II Samuẹl 8:5 - Edo Bible (E Baibol Ẹdo) Version 1996

⁵ Emwa e Siria ni rre Damaskọs na bu e Hadadezẹ gha khian ne iran ya ru iyobọ ne ẹẹn. E Devid keghi gbele arhin arriaisẹn evayanugie (22,000) vbe uwu iran.

II Samuẹl 8:5 ပူးပေါင်းရင်းမြစ်များ

II Samuẹl 10:6

Ivbi Amọn wa rẹn wẹ te iran ho e Devid ẹmwẹ, iran na ya viọ ivbiyokuo arriaisẹn ugie (20,000) vbe Siria kevbe Betrehob kevbe Zọba, arriaisẹn iweva (12,000) vbe Tob deba ọba Maaka ke ẹe kevbe ivbiyokuo arriaisẹn (1,000).

II Samuẹl 8:3

Iyeke ọnii, obọ ẹre kevbe gba ọba ọghe Zeba ighẹ Hadadezẹ ne ovbi e Rehọb, vbe Hadadezẹ rrie odẹ Ẹzẹ Yufretes ehe ne ọ ra na ya dọlegbe kha ighẹ rẹn ọ yan otọe nii.

Job 9:13

Ohu Osanobua i firaa, Ọ rẹnkhẹn avbe eghian rẹn hia a. Iran ni rhie obọ ye Rehab ne ugbogiorinmwi amẹ iyeke, gha gu ẹe suan.

Aizaia 31:3

Avbe ivbi Igipt i re ẹrinmwi, emwa kẹkan ọ re iran khin. Ẹsin iran ivbi re ni ke ẹrinmwi rre. Ẹghẹ ne Nọyaẹnmwa gha na guan yọ, ẹvbo ne ọ wegbe nii gha de guọghọ ua, ẹvbo ne ọ ma wegbe ne irẹn te yọre obọ ghi de. A gha fuẹn iran eveva a.

Aizaia 7:8

Vbọzẹ? Rhunmwuda, e Siria ma wegbe sẹ e Damaskọs ne igiogbe ọ re, e Damaskọs ma vbe wegbe sẹ e Rezin ne Ọba. Sokpan, zẹ vbe ọghe Izrẹl, vbe ọ te do sẹ ukpo isẹn yan iyeha, iran gha zanzan ẹẹn ruan sẹrriọ wẹ, ẹ i ghi sẹtin guakpao do gha re uhunmwu ẹvbo ẹdẹ.