II Samuẹl 7:9 - Edo Bible (E Baibol Ẹdo) Version 1996

⁹ Te I wa mudia ke uẹ la ehe ne u he la hia, I keghi vbe khọn avbe eghian ruẹn hia mu otọ vbene u ya nana sikẹ odaro. I gha ya a khian enọkhua, u ghi do kpọlọ vbe emwa ni he hin ukhuan sẹ vbe agbọn na.

II Samuẹl 7:9 ပူးပေါင်းရင်းမြစ်များ

Gẹnẹsis 12:2

I gha viọ uniẹn nibun nuẹn, ni gha do khian avbe okpẹvbo. I gha fiangbuẹ, I ghi do ya eni ruẹn khian ne ọ hin usi sẹrriọ wẹ a ghi gha yae na erhunmwu ne ọmwa.

II Samuẹl 22:1

Ọnọna ọrọre ihuan ne Devid so ghe e Nọyaẹnmwa, vbe Nọyaẹnmwa miẹn rẹn fan vbe obọ e Sọl kevbe eghian rẹn nekpa:

II Samuẹl 22:30

U rhie ẹtin mẹ ya gu eghian mwẹ gbinna, kevbe ẹtin ne I ya deyan emwi ikhẹgbe iran.

II Samuẹl 22:43

I dunmwu iran an, iran keghi yevbe ebubẹ, I ya owẹ rrilo iran muotọ, zẹ vbe ekẹn vbe orere.

II Samuẹl 23:1

E Devid ne ovbi e Jese kegha re ọmwa ne Osanobua ya khian enọkhua, rẹn ọ re Osanobua hannọ zẹ, rẹn ọ re ọ vbe re ọmwa ne ọ gbẹnnẹ ihuan ọghe Izrẹl. Avbe ẹmwẹ ne Devid ghi ta kiekie ọre ena khin:

II Samuẹl 5:10

Ọ kegha dọlegbe wegbe yọ khian ẹghẹ hia rhunmwuda e Nọyaẹnmwa Osanobua ne Oghodua keghi yaba ẹre.

II Samuẹl 8:13

E Devid ghi ke ehe ne ọ na ya gbele ivbi Idọm arriaisẹn evairrọvbugie (18,000) vbe Iya Umwẹ rre, ọ keghi dọlegbe hin usi yọ.

II Samuẹl 8:14

Ọ keghi bu agọ ivbiyokuo lele Idọm hia, emwa ni rrọọ kegha ga gie ẹe. E Nọyaẹnmwa keghi gie Devid gha khọnmiotọ vbe he hia.

II Samuẹl 8:6

Ọ keghi bu agọ ivbiyokuo ye iran ẹvbo, iran keghi khian eguọmwadia ẹre, iran na gha ga gie ẹe. E Nọyaẹnmwa kegha rhie akhọnmiotọ ne Devid vbe ehe hia.

I Krọnikol 17:8

I mudia kuẹ vbe ehe ne u he la hia, I kevbe gha khọn avbe eghian ruẹn muotọ zẹ vbene u ya nana sikẹ odaro. I gha ya uwẹ hin usi zẹ vbe avbe ọkaolotu ne ọ he kpọlọ sẹẹ vbe agbọn na.

Psalm 21:6

Afiangbe ruẹ gu ẹe rrọọ rhinrin ẹdẹ. Rẹn vuọn ne oghọghọ rhunmwuda wẹ gu ẹe rre evba.

Psalm 89:23

I gha rẹnkhẹn avbe eghian rẹn, I ghi vbe gbele iran ni khuiwu ẹre.

Iyẹn ne ọ Maan Ọghe Luk 1:52

Ọ silo iran ne ọba nekhua hin ẹkete iran rre. Ọ keghi tọn avbe emwa ne ẹ i mwẹ esa mu.

Jọsua 6:27

Erriọ, e Nọyaẹnmwa na yaba e Jọsua, otiti ẹre keghi gba ẹvbo nii hia.

I Samuẹl 18:14

ọ na gha ru rho obọ vbe emwi ne ọ ru hia rhunmwuda, e Nọyaẹnmwa rrọọ yaba ẹre.

I Samuẹl 18:30

Ivbi iyokuo e Filistin ghi gha mu okuo rre, sokpan, ẹghẹ nii hia ọ re a ya miẹn wẹ obọ e Devid ọ re ọ da otọ sẹ ivbi iyokuo e Sọl nekpa hia. Rẹn keghi do dọlegbe gha hin usi yọ.

I Samuẹl 2:8

Ọ tọn iran ne ẹ i mwẹ mu hin uwu usẹ iran rre. Ọ ya iran ru ihuan ivbi ọba, ọ keghi viọ iran ye ukpo uyi. E Nọyaẹnmwa ọ re ọ yan ẹyotọ agbọn na, uhunmwu iran ọ re ọ bọ agbọn yan.

I Samuẹl 31:6

Ẹre Sọl, ivbi ẹre eheha kevbe igbama nii, na wulo ẹdẹ nẹdẹrriọ.

I Samuẹl 5:10

Iran na ghi vbe mu ẹkpẹti ni gha rrie Ẹkrọn, ne ọ vbe re ẹvbo e Filistin, ugbẹn vbe ọ ghi se evba, emwa nii hia keghi wa gha goo wẹẹ, “Iran mu Ẹkpẹti Ile ọghe Osanobua ivbi Izrẹl gha di edinran, ne ọ gbele ima hia a.”