II Samuẹl 8:13 - Edo Bible (E Baibol Ẹdo) Version 1996

¹³ E Devid ghi ke ehe ne ọ na ya gbele ivbi Idọm arriaisẹn evairrọvbugie (18,000) vbe Iya Umwẹ rre, ọ keghi dọlegbe hin usi yọ.

II Samuẹl 8:13 ပူးပေါင်းရင်းမြစ်များ

Gẹnẹsis 11:4

Ẹghẹ nii, iran ghi na kha wẹẹ, “Wa gie ima do bọ owa ima, ne ogogoro ne Ọ rrọ wa yo sẹ iso, ma ghi ru ọkhae ne egbe mwa, ne a ghe ya tagha ima lele otọ agbọn hia.”

II Samuẹl 7:9

Te I wa mudia ke uẹ la ehe ne u he la hia, I keghi vbe khọn avbe eghian ruẹn hia mu otọ vbene u ya nana sikẹ odaro. I gha ya a khian enọkhua, u ghi do kpọlọ vbe emwa ni he hin ukhuan sẹ vbe agbọn na.

I Ọba 11:15

Vbe ẹghẹ ne ọ kpee fua de yi, vbe ẹghẹ ne Devid na khọn Idọm, e Joab ne ọkaokuo ẹre kegha rrie evba ne ọ ya tọnnọ avbe orinmwi ye otọ. Rẹn kevbe emwa rẹn keghi gbe uki ehan vbe Idọm, vbe uwu ẹghẹ na, iran keghi gbele avbe ikpia hia ni rre Idọm.

II Ọba 14:7

Amazaia keghi gbele ivbi iyokuo Idọm arriaisẹn igbe (10,000) vbe Iya Umwẹ ọ te khọn mu ẹvbo ne a tie ẹre Sẹla, ọ na gha tie ẹre Joktil ne a ye tie ẹre re do sẹ ẹdẹnẹrẹ na.

I Krọnikol 18:12

Abisiai ne a tie eni iye ẹe Zeruaia keghi khọn ivbi Idọm vbe Iya Umwẹ, ọ na gbele arriaisẹn evairrọvbugie (18,000) vbe uwu iran.

II Krọnikol 25:11

Amezaia keghi ya ibaro okpia ye udinmwẹ viọ ivbiyokuo gha rrie Iya Umwẹ. Iran keghi khọn okuọ vbe evba,

Psalm 60:1

Osanobua, wẹ he ima nẹ, obọ ruẹ keghi vbe gba ima. U wa mobọ mu ohu ghe mwa sokpan, eban nian werriegbe bu ima rre.