II Samuẹl 8:1 - Edo Bible (E Baibol Ẹdo) Version 1996

¹ Ọ ghi kpẹe fua kherhe, e Devid keghi khọnmiotọ vbe uhunmwu ivbi e Filistin, ọ deyan iran, ọ na rhie iran obọ hin ẹmwẹ otọe nii ne iran kha yan rre.

II Samuẹl 8:1 ပူးပေါင်းရင်းမြစ်များ

II Samuẹl 19:9

Emwa hia kegha gui vbe ore ẹvbo ni hia wẹẹ, “E Devid ọ re ọ miẹn ima fan hin obọ avbe oghian mwa rre. Rẹn ọ re ọ fan mwa vbe obọ avbe Filistin, banbanna nian, ọ lẹ ne Absalọm, ọ kpao vbe ẹvbo rre.

II Samuẹl 2:24

Sokpan, e Joab kevbe Abisiai keghi zẹ Abna khu, ẹghẹ ota iran na do sẹ oke Ama ne ọ rre odẹ ahọ ọghe Gia vbe odẹ ne a la sẹ ẹgbo Gibiọn.

II Samuẹl 22:44

U miẹn mwẹ fan vbe obọ emwa mwẹ ni sọtẹ, u keghi ya mwẹ ru enọkhaemwisẹ yan avbe agbọn ẹvbo. Avbe emwa ne I ma rẹn khian ni ga gun mwẹ.

II Samuẹl 5:17

Ivbi e Filistin keghi họn ighẹ a ma e Devid ọba Izrẹl, iran hia keghi ladian ne iran ya mu ẹre oghunmwu. E Devid ghi họn, ọ na gha rrie odin ẹvbo.

II Samuẹl 5:25

E Devid keghi ru zẹ vbene Nọyaẹnmwa tama rẹn. O keghi sẹtin khulo ivbi e Filistia werriegbe ke Geba kpao rhinrin yasẹ Gẹza.

II Samuẹl 7:9

Te I wa mudia ke uẹ la ehe ne u he la hia, I keghi vbe khọn avbe eghian ruẹn hia mu otọ vbene u ya nana sikẹ odaro. I gha ya a khian enọkhua, u ghi do kpọlọ vbe emwa ni he hin ukhuan sẹ vbe agbọn na.

Psalm 18:43

U miẹn mwẹ fan vbe obọ avbe isọtẹ u keghi ya mwẹ khian ne ọ khaemwisẹ yan avbe uhunmwu ẹvbo. Avbe emwa ne imẹ ma rẹn, khian ni ga gun mwẹ.

Psalm 60:2

U mu otọe nii rueghe, u keghi vbe fian uvun gbodo yọ. Banbanna nian kpe ẹwẹn ọnrẹn rriẹ rhunmwuda te ọ ghi ra zagha a.

Psalm 60:8

Sokpan I gha ye Moab ru uwawa akhuẹ mwẹ I gha vbe bannọ ibata mwẹ yan Idọm ne I ya rhie ma ighe mẹ ọ re ọ yan rẹn. Te avbe Filistin ro ighe iran gha we uwemwẹ akhọnmiotọ yan mwẹ ra?”

Hibru 11:33

Iyayi ọre iran ya gu agbọn ẹvbo ni bun khọn, iran na vbe khọnmiotọ. Iran ru emwi ne ọ kere, emwi ne Osanobua ve keghi sẹ iran obọ. Iran gue avbe oduma unu.

Hibru 11:34

Iran dọ ogidi erhẹn yọ, iran lẹ fe vbe obọ umozo ne ọ tera gbele iran uan. Te iran te vburriẹ, sokpan iran keghi do wo vbe egbe. Iran zẹ uza vbe okuo, iran keghi khọn ivbiyokuo etẹ muotọ.

I Samuẹl 7:13

Erriọ iran na khọn e Filistin muotọ, e Nọyaẹnmwa ma ghi rhie ẹghẹ ne iran ya dọlegbe mu okuo la otọe Izrẹl vbe ẹghẹ ne Samuẹl ya ẹe vbe agbọn.