II Samuẹl 7:14 - Edo Bible (E Baibol Ẹdo) Version 1996

¹⁴ Mẹ gha re erha ẹe, rẹn ghi vbe gha re ovbi mwẹ. Ọ gha ba emwi ku ru, I ghi rri ọre oya zẹ vbene erha rri ovbi ẹre oya.

II Samuẹl 7:14 ပူးပေါင်းရင်းမြစ်များ

I Ọba 11:34

Sokpan I i ra wa miẹn e Solomọn otọ arriọba ni hia, I gha yevbe gie ẹe gha rre ukpo vbe ẹdẹ ne ọ gha ya vbe agbọn hia, rhunmwuda e Devid, ọmwa ne imẹ hannọ zẹ kevbe ọmwa ne ọ rhie uhi kevbe ilele mwẹ mwẹ.

I Ọba 9:6

Sokpan, a deghẹ wẹ ra avbe ivbi uẹ ma ghi lele mwẹ, wa na he uhi kevbe ilele mwẹ ne I rhie ne uwa ye otọ, wa na ya gha ga, wa na vbe gha ya uhunmwu rhanmwẹ otọe ne ẹbọ ọvbehe,

I Krọnikol 17:13

Mẹ ghi gha re erha ẹe, rẹn ghi vbe gha re ovbi mwẹ, mẹ i ra rhie obọ hin ẹre iyeke rre vbene I ru e Sọl ne I rhie hin evba rre, ne uwẹ miẹn ehe na do rriọba.

I Krọnikol 22:10

Rẹn ọ re ọ gha bọ Ọgua Osa mẹ. Rẹn ghi gha re ovbi mwẹ, mẹ ghi gha re erha ẹe. Ẹgbẹe uniẹn ọba ẹre ọ re ọ ra gha rriọba vbe Izrẹl ẹdẹdẹmwẹdẹ.’ ”

I Krọnikol 28:6

“E Nọyaẹnmwa keghi tama mwẹ wẹẹ, ‘E Solomọn ne ovbi uẹ ọre ọ gha bọ Ọgua Osa mẹ. I zẹẹ ọe nẹ ne ọ gha re ovbi mwẹ, mẹ gha vbe gha re erha ẹe.

Job 5:17

“Afiangbe nọ ne ọmwa ne Osanobua dia ye odẹ, ọ gha guẹ gui, ghẹ khiẹkhiẹ egbe yọ.

Psalm 2:7

Ọba khare wẹẹ, “Mẹ gha wewe ẹmwẹ ne Nọyaẹnmwa tama mwẹ. Rẹn khama mwẹ wẹẹ, ‘Wẹ ọrọre ovbi mwẹ, ẹrẹ ọ re imẹ khian erhaa.

Jerimaia 30:11

I gha bu uwa rre, I ghi do miẹn uwa fan I gha fuẹn iran an ighe avbe uhunmwu ẹvbo hia ne I zagha uwa gha rrie. Sokpan mẹ i ra fuẹn uwa a fẹẹrẹ, mẹ i ra wa sẹ uwa rae vbe na i na rri uwa oya. Sokpan, I gha ra rri uwa oya, I ga ruẹe vbe ne ọ ke yi. Mẹ ne Nọyaẹnmwa tae nẹ.”

Matiu 3:17

Urhu ọkpa keghi ke ẹrinmwi rre wẹẹ, “Ọna ọre ovbi mwẹ ni ho ẹmwẹ ọnrẹn, ọmwa ne ekhọe mwẹ rhiẹnrhiẹn ghe ẹsẹsẹmwẹse.”

I Kọrinti 11:32

Sokpan te Nọyaẹnmwa bu ohiẹn ima, ọ ghi vbe rri ima oya ne a ghẹ miẹn ehe na bu abe uwu gbe ima, deba emwa ne agbọn.

II Kọrinti 6:18

Mẹ ghi gha re erha uwa, wa ghi gha re ivbi mwẹ ne ikpia kevbe ne ikhuo, erriọ Nọyaẹnmwa Oghodua kha re.”

Diuteronomi 8:5

Wa ye rre wẹ te Nọyaẹnmwa gha dia rua, ọ na vbe gha rri uwa oya zẹ vbene erha gbele ivbi ẹre hin ọkhọ rre zẹẹ.

Hibru 1:5

Rhunmwuda, ọkpa i rrọ vbe uwu avbe odibosa ẹre ne Osanobua tama wẹẹ, “Wẹ ọrọre Ovbi mwẹ, ẹdẹnẹrẹ na, I khian Erha a.” Ra ne ọ vbe kha vbekpa odibosa rhọkpa, “I gha khian Erha ẹe, rẹn ghi vbe gha re Ovbi mwẹ.”

Arhie Maan 21:7

Ọmwa ne ọ rhirhi khọn miotọ, emwi ne I gha rhie nẹẹn ọre ọ na khin. Mẹ gha re Osanobua ẹre, rẹn ghi vbe gha re ovbi mwẹ.

Arhie Maan 3:19

Ọmwa ne I ho ẹmwẹ ọnrẹn ọre I gu gui, ọre I vbe gbe hin ọkhọ rre. Mu aro yọ khekherriọ, ne u fiwerriẹ hin orukhọ ruẹ rre.