹ e Sọl rae.

II Samuẹl 9:7

E Devid keghi wanniẹn wẹẹ, “Ghẹ gie ohan mu ẹẹn, I gha tohan ruẹn rhunmwuda e Jonatan ne erha a. I gha mu otọ e Sọl ne erha odede hia nuẹn, u ghi vbe do gha rrie evbare vbe eteburu mwẹ vbe ẹghẹ hia.”

I Ọba 2:7

“U ghi tohan ivbi e Bazilai ni ke Giliad rre, u ghi gha gbe aro ghe iran, rhunmwuda, iran tohan mwẹ vbe ẹghẹ ne I na gha lẹ ne ọtuẹn ighẹ Absalọm.

Itan 27:10

Ghẹ mianmian avbe ọse ruẹ ra avbe ọse erha a, u gha mwẹ ọlọghọmwa, ghẹ nọ ọtuẹn iyobọ. Ọmwa ẹdogbo ne ọ sikẹ ọmwa gha sẹtin ru iyobọ nuẹn sẹ ọtẹn ne ọ rre urria.

Matiu 10:42

Wa vbe yerre wẹẹ, ọmwaikọmwa ne ọ sa ukpu amẹ nọfurre ne ne ọ kanmwa sẹ vbe uwu iran ni lele mwẹ na, rhunmwuda ighẹ ọmwa ne ọ lele mwẹ nọ, ẹ i mwẹ ọ ma rri ere ẹre.”

Matiu 25:40

Ọba ghi wanniẹn wẹẹ, ‘Ne I tama uwa, ẹghẹikẹghẹ ne uwa ya ru egbe emwi vberriọ ne ne ọ kanmwa sẹ vbe uwu iran ne etẹn mwẹ na, wa ruẹe mẹ nẹ.’

Iyẹn ne ọ Maan Ọghe Mak 9:41

Wa ghi ye rre wẹẹ, ọmwaikọmwa ne ọ sa ukpu amẹ ọkpa ne uwa wọn rhunmwuda ighe wa re ọghe Kristi, ọ gha rri ere ẹre.

I Pita 3:8

Ne I ya fian ẹre ifi: wa gie vbene uwa ziro kevbe vbene emwi ye vbe ekhọe uwa, gha ya kugbe. Wa gha ho ẹmwẹ egbe, zẹ vbe etentẹn ne ikpia. Wa gha mwẹ itohan ghe egbe, ne uwa vbe gha mu egbe rri otọ ne egbe.

I Samuẹl 20:42

Ẹre Jonatan na tama Devid wẹẹ, “Te Nọyaẹnmwa gha yaba ruẹ. E Nọyaẹnmwa gha ru ẹe ne a miẹn wẹ mẹ vbe ruẹ, ivbi uẹ kevbe ivbi mwẹ ni gha lele ima, gha ru zẹ vbene ile ne ima gu egbe ta khare ẹdẹdẹmwẹdẹ.” Ẹre Devid na kpao, e Jonatan keghi dọlegbe gha die owa.