II Samuẹl 7:2 - Edo Bible (E Baibol Ẹdo) Version 1996

² Ẹre ọba na tama e Natan ne akhasẹ wẹẹ, “Ghe, mẹ rre owa ne a ya sida bọ, sokpan, Ẹkpẹti Ile ọghe Osanobua rre uwu owa ukpọn.”

II Samuẹl 7:2 ပူးပေါင်းရင်းမြစ်များ

II Samuẹl 11:11

Uraia keghi wanniẹn wẹẹ, “Ikpia hia ni rre Izrẹl kevbe Juda kpao vbe owa gha rrie okuo, Ẹkpẹti Ile vbe deba iran gha rre evba, e Joab ne ọkaokuo imẹ kevbe avbe emwa ni rre asẹ vbe ototọ ẹre hia rre oha. Vbe imẹ ghi ra gha rrie owa hẹ, ne I ya gha re, ne I ya gha da, kevbe ne I ya gha tie ọvbokhan mwẹ ovbe. A rrie agbọn, a rrie ẹrinmwi, I i danmwẹ emwi vberriọ.”

II Samuẹl 12:1

E Nọyaẹnmwa keghi gie Natan ne akhasẹ gie Devid. E Natan keghi bu ẹre gha khian, ọ tama rẹn wẹẹ, “Ikpia eva keghi gha rre ẹvbo ọkpa, ọkpa vbọ fe, sokpan, nọkpa kegha re ovbiogue.

II Samuẹl 5:11

E Hiram ne Ọba e Taia keghi gie avbe ukọ ẹvbo mu ẹki bu e Devid, ọ na viọ erhan igẹdu gie ẹe, kevbe avbe owinna, kevbe igbokuta, ne iran ya bọ ẹguae ẹre ne ẹẹn.

II Samuẹl 6:17

Iran keghi mu Ẹkpẹti ni rre, iran keghi mu ẹẹn ye ihe ẹre vbe ehe ne Devid mwamwa khẹ ọre. Ọ keghi zẹ ese, ọ na si isara ghe Nọyaẹnmwa.

II Samuẹl 7:17

E Natan keghi ya tama e Devid, emwi hia ne Osanobua rhie ma rẹn.

I Ọba 1:22

Te ọ he wa ye guan.

I Ọba 1:8

Sokpan, e Zadọk ne ohẹn, e Benaia ne ovbi Jehoaida, e Natan ne akhasẹ, e Simẹi, e Rei kevbe emwa ne Devid ya khẹ egbe, ma yobọ ye Adonaija re.

I Ọba 4:5

Ọka avbe ogie isi: Azaraia ne ovbi e Natan. Iguọbaziro: ohẹn ighẹ Zabuk ne ovbi e Natan.

I Ọba 8:17

E Solomọn keghi ye gha guan khian, ọ wẹẹ, “E Devid ne erha mwẹ te ho ne ọ bọ Ọgua Osa ne a na gha ga e Nọyaẹnmwa ne Osanobua Izrẹl.

I Krọnikol 14:1

E Hiram ne ọba e Taia keghi gie ukọ ẹki ne a do bu e Devid. Ọ keghi viọ erhan sida kevbe avbe igbokuta kevbe avbe owinna ne ẹẹn ne ọ ya bọ ẹguae.

I Krọnikol 16:1

Iran keghi mu Ẹkpẹti Ile nii gha rrie ehe ne Devid ru ye otọ khẹ ọre, iran na mu ẹẹn ye uwu ẹre. Iran na zọ ese, iran na vbe sisara ghe Osanobua.

I Krọnikol 22:7

E Devid keghi tama rẹn wẹẹ, “Ovbi mwẹ, I te zẹẹ ọe vbe iro ne I bọ Ọgua Osa ya ya ọghọ ne Nọyaẹnmwa Osanobua mwẹ.

I Krọnikol 29:29

A gbẹn okha arriọba e Devid, ke omuhẹn ya sẹ ufomwẹ ọnrẹn ye avbe ebe eha, e Samuẹl, e Natan kevbe Gad.

II Krọnikol 1:4

(Sokpan Ẹkpẹti Ile ne ọ rrọọ kegha rre Jerusalẹm a keghi mu ẹẹn ye owa ukpọn ne Devid ne ọba bọe vbe ọ mu ẹẹn ke kirriat Jearim rre.)

II Krọnikol 29:25

Ọba keghi ru zẹ vbene Nọyaẹnmwa gie Gad ne akhasẹ ọba, re gie Devid ne ọba kevbe zẹ vbene ogie Natan, ne a khama Devid ne ọba, ọ keghi ya viọ avbe Livai ye Ọgua Osa, ọ na viọ akpata kevbe ukusẹ ba ẹre, ena kegha re emwi iku kevbe ihuan,

II Krọnikol 9:29

Ni ghi dekẹe vbe okha e Solomọn ke omuhẹn ya sẹ ufomwẹ, a tae ye ebe okha e Natan ne Akhasẹ, ye ẹmwẹ akhasẹ ọghe Ahija ne ọ rre Silo kevbe umian ne Iddo ne Akhasẹ miẹn, ne ọ vbe guan yan ẹghẹ arriọba e Jeroboam ne ọba Izrẹl.

Psalm 132:2

Nọyaẹnmwa, ye eyan ne ọ yan rẹn rre, emwi ne ọ ve uwẹ ne Osanobua Nọkhua ọghe Jekọb re wẹẹ:

Psalm 132:5

rhinrin mẹ te do miẹn ihe okpa ne Nọyaẹnmwa, owa ne Osanobua Nọkhua ọghe Jekọb.”

Ẹksọdọs 40:21

Ọ keghi filo avbe ọkpọ nii la uwu ẹgba ne ọ rre ẹkpẹti nii, ọ na dele avbe ukpọn onurho nii degue ẹre yọ. Erriọ ọre ọ ya gie ẹe degue ẹre ighẹ ẹkpẹti nii ne avbe uhanhan uhi igbe ye, zẹ vbene Nọyaẹnmwa tama rẹn.

Hagai 1:4

“Wa ne emwa mwẹ, vbọzẹ ne uwa gha na gha rre owa ne a bọlọe ẹsẹse vbe Ọgua Osa mwẹ re itowa?

Iyẹn ne ọ Maan Ọghe Jọn 2:17

Avbe erhuanegbe ẹre keghi do yerre ighe ebe tae nẹ wẹẹ, “Ẹmwẹ owa ruẹ gha fian mwẹ re Osanobua, ọ ghi ye vbe erhẹn vbe uwu imẹ.”

Iwinna 7:46

Devid keghi zẹ ẹhi vba Osanobua, ọna rinmwiaẹn ne ọ gie irẹn bọ owa ne Osanobua Jekọb.