II Samuẹl 8:14 - Edo Bible (E Baibol Ẹdo) Version 1996

¹⁴ Ọ keghi bu agọ ivbiyokuo lele Idọm hia, emwa ni rrọọ kegha ga gie ẹe. E Nọyaẹnmwa keghi gie Devid gha khọnmiotọ vbe he hia.

II Samuẹl 8:14 ပူးပေါင်းရင်းမြစ်များ

Gẹnẹsis 25:23

E Nọyaẹnmwa keghi tama rẹn wẹẹ, “Iyaẹvbo eva ọre ọ rre uwẹ ẹko U gha biẹ arhien eva ni gu egbe suan Ọkpa gha wegbe sẹ nọkpa Nọdiọn ọre ọ gha re ọguọmwadia enekherhe.”

Gẹnẹsis 27:29

Te iyaẹvbo nibun gha khian eguọmwadia ruẹ, ne emwa gha hie uhunmwu rre nuẹn. Te u gha khian arowa avbe etuẹn, ne uniẹn ivbi iyuẹ gha vbokho uhunmwu rre nuẹn. Ihẹn ọghe iran ni rhovbiọọ afiangbe ọghe iran ni fiangbuẹ.”

II Samuẹl 5:10

Ọ kegha dọlegbe wegbe yọ khian ẹghẹ hia rhunmwuda e Nọyaẹnmwa Osanobua ne Oghodua keghi yaba ẹre.

II Samuẹl 7:9

Te I wa mudia ke uẹ la ehe ne u he la hia, I keghi vbe khọn avbe eghian ruẹn hia mu otọ vbene u ya nana sikẹ odaro. I gha ya a khian enọkhua, u ghi do kpọlọ vbe emwa ni he hin ukhuan sẹ vbe agbọn na.

II Samuẹl 8:15

E Devid kegha khaemwisẹ yan Izrẹl hia, ọ keghi gie a miẹn wẹ uyinmwẹ ẹmwata ne ọ gbae ọre a yin ghe emwa hia.

II Samuẹl 8:6

Ọ keghi bu agọ ivbiyokuo ye iran ẹvbo, iran keghi khian eguọmwadia ẹre, iran na gha ga gie ẹe. E Nọyaẹnmwa kegha rhie akhọnmiotọ ne Devid vbe ehe hia.

I Ọba 11:15

Vbe ẹghẹ ne ọ kpee fua de yi, vbe ẹghẹ ne Devid na khọn Idọm, e Joab ne ọkaokuo ẹre kegha rrie evba ne ọ ya tọnnọ avbe orinmwi ye otọ. Rẹn kevbe emwa rẹn keghi gbe uki ehan vbe Idọm, vbe uwu ẹghẹ na, iran keghi gbele avbe ikpia hia ni rre Idọm.

I Ọba 22:47

Otọe Idọm ma gha mwẹ ọba, edayi ne ọba e Juda zẹ yọ ọ re ọ ghaa khaemwisẹ yan rẹn.

I Ọba 22:48

E Jehosiafat ne ọba kegha mwẹ avbe okọ ni yo uwu okun, ne a kan rẹn ne ọ ya gha viọ igoru ke Ọfa rre, sokpan, ehia keghi ni vbe Eziọngeba, iran ma yo uwu ẹzẹ.

II Ọba 14:7

Amazaia keghi gbele ivbi iyokuo Idọm arriaisẹn igbe (10,000) vbe Iya Umwẹ ọ te khọn mu ẹvbo ne a tie ẹre Sẹla, ọ na gha tie ẹre Joktil ne a ye tie ẹre re do sẹ ẹdẹnẹrẹ na.

II Ọba 18:7

Ẹre Nọyaẹnmwa na yaba ẹre, emwi hia ne ọ ru kegha dinna odẹ. Ọ keghi sọtẹ ọba nọkhua ọghe Asiria, ọ na wẹ rẹn I ga gie ẹe.

I Krọnikol 18:13

Ọ na bu agọ ivbiyokuo lele ehe hia vbe Idọm. Iran ni rre evba keghi do gha ga gie Devid ne Ọba. E Nọyaẹnmwa keghi gie Devid gha khọnmiotọ vbe ehe hia.

Psalm 60:1

Osanobua, wẹ he ima nẹ, obọ ruẹ keghi vbe gba ima. U wa mobọ mu ohu ghe mwa sokpan, eban nian werriegbe bu ima rre.