II Samuẹl 7:3 - Edo Bible (E Baibol Ẹdo) Version 1996

³ E Natan keghi wanniẹn wẹẹ, “Ru emwi ne ọ rhirhi gha rre uẹ ekhọe, rhunmwuda e Nọyaẹnmwa rrọọ yaba ruẹ.”

II Samuẹl 7:3 ပူးပေါင်းရင်းမြစ်များ

II Samuẹl 7:4

Sokpan, vbe asọn nii, e Nọyaẹnmwa keghi tama e Natan wẹẹ,

I Ọba 1:8

Sokpan, e Zadọk ne ohẹn, e Benaia ne ovbi Jehoaida, e Natan ne akhasẹ, e Simẹi, e Rei kevbe emwa ne Devid ya khẹ egbe, ma yobọ ye Adonaija re.

II Ọba 4:27

sokpan ọ ghi sẹ ehe ne Elaisia ye, ọ keghi vbokho egbe rriotọ ne ẹẹn, ọ na da ẹre owẹ yi. E Gehazi tera sua okhuo nii fua, sokpan, Elaisia keghi tama rẹn wẹẹ, “Sẹ ọe rae. Wẹ ma miẹn wẹ uwu obalọ ekhọe nọkhua ọre ọ ye na? E Nọyaẹnmwa ma vbe zẹdẹ ya ẹmwẹ ha mwẹ ehọ vbe ekpa ẹre hiehiere.”

I Krọnikol 22:7

E Devid keghi tama rẹn wẹẹ, “Ovbi mwẹ, I te zẹẹ ọe vbe iro ne I bọ Ọgua Osa ya ya ọghọ ne Nọyaẹnmwa Osanobua mwẹ.

I Krọnikol 28:2

E Devid keghi mudia ye odaro iran, ọ na gu iran guan wẹẹ, “Wa ne ivbi ẹvbo mwẹ, wa danmwehọ mwẹ. Ọ te gha rrọ mwẹ ekhọe ne I bọ owa etẹbitẹ ne Ẹkpẹti Ile, ne ọ re ẹkpẹti ne Nọyaẹnmwa ne Osanobua mwa viọ owẹ yan. I mu egbe ẹre ye otọ nẹ ne I bọ Ọgua Osa ya yọghọ nẹẹn.

I Krọnikol 29:29

A gbẹn okha arriọba e Devid, ke omuhẹn ya sẹ ufomwẹ ọnrẹn ye avbe ebe eha, e Samuẹl, e Natan kevbe Gad.

II Krọnikol 29:25

Ọba keghi ru zẹ vbene Nọyaẹnmwa gie Gad ne akhasẹ ọba, re gie Devid ne ọba kevbe zẹ vbene ogie Natan, ne a khama Devid ne ọba, ọ keghi ya viọ avbe Livai ye Ọgua Osa, ọ na viọ akpata kevbe ukusẹ ba ẹre, ena kegha re emwi iku kevbe ihuan,

Psalm 20:4

Te ọ gha viọ emwi ne u ho hia nuẹn, ne ọ vbe gie emwamwa ruẹn hia dinnodẹ.

Psalm 37:4

Gha gualọ ọyẹnmwẹ ruẹn vbe uwu e Nọyaẹnmwa; rẹn gha vbe rhie iho ekhọe ruẹ ne uẹn.

I Jọn 2:27

Sokpan zẹ vbe ọ ghe uwa, Kristi tue Orhiọn rẹn yan uwa nẹ. Ugbẹn vbe Orhiọn a ye gha rre uwu uwa, wa i ghi vbe gualọ ọmwa ọvbehe ne ọ gha ma uwa emwi. Rhunmwuda, Orhiọn ni ọre ọ ma uwa emwi vbe ekpa emwi hia, emwi ne ọ ma uwa ẹre, ẹmwata vbe nọ, ohoghe i rrọọ, wa gha rhie emwi ne ọ ma uwa ẹre khekherriọ, ne uwa vbe gha rre uwu Kristi.

I Samuẹl 10:7

Emwi na ghẹ ghi sunu, u ghi ru vbe ne Osanobua rhie ye uẹ ekhọe.

I Samuẹl 14:7

Igbama nii keghi wanniẹn tama rẹn wẹẹ, “Ru emwi ne ọ rhirhi gha re uwẹ ekhọe, I rrọ yaba ruẹ.”

I Samuẹl 16:7

Sokpan, e Nọyaẹnmwa tama rẹn wẹẹ, “Ghẹ ghe ẹre wẹ ọ tanẹn ra wẹ ọ mose, mẹ he ẹe nẹ, rhunmwuda, ẹ i re vbene ọmwa ne agbọn ghe emwi ọ re imẹ ghe ẹre. Agbọn ghe ikpakpa, sokpan, ekhọe imẹ ghe.”