II Samuẹl 8:11 - Edo Bible (E Baibol Ẹdo) Version 1996

¹¹ E Devid ne ọba, keghi ya ẹe fi ohan ne a gha lo ẹre vbe ugamwẹ, deba avbe esiliva kevbe igoru ne ọ viọ vbe avbe ẹvbo ne ọ he khọn miotọ.

II Samuẹl 8:11 ပူးပေါင်းရင်းမြစ်များ

II Samuẹl 8:10

Ọ keghi rhunmwuda ọnii gie ovbi ẹre ighẹ Joram bu e Devid ne ọba ne ọ ya we ẹre do kevbe ne ọ gbe ọbevbaru ne ẹẹn rhunmwuda ne ọ na khọn e Hadadezẹ muotọ, ọmwa ne irẹn vbe Toi ka gba gbinna inugba ne ọ khin. E Joram keghi viọ avbe emwi ne a ya esiliva, igoru kevbe oze ru mwẹ obọ gha khian.

I Ọba 7:51

E Solomọn ghi winna iwinna ni rre Ọgua Osa hia fo nẹ, ọ keghi do viọ avbe emwi hia ne Devid ne erha ẹe ya fiohan ne Ọgua Osa ye aza Ọgua Osa avbe esiliva kevbe igoru kevbe emwi ne a ya ru emwi ọvbehe.

I Krọnikol 18:11

E Devid na ya ehia fi ohan ne a ya gha ru ugamwẹ, deba avbe igoru kevbe esiliva ne ọ viọ kevbe avbe ẹvbo ne ọ khọn rẹn gha dee, avbe Idọm, e Moab, Amọn, Filistia kevbe Amalẹk.

I Krọnikol 29:2

I hia re ẹsẹse ne a mu egbe emwi hia ye otọ khẹ nene Ọgua Osa na, avbe igoru, esiliva, oze, ematọn, igẹdu, okuta ighobioye kevbe ikpẹrọnmwọ, okuta na a gha gbẹnnẹ kevbe avbe okuta ne ghẹinghẹin ọrhẹnrhẹn.

II Krọnikol 5:1

E Solomọn ne ọba ghi winna iwinna Ọgua Osa fo nẹ, ọ keghi mwamwa avbe emwi hia ne Devid ne erha ẹe ya fi ohan ne Osanobua ye uwu avbe aza Ọgua Osa, avbe esiliva, igoru kevbe avbe emwi ọvbehe.

Maika 4:13

E Nọyaẹnmwa khare wẹẹ, “Wa ne ivbi e Jerusalẹm, wa ya rri avbe eghian uwa oya. I gha ya uwa wegbe zẹ vbe ẹkhuia ne ọ mwẹ igho ematọn kevbe ibata owẹ oze. Wa gha dunmwu avbe okpẹvbo nibun sẹ otọ, avbe ẹfe ne iran ye ghe ẹe rua si koko, wa ghi viọ iran gunmwẹ, mẹ ne ọ re Nọyaẹnmwa ọghe otagbọn hia.”