II Samuẹl 7:8 - Edo Bible (E Baibol Ẹdo) Version 1996

⁸ Rhunmwuda ọnii, ya tama Devid ne ọguọmwadia mwẹ wẹẹ, “Mẹ ne Nọyaẹnmwa ne Oghodua ọ re ọ tama rẹn wẹẹ, ‘I rhie ruẹ ke ehe ne u na su ohuan vbe uwu oha ladian ne u do su ivbi Izrẹl ne emwa mwẹ.

II Samuẹl 7:8 ပူးပေါင်းရင်းမြစ်များ

II Samuẹl 12:7

E Natan keghi tama e Devid wẹẹ, “Wẹ ọ re nene ọmwa. Vbene e Nọyaẹnmwa Osanobua ọghe Izrẹl khare ọ re ọna khin: ‘Mẹ ọ re ọ maa ọba Izrẹl, I keghi miẹn ruẹn fan hin obọ e Sọl rre.

II Samuẹl 14:13

Okhuo nii keghi kha wẹẹ, “Vbe u a na ru emwi a baku ru vberriọ ghe emwa Osanobua hẹ yi? U ma kue ne ovbi uẹ ke iwe gha die owa, ẹmwẹ ne u tae wan nian, ọ re u ya bu ohiẹn ghe egbe uẹ.

II Samuẹl 23:1

E Devid ne ovbi e Jese kegha re ọmwa ne Osanobua ya khian enọkhua, rẹn ọ re Osanobua hannọ zẹ, rẹn ọ re ọ vbe re ọmwa ne ọ gbẹnnẹ ihuan ọghe Izrẹl. Avbe ẹmwẹ ne Devid ghi ta kiekie ọre ena khin:

II Samuẹl 24:17

E Devid keghi bẹghe odibo Osa ne ọ gbele emwa nii, ọ keghi tama e Nọyaẹnmwa wẹẹ, “Mẹ ọrọre ọmwa ne ọ rri abe, mẹ ọ re ọ ba emwi ku ru. De emwi ne ivbi ẹrrẹe na ru? Rri imẹ vbe ẹgbẹe mwẹ oya.”

II Samuẹl 5:2

Ẹghẹ ne ọ gberra, vbe Sọl he re ọba ima, wẹ ọ re ọ gha viọ ivbi Izrẹl yo okuo, e Nọyaẹnmwa keghi vbe tama ruẹn wẹẹ, ‘U gha su emwa mwẹ, u ghi vbe gha re ne ọ khaemwisẹ yan iran.’ ”

II Samuẹl 6:21

E Devid keghi wanniẹn wẹẹ, “Te I gha kuu ne I ya ya ọghọ ne Nọyaẹnmwa ne ọ rhie obọ gberra erhaa kevbe ẹgbẹe ruẹ ọ na do zẹ mwẹ ne ọ ya mwẹ ru ọkaolotu ivbi Izrẹl ne emwa rẹn. Ẹn ẹn te I khian ye gha ku khian, ne I ya ya ọghọ ne Nọyaẹnmwa.

I Ọba 3:6

E Solomọn keghi wanniẹn wẹẹ, “Erriọ ọ re u vbe gha ho ẹmwẹ e Devid ne erha mwẹ, ọguọmwadia ruẹ, rẹn keghi wa vbe gha maa, ọ guobọ ruẹ, ọ na vbe gha re ne ọ gie a mu ẹtin yan vbe emwi ne ọ gha ru vbe odaro ruẹ. U keghi ye vbe gha ho ẹmwẹ ọnrẹn khian, vbe ekpa ne u na rhie ọmọ okpia ne ẹẹn ne ọ rriọba lele ẹe.

I Ọba 8:16

‘Ke ẹghẹ ne I ya viọ emwa mwẹ ke Igipt ladian gha dee, I ma he zẹ ẹvbo ọkpa vbe otọ Izrẹl hia wẹ emwana ọ re a gha bọ Ọgua Osa ne a gha na gha ga mwẹ yi, sokpan I keghi zẹ uwẹ ne Devid ne ọ gha khaemwisẹ yan emwa mwẹ.’ ”

I Krọnikol 17:7

“Rhunmwuda ọnii, tama e Devid ne ọguọmwadia mwẹ wẹ mẹ ne Nọyaẹnmwa ne Oghodua, ọ re ọ tama rẹn wẹẹ, ‘I rhie ruẹ ke ehe ne u na su ohuan vbe oha ladian, I na ya ru enọkhaemwisẹ yan Izrẹl ne emwa mwẹ.

I Krọnikol 21:17

E Devid keghi na erhunmwu wẹẹ, “E U, Osanobua, mẹ ọ re ọ ru orukhọ, mẹ ọ re ọ wẹ ne a ka ẹvbo, vbe ivbi ẹrrẹe na ru? E Nọyaẹnmwa Osanobua mwẹ, rria imẹ kevbe ẹgbẹe mwẹ ikhi ne u sẹ emwa ruẹn rae.”

Emọs 7:15

Sokpan e Nọyaẹnmwa keghi rhie mwẹ hin ehe ne I na su ohuan rre, ọ na tama mwẹ wẹ ne I ya gha guan ẹmwẹ akhasẹ ma ivbi Izrẹl ne emwa irẹn.

Iwinna 7:46

Devid keghi zẹ ẹhi vba Osanobua, ọna rinmwiaẹn ne ọ gie irẹn bọ owa ne Osanobua Jekọb.

I Samuẹl 10:1

Ẹre Samuẹl na mu ovbi ẹluba ori, ọ na hihiẹe yan e Sọl uhunmwu, ọ mu ẹre unu hiẹnhiẹn, ọ wẹẹ, “E Nọyaẹnmwa nọnọ ori yan ruẹn, ne u gha re ne ọ khaemwisẹ yan emwa Izrẹl ne emwa rẹn. U gha khaemwisẹ yan avbe emwa rẹn, u ghi fannọ iran ye otọ hin obọ iran ne eghian iran hia rre. Emwi ne a gha ya yi ama yọ wẹ te Nọyaẹnmwa gele zẹ ruẹ ne u gha khaemwisẹ yan iran ne emwa rẹn ọ re ọna khin.

I Samuẹl 2:8

Ọ tọn iran ne ẹ i mwẹ mu hin uwu usẹ iran rre. Ọ ya iran ru ihuan ivbi ọba, ọ keghi viọ iran ye ukpo uyi. E Nọyaẹnmwa ọ re ọ yan ẹyotọ agbọn na, uhunmwu iran ọ re ọ bọ agbọn yan.

I Samuẹl 9:16

“Vbe odẹ ẹghẹ na akhuẹ, I gha gie okpia ọkpa ke uniẹn e Bẹnjamin bu ruẹ rre, u ghi nọnọ ori ye ọre uhunmwu zẹ vbe ne ọkhaemwisẹ yan avbe emwa mwẹ, rẹn ọ ra sinmwi iran hin obọ emwa Filistin rre. I miẹn usẹ ne emwa mwẹ sẹ, I vbe họn eve ne iran viẹ ye ẹmwẹ iyobọ.”