II Samuẹl 8:6 - Edo Bible (E Baibol Ẹdo) Version 1996

⁶ Ọ keghi bu agọ ivbiyokuo ye iran ẹvbo, iran keghi khian eguọmwadia ẹre, iran na gha ga gie ẹe. E Nọyaẹnmwa kegha rhie akhọnmiotọ ne Devid vbe ehe hia.

II Samuẹl 8:6 ပူးပေါင်းရင်းမြစ်များ

II Samuẹl 10:19

Avbe ọba ni rre ototọ Hadadezẹ ghi miẹn wẹ obọ ivbi Izrẹl ke okhunmwu ne ẹẹn, iran keghi do rinmwian, iran na gha ga gie iran. Ohan ma ghi gie ivbi e Siria dọlegbe ru iyobọ ne ivbi Amọn ọvbehe.

II Samuẹl 23:14

Vbe ẹghẹ ne a kha na, e Devid keghi rre uwu ako ikhẹgbe, ivbi e Filistin eso kegha rre Bẹtlẹhẹm.

II Samuẹl 3:18

Banbanna nian, ẹkpotọ rrọọ ne uwa. Wa yerre wẹẹ Nọyaẹnmwa ta ẹe nẹ wẹẹ, ‘E Devid ne ọguọmwadia mwẹ ọ re I ra la obọ ẹre fannọ emwa mwẹ yotọ vbe obọ e Filistin kevbe obọ eghian iran ọvbehe hia.’ ”

II Samuẹl 5:10

Ọ kegha dọlegbe wegbe yọ khian ẹghẹ hia rhunmwuda e Nọyaẹnmwa Osanobua ne Oghodua keghi yaba ẹre.

II Samuẹl 7:9

Te I wa mudia ke uẹ la ehe ne u he la hia, I keghi vbe khọn avbe eghian ruẹn hia mu otọ vbene u ya nana sikẹ odaro. I gha ya a khian enọkhua, u ghi do kpọlọ vbe emwa ni he hin ukhuan sẹ vbe agbọn na.

II Samuẹl 8:14

Ọ keghi bu agọ ivbiyokuo lele Idọm hia, emwa ni rrọọ kegha ga gie ẹe. E Nọyaẹnmwa keghi gie Devid gha khọnmiotọ vbe he hia.

II Samuẹl 8:2

Iyeke ọnii, obọ ẹre keghi vbe gba ivbi e Moab, ọ na wẹ ne iran ne obọ vbare vbọ lovbiẹ lele otọ, a na gbele eva sẹ ọkpa rae vbe arhin eha. Ẹre emwa e Moab na do gha rre ototọ ẹre iran na gha ga gie ẹe.

II Samuẹl 8:7

E Devid keghi khọn mu avbe asa igoru ne emwa ni rre asẹ ọghe Hadadezẹ hẹ mwẹ, ọ na viọ gha rrie Jerusalẹm.

I Ọba 4:21

Otọe arriọba e Solomọn keghi ke Ẹzẹ e Yufretes vbe odọ ahọ, ya sẹ Filistia vbe odẹ orrie kevbe rhinrin yasẹ okhiẹ Igipt. Iran kegha ha igho uhunmwu gie ẹe, iran na vbe gha rre ototọ ẹre vbe ẹdẹ agbọn rẹn hia.

II Ọba 1:1

Ehab ne ọba Izrẹl ghi wu nẹ, otọe ẹvbo Moab keghi sọtẹ Izrẹl.

II Ọba 14:28

Emwi ọvbehe hia ne Jeroboam Ne Ogieva ghi ru, avbe okuo ni wegbe ne ọ khọnrẹn, kevbe ne ọ na munọ e Damaskọs kevbe Hamat werriegbe gie Izrẹl, a gbẹnnẹ ehia ye Ebe Okha Avbe Ọba Izrẹl.

II Ọba 18:7

Ẹre Nọyaẹnmwa na yaba ẹre, emwi hia ne ọ ru kegha dinna odẹ. Ọ keghi sọtẹ ọba nọkhua ọghe Asiria, ọ na wẹ rẹn I ga gie ẹe.

II Ọba 3:4

E Mesia ne ọba Moab, ohuan ọ re ọ rri, ukpukpo ọ re ọ ya ye ivbi ohuan arriaisẹn iyisẹn (100,000) kevbe eto ohuan arriaisẹn iyisẹn (100,000) mu ohan gie ọba Izrẹl.

I Krọnikol 18:13

Ọ na bu agọ ivbiyokuo lele ehe hia vbe Idọm. Iran ni rre evba keghi do gha ga gie Devid ne Ọba. E Nọyaẹnmwa keghi gie Devid gha khọnmiotọ vbe ehe hia.

II Krọnikol 17:2

Ọ keghi ya viọ ivbiyokuo ye avbe ẹvbo ne a gbe odin gaa vbe Juda, vbe otọ e igue ni lẹga e Juda ke avbe ẹvbo ne a Asa khọn munọ vbe otọe Ifreim.

Psalm 140:7

Nọyan, Osanobua mwẹ, ọmwa ne ọ wegbe ne ọ gbinna mẹ, u rhie mwẹ lẹre vbe ẹghẹ okuo.

Psalm 60:10

Te u gele wa he ima ye otọ ra? Wẹ i ghi ra lele iyokuo mwa ladian ra?

Itan 21:31

U sẹtin miẹn ẹsin viọ yotọ ne a ya yo igbinna, sokpan e Nọyaẹnmwa ọ re ọ rhie akhọnmiotọ ne ọmwa.

I Samuẹl 13:3

E Jonatan keghi gbe ọkaokuo emwa Filistin ne ọ rre Geba, ivbi e Filistin keghi họn ẹmwẹ na. Ẹre Sọl na gie emwa ne iran ya si orhu la ẹvbo hia wẹ ne ivbi e Hibru mu egbe okuo.

I Samuẹl 14:1

Ọ ghi sẹ ẹdẹ ọkpa, e Jonatan keghi tama igbama ne ọ hẹ emwi igbinna mwẹ ọnrẹn wẹẹ, “Gie ima fian ẹẹn rra gha rrie agọ ivbi e Filistin.” Sokpan, e Jonatan ma tama erhae ighẹ Sọl.

I Samuẹl 14:15

Ohan dan keghi mu ivbi e Filistin ni rre uwu oha nii hia, iran ni fu emwi viọ kevbe avbe ivbiyokuo ni rre agọ nii, kegha guọ zẹzẹzẹ, otọe keghi mu rueghe, ehe hia na tighi ua.

I Samuẹl 14:6

E Jonatan keghi khama igbama nii wẹẹ, “Gie ima fian ẹẹn rra gha rrie agọ avbe Filistin ne enigẹbọ na. Ọ gha kẹe, e Nọyaẹnmwa gha yi ma obọ, ọ gha ru vberriọ, emwi ọkpa ne ọ gha wẹ ne ima ghẹ khọnmiotọ i rrọ, vbe ne ọ khọnrẹn wẹ ne ima ru ibozẹghẹ sẹ.”