II Samuẹl 7:18 - Edo Bible (E Baibol Ẹdo) Version 1996

¹⁸ E Devid ne Ọba kegha rrie uwu Owa Ukpon e Nọyaẹnmwa nii, ọ keghi tota, ọ na na erhunmwu wẹẹ, “E Nọyaẹnmwa ne Udazi, mẹ kevbe ẹgbẹe mwẹ, ne ọ sẹe ne ọ kere ne a ru emwi ne u he ka ru mẹ hia na, sẹẹ hia,

II Samuẹl 7:18 ပူးပေါင်းရင်းမြစ်များ

Gẹnẹsis 32:10

Mẹ ma sẹ ne a gha mwẹ itohan kevbe ẹmwẹ ọmwa yẹ ọmwa ne uwẹ mwẹ ghe mwẹ ghe, mẹ ne ọguọmwadia ruẹ. Vbe I fian Jọdan rra, mẹ mwẹ ọkpa kẹkan nọ, banbanna nian, mẹ vbe otu eva na ghi nọ.

Gẹnẹsis 32:11

Lahọ, miẹn mwẹ fan vbe obọ ẹtin Isọ ne ọtẹn mwẹ. Afianma fian mwẹ we te ọ dee ra do gun mwẹ gbinna ne ọ wa fuẹn ima-an kevbe ikhuo kevbe emọ negiẹrẹ.

II Samuẹl 23:5

Erriọ ọ re Osanobua ra fiangbe uniẹn mwẹ, rhunmwuda, ọ gu imẹ ta ile ẹdẹdẹmwẹdẹ nẹ, vbene ehia na la uro, ọ vbe deziẹn. Ọnii ọ re emwi ne I ho. Ọnii ọ re ọ khian gha re akhọnmiotọ mwẹ, ẹ i mwẹ Nọyaẹnmwa ma gie ẹe sẹ.

II Samuẹl 7:17

E Natan keghi ya tama e Devid, emwi hia ne Osanobua rhie ma rẹn.

I Krọnikol 17:16

Ẹre Devid ne ọba na la uwu owa ukpọn ne a ya rẹn ighẹ e Nọyaẹnmwa rre evba, ọ keghi tota, ọ na na erhunmwu wẹẹ, “E Nọyaẹnmwa Osanobua, emwi hia ne u he ru mẹ ma zẹdẹ khẹ ke mwẹ ra ẹgbẹe mwẹ.

I Krọnikol 29:14

“Sokpan, levba sevba, mẹ kevbe emwa mwẹ i sẹtin gele rhie emwi kemwi nuẹn, rhunmwuda, emwi hia, wẹ ọ re ọ ya ẹe ru ọmwa ẹse, ọnii nọ wẹ emwi ne ọ re ọwuẹ nẹ ọre ima vbe dọlegbe viọ ne uẹn.

Psalm 8:4

Vbe ọmwa khin, ne uwẹ mu ẹmwẹ ọnrẹn ro, kevbe ọmwa kẹkan, ne uwẹ na zẹ yọ ẹre re?

Ẹksọdọs 3:11

E Mosis keghi khama Osanobua wẹẹ, “Gha ọre imẹ ne I gha na bu e Fero ne I ya viọ ivbi Izrẹl ke Igipt ladian?”

Aizaia 37:14

Ẹre Hẹzekaia ne ọba na miẹn emwa ne iran gie rre ebe nii, ọ na tie ẹre. Ẹre ọ na gha rrie Ọgua Osa, ọ na rhie ebe nii ye evba vbe odaro e Nọyaẹnmwa.

Ẹfisọs 3:8

Mẹ kanmwa sẹ ne ọ ghi kanmwa sẹẹ vbe uwu avbe emwa Osanobua, sevba, Osanobua keghi ya ọna ru mwẹ ẹse wẹ, ne I rhie Iyẹn Ne ọ maa ọghe ẹfe Kristi ne ẹ i mwẹ okhiẹ bu iran ne ẹ i re Ju gha khian.

Giọgis 6:15

E Gidiọn keghi wanniẹn wẹẹ, “Sokpan, e Nọyaẹnmwa, vbe imẹ a gha ya sẹtin miẹn Izrẹl fan hẹ? Ewae mwẹ ọrọre ne ọ ma wegbe sẹ vbe uwu ẹwae Manasẹ, mẹ ọ re ọ vbe re ne ẹ i mwẹ esa ne ọ ye vbe uwu ẹgbẹe mwẹ.”

Ebe Rut 2:10

E Rut keghi vbokho egbe rriotọ ya uharo kan otọ, ọ keghi tama Boaz Wẹẹ, “Vbe ua na dẹghe mwẹ ya tohan mwẹ vberriọ hẹ, egbe ne I ya re ọrriọvbe?”

I Samuẹl 15:17

E Samuẹl keghi wanniẹn wẹẹ, “A gha rhe miẹn wẹ, wẹ ma ka egbe ruẹ ye emwi rhọkpa, wẹ ọrọre ọkaolotu ẹwae emwa Izrẹl. Nọyaẹnmwa ọ re ọ ya a ma ọba Izrẹl.

I Samuẹl 18:18

E Devid keghi wanniẹn wẹẹ, “Gha ọ re imẹ, vbe uniẹn mwẹ a khin ne I gha na gha re orruan ọba?”

I Samuẹl 9:21

E Sọl keghi wanniẹn wẹẹ, “Ovbi ẹwae Bẹnjamin ọ re I khin, ẹwae ne ọ kanmwa sẹ vbe Izrẹl. Ẹgbẹe erha mwẹ ọ re ọ vbe re ne ọ kanmwa sẹ vbe ẹwae nii, ẹgbẹe mwẹ ọ re ọ vbe re ne ọ ma hin usi vbe ẹwae nii. Vbọzẹ ne u ghi na ta ẹmwẹ vberriọ ma mwẹ?”