II Samuẹl 7:22 - Edo Bible (E Baibol Ẹdo) Version 1996

²² A miẹn vbe u kpọlọ hẹ Nọyaẹnmwa ne Udazi! Ọvbehe ne ọ yevbe ruẹ, ẹ i rrọọ, ma wa rẹn ke otọ gha dee ighẹ wẹ ọkpa ọrọre Osanobua.

II Samuẹl 7:22 ပူးပေါင်းရင်းမြစ်များ

II Samuẹl 22:32

E Nọyaẹnmwa ọkpa ọrọre Osanobua, Osanobua ọkpa ọrọre ugue mwa.

I Ọba 8:23

Ọ na na erhunmwu wẹẹ, “E Nọyaẹnmwa, Osanobua Izrẹl, ọba ọkpa ne ọ yevbe ruẹ i rrọ vbe odukhunmwu vbe ẹrinmwi ra agbọn vbe ototọ! Te u ru vbene ile ne u ta ẹe khare, u ghi vbe gha mwẹ itohan ne ẹ i fiwerriẹ ghe emwa ruẹn ni ye ekhọe hia mu ẹmwẹ ruẹn sẹ.

I Krọnikol 16:25

E Nọyaẹnmwa kpolo, ne a kakabọ rho nọ te a ra gha rhie uyi ne ẹẹn sẹ avbe ẹbọ hia.

II Krọnikol 2:5

Iro ekhọe mwẹ nọ ne I bọ Ọgua Osa ne ọ kpọlọ rhunmwuda Osanobua mwa kpọlọ sẹẹ ẹbọ hia.

Psalm 135:5

Mẹ rẹnrẹn wẹ Osanobua mwa kpolo, ọ kpọlọ sẹ avbe ẹbọ hia.

Psalm 145:3

E Nọyaẹnmwa kpolo, ọmwa ne a kakabọ rho ẹre vbe nọ, ukpọlọmwẹ ọnrẹn gberra ne ọ gia rẹn otọ ẹre.

Psalm 44:1

Osanobua, ma ye ehọ mwa họn ẹẹn nẹ, avbe erha mwa odede vbe tae ma ima ighe avbe emwi ọyunnuan ne uwẹ ru vbe ẹghẹ iran vbe ẹkpo nẹdẹ.

Psalm 48:1

E Nọyaẹnmwa kpọlọ ne avbe kakabọ rho ọre nọ vbe ẹvbo Osanobua mwa; vbe uhunmwu oke ne ọ huanrẹn ọghọe.

Psalm 86:10

Wẹ kpolo, u keghi vbe ru emwi ọyunnuan, wẹ okpa kẹkan ọrọre Osanobua.

Psalm 86:8

A i miẹn osa ne ọ yevbe uwẹ Nọyaẹnmwa, okpa ne ọ he ru emwi ne uwẹ ru i rrọ.

Psalm 89:6

Ọmwa ne ọ ye vbe ruẹ irre ẹrinmwi Nọyaẹnmwa, avbe ekamakodin ẹrinmwi ne ọ re ne uwa gba re ọkpa i rrọ.

Psalm 89:8

E Nọyaẹnmwa Osanobua ne Oghodua, ọmwa ne ọ mwẹ ẹtin vbe uwẹ i rrọ vbe uwu emwi hia Nọyaẹnmwa, te uwẹ gia mu ẹtin yan.

Psalm 96:4

Ọmwa ne ọ kpọlọ ọ re Nọyaẹnmwa khin, ọ vbe ke ne a kakabọ rho ẹre; te a gha rhie ọghọ ne ẹẹn sẹẹ avbe ẹbọ hia.

Ẹksọdọs 10:2

Ne uwa vbe miẹn ya kpa itan ma avbe ivbi uwa kevbe eyẹ uwa vbe ne I do ivbi Igipt ọzuọ hẹ vbe I winna iwinna ọyunnuan mwẹ ma iran. Wa hia fẹẹrẹ gha vbe rẹn wẹ mẹ ọrọre Nọyaẹnmwa.”

Ẹksọdọs 15:11

“E Nọyaẹnmwa, de ẹbọ ọkpa ne ọ yevbe uwẹ? De ọmwa ne ọ ye vbe uwẹ? Ne uhuanmwẹ ọnrẹn mu ohan? De ọmwa ne ọ yevbe uwẹ ne ọ winna iwinna ọyunnuan, kevbe ne iwinna nekhua ẹre gbe orrirri vberriọ?

Ẹksọdọs 8:10

Ọba keghi tama rẹn wẹẹ, “Na erhunmwu mẹ akhuẹ.” E Mosis na kha wẹẹ, “Ọ gha wa sẹ, vbene u khare ne u miẹn ehe na rẹn wẹ ẹbọ ọkpa irrọ ne ọ ye vbe Nọyaẹnmwa ne Osanobua mwa.

Ẹksọdọs 8:6

Ẹre Errọn na niẹn ọkpọ ẹre da ehe ne amẹ ghi ye hia, ẹkirẹ keghi vẹ rre, iran na gba otọe nii.

Ẹksọdọs 9:14

Vbe ẹghẹ na nian, wẹ tobọ ruẹ ọre I gha rri ọre oya, deba ekhaẹmwẹ ruẹn, kevbe emwa ruẹn ne u miẹn ehe na rẹn wẹ ọmwa ne ọ yevbe mwẹ i rre agbọn na hiehiere.

Aizaia 40:18

De ọmwa ne a gha ya gie Osanobua yi? Vbe ọmwa ra ya gie vbene ọ ye hẹ?

Aizaia 40:25

De ọmwa ne a gha sẹtin ya gie Osanobua nọhuanrẹn? Ọmwa ọvbehe rrọ ne ọ yevbe irẹn ra?

Aizaia 45:18

E Nọyaẹnmwa ọ re ọ yii iso, rẹn ọrọre ọmwa ne ọ re Osanobua! Rẹn ọ re ọ dọnmwẹ agbọn, ọ na yii ẹe ọ ru ẹe gbain kevbe ne ọ vbe tọ, ọ ma yi ẹre ne ọ dihoi rua ne ọ rhiaẹe. Sokpan ehe ne emwa gha yin. Rẹn ọrọre ọmwa ne ọ khare wẹẹ, “Mẹ ọrọre Nọyaẹnmwa, osa ọvbehe i ghi vbe rrọọ.

Aizaia 45:22

“Wa bu mwẹ gha dee nian ne uwa miẹn ehe na fe wa ne emwa hia ni rre agbọn! Mẹ ọkpa ọrọre Osanobua ne ọ rrọọ.

Aizaia 45:5

“Mẹ ọrọre Nọyaẹnmwa, osa ọvbehe irrọọ. I gha rhie ẹtin ne ọ khẹ kuẹ nuẹn, a gha rhe miẹn wẹ, u ma rẹn mwẹ.

Ezikiẹl 36:22

“Rhunmwuda ọnii, ta uhunmwu ne imẹ ne Nọyaẹnmwa ne Udazi gie gie ivbi Izrẹl ma iran. Ẹ i re rhunmwuda uwa ne ivbi Izrẹl ọ re I ra na ru emwi ne I ra ru, sokpan rhunmwuda eni mwẹ nọhuanrẹn nọ, eni ne uwa fara vbe ẹvbo ikẹvbo ne uwa yo.

Ezikiẹl 36:32

“Izrẹl, I ho ne uwa rẹn wẹ ẹ i re rhunmwuda uwa ọ re I na ru avbe emwi na. I ho ne uwa rẹn ekhue kevbe efaa ne ọ rre emwi ne uwa ru na nian, Mẹ ne Nọyaẹnmwa ne Udazi ọ re ọ tae.”

Daniẹl 2:45

Wẹ miẹn vbene okuta ọkpa kpẹngiẹn vbe uhunmwu oke ne ọ yo ọkpa hẹ vbene ọmwa rhọkpa ma na ya obọ kan rẹn, kevbe vbene ọ dekun ọmwa ne a ya ematọn oze, obuẹ, esiliva kevbe igoru ma nii. Te Osanobua Nọkhua tama ruẹ emwi ne ọ gha sunu ẹdẹ nakhuẹ, Umogun. I tama ruẹn nẹ nian, emwi ne u mina miẹn zẹẹ, I vbe ta emwi ne a gele yae kha ma ruẹn nẹ.”

Maika 7:18

Ẹbọ ọkpa ne ọ yevbe ruẹ i rrọọ Nọyaẹnmwa, wẹ ya orukhọ bọ avbe emwa ruẹn ni miẹn uhunmwu. U ma gie ohu wa mu uẹn ẹdẹdẹmwẹdẹ, sokpan, te ọ wa yẹ ruẹ ne u gha rhie itohan ruẹn ne ẹ i beghe ma mwa.

Diuteronomi 3:24

‘E Nọyaẹnmwa ne Udazi, I rẹnrẹn wẹ omuhẹn emwi ọ yan unu uan nekhua ne u ra ru ọkpa ọ re u rhie maa mwẹ. Ẹbọ ọkpa i rre ẹrinmwi kevbe agbọn ne ọ gha sẹtin ru avbe emwi nekhua ne uwẹ ru!

Diuteronomi 32:39

“ ‘Mẹ, mẹ ọkpa kẹkan ọrọre Osanobua, Osanobua ẹmwata ọvbehe i ghi rrọọ. I gbe; I vbe huẹn, I fian ẹwẹn, I vbe kpe ẹwẹn rrie, ne ọ gha sẹtin gbe odan ye emwi ne I ru, ẹ i rrọọ.

Diuteronomi 4:35

E Nọyaẹnmwa rhie ọna ma uwa nẹ ne ọ ya rhie maa uwa wẹ rẹn ọkpa kẹkan ọrọre Osanobua, kevbe wẹ ọvbehe i rrọọ.

Diuteronomi 4:39

Rhunmwuda onii nian, wa yerre, wa ghẹ mianmian, e Nọyaẹnmwa ọrọre Osanobua vbe ẹrinmwi kevbe agbọn, Osanobua ọvbehe i rrọ.

I Samuẹl 2:2

“Ọmwa ne ọ huanrẹn vbe Nọyaẹnmwa i rrọọ, ọmwa ne ọ yevbe ọre irrọọ, ugue ne ọ ye vbe Osanobua mwa i rrọọ.