II Samuẹl 7:27 - Edo Bible (E Baibol Ẹdo) Version 1996

²⁷ Nọyaẹnmwa ne Oghodua, Osanobua ivbi Izrẹl, rhunmwuda ne uwẹ na rhie emwi na ma ime ne ọguọmwadia ruẹ, vbene u na tama mwẹ wẹẹ, u gha ya uniẹn mwẹ rriọba ọ re ọzẹe ne ohan na gunmwẹ na erhunmwu vbenian ghe ruẹ.

II Samuẹl 7:27 ပူးပေါင်းရင်းမြစ်များ

II Samuẹl 7:13

Rẹn ọ re ọ gha bọ Ọgua Osa mẹ, I gha vbe mu ẹẹn wẹ te uniẹn ọnrẹn gha rriọba ẹdẹdẹmwẹdẹ.

I Ọba 11:38

A deghẹ u họn ẹmwẹ mẹ, u na ya uhi mwẹ gha ru emwi, I na so igiẹ ye ẹmwẹ uyinmwẹ ruẹn vbekpa ne u na ru vbene I kha re, zẹ vbene Devid ne ọguọmwadia mwẹ ru, I gha yaba ruẹ vbe ẹghẹ hia. I gha ya a ma ọba Izrẹl, I ghi vbe miẹn wẹ ivbi uẹ ọ re ọ khian vbe gha khaemwisẹ vbe iyeke uwẹ, zẹ vbene I ru ne Devid.

Psalm 10:17

E Nọyaẹnmwa, wẹ gha họn erhunmwu avbe ọmẹhẹ, u gha rhie igiẹdu ne iran.

Psalm 40:6

Wẹ ẹi gualọ ese ra imuohan; u ma vbe nọ aranmwẹ ne a giẹn ọ re ohoho vbe aka ra ne a ya zọese ne ọ kpe orukhọ kua. Sokpan, wẹ keghi rhie ehọ mẹ ne I ya gha họn ẹmwẹ ruẹn.

Ẹksọdọs 1:21

Osanobua keghi viọ emọ ne avbe ikhuo ni mu emwi ubiẹmwẹ nii biẹlẹ rhunmwuda ne iran na mu ohan Osanobua.

Ebe Rut 4:4

Ọ re I na wẹ I gha mu ẹẹn ma ruẹn. Rhunmwuda onii nian, a deghẹ ọ yẹ ruẹ, sirra avbe emwa ni tota ye emwa na kevbe avbe ediọn emwa ima dẹ ọe, sokpan a deghẹ ẹ i yẹ ruẹ, gun mwẹ rẹn, rhunmwuda, wẹ ọ re ọ ka khẹke ne ọ dẹ ọe ọ ke do sẹ imẹ egbe.” Ọmwa ni keghi kha wẹẹ, “I gha dẹ ọe.”

I Samuẹl 2:35

“I gha zẹ ohẹn ne ọ guobọ mwẹ, ọ ghi vbe gha ru emwi hia ne I ho ne ọ ru. I gha viọ emọ ne ẹẹn, iran ni gha ga vbe odaro avbe ọba ne I hannọ zẹ.

I Samuẹl 9:15

Vbe a tie ẹre akhuẹ e Sọl khian rre, e Nọyaẹnmwa keghi tama Samuẹl wẹẹ,