II Samuẹl 7:25 - Edo Bible (E Baibol Ẹdo) Version 1996

²⁵ “Wanwanna nian, e Nọyaẹnmwa Osanobua, eyan ne u yan rẹn vbe ekpa mwẹ kevbe ẹgbẹe mwẹ, gie ẹe gha re ne u mu sẹ ke orre yasẹ orre, ne u vbe ru emwi ne u khare ighẹ u gha ru.

II Samuẹl 7:25 ပူးပေါင်းရင်းမြစ်များ

Gẹnẹsis 32:12

Yerre vbene u yan hẹ wẹẹ, ‘I gha gie emwi hia gha ma nuẹn, I gha vbe viọ ivbi uniẹn ruẹn nuẹn, a i ra sẹtin ka iran. Iran gha bun vbe ekhae ni rre ọkpẹn okun.’ ”

II Samuẹl 7:24

Wẹ ya Izrẹl ne emwa ruẹn khian ọwuẹ nẹ ẹdẹdẹmwẹdẹ, wẹ ne Nọyaẹnmwa keghi vbe khian Osanobua iran.

II Samuẹl 7:26

Usi ruẹ gha kpọlọ ẹdẹdẹmwẹdẹ, emwa ghi vbe gha kha wẹẹ, ‘E Nọyaẹnmwa ne Oghodua ọrọre Osanobua Izrẹl.’ U gha vbe gie uniẹn arriọba mwẹ gha rrọọ ẹdẹdẹmwẹdẹ.

I Ọba 2:4

U gha ru vberriọ, e Nọyaẹnmwa gha mu eyan ne ọ yan rẹn sẹ vbe ọ tama mwẹ wẹẹ: ‘Ivbi uẹ ọ re ọ ra rriọba yan Izrẹl vbe ẹghẹ hia, zẹ vbe ne iran vbe ya mu aro yọ ne iran ye ekhọekekhọe gha mu uhi mwẹ sẹ.’

I Ọba 8:26

Rhunmwuda onii nian, I rinmwian, Osanobua Izrẹl wẹ ne u mu eyan ne u yan ma e Devid ne erha mwẹ ne ọguọmwadia ruẹ sẹ.

II Krọnikol 6:17

Rhunmwuda ọnii nian, e Nọyaẹnmwa ne Osanobua Izrẹl, gie emwi hia ne u yan ma e Devid ne ọguọmwadia ruẹ gele sẹ.

Psalm 119:38

Mu eyan ruẹn sẹ ne imẹ ne ọguọmwadia ruẹ, eyan ne u yan ne iran ni họn ẹmwẹ ne uẹn.

Psalm 119:49

Ye eyan ne u yan ne imẹ nẹ ọguọmwadia ruẹ rre, ọ rhie idaehọ mẹ nẹ.

Ezikiẹl 36:37

E Nọyaẹnmwa ne Udazi khare wẹẹ, “I gha dọlegbe gie ivbi Izrẹl do nọ iyobọ vbe obọ mwẹ, I gha gie iran vbe gha muan yọ zẹ vbe oghẹn ohuan.

I Samuẹl 1:23

Ẹlkana keghi tama rẹn wẹẹ, “Ru ẹe vbene ọ ke yi sẹẹ vbe aro ruẹ, tota ye owa u te do fian ọmọ nii ewẹn. Osanobua ne ọ gie eyan ne u yan rẹn sẹ.” Rhunmwuda ọnii, e Hanna keghi tota vbe owa, ọ na gha koko ovbi ẹre.