II Samuẹl 7:13 - Edo Bible (E Baibol Ẹdo) Version 1996

¹³ Rẹn ọ re ọ gha bọ Ọgua Osa mẹ, I gha vbe mu ẹẹn wẹ te uniẹn ọnrẹn gha rriọba ẹdẹdẹmwẹdẹ.

II Samuẹl 7:13 ပူးပေါင်းရင်းမြစ်များ

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

II Samuẹl 22:51

Osanobua, rhie akhọnmiotọ nọkhua ne ọba ẹre, ọ rhie ahoẹmwọmwa ne ọ gbae maa, ghe ọmwa ne ọ zẹe, ghe Devid kevbe uniẹn ọnrẹn ẹdẹdẹmwẹdẹ.

II Samuẹl 7:16

U gha mwẹ uniẹn ruẹn khian rhinrin. I ghi vbe gie arriọba ruẹ gha rrọọ rhinrin ẹdẹ. Akhaemwisẹ arriọba ruẹ ẹ i ra fo ẹdẹ.’ ”

II Samuẹl 7:27

Nọyaẹnmwa ne Oghodua, Osanobua ivbi Izrẹl, rhunmwuda ne uwẹ na rhie emwi na ma ime ne ọguọmwadia ruẹ, vbene u na tama mwẹ wẹẹ, u gha ya uniẹn mwẹ rriọba ọ re ọzẹe ne ohan na gunmwẹ na erhunmwu vbenian ghe ruẹ.

I Ọba 2:24

E Nọyaẹnmwa gbe mwẹ ẹkun sẹ otọ nẹ vbe ẹkete e Devid ne erha mwẹ, ọ mu eyan ne ọ yan rẹn sẹ nẹ, ọ mu arriọba nii ne imẹ kevbe avbe ivbi mwẹ nẹ. I ya eni e Nọyaẹnmwa yan we ẹdẹnẹrẹ na ọre Adonaija miẹn agbọn sẹ?”

I Ọba 2:4

U gha ru vberriọ, e Nọyaẹnmwa gha mu eyan ne ọ yan rẹn sẹ vbe ọ tama mwẹ wẹẹ: ‘Ivbi uẹ ọ re ọ ra rriọba yan Izrẹl vbe ẹghẹ hia, zẹ vbe ne iran vbe ya mu aro yọ ne iran ye ekhọekekhọe gha mu uhi mwẹ sẹ.’

I Ọba 2:45

Sokpan, ọ gha fiangbe mwẹ, ọ ghi gbe ẹkun arriọba Devid sẹ otọ ẹdẹdẹmwẹdẹ.”

I Ọba 5:5

E Nọyaẹnmwa tama erha mwẹ ighẹ Devid wẹ ovbi uẹ ne I gha ya rriọba lele uẹ gha bọ owa mẹ. I mu egbe nian ne I ya bọ Ọgua Osa nii, ehe ne a gha na gha ga e Nọyaẹnmwa Osanobua mwẹ.

I Ọba 6:12

“U gha ya uhi mwẹ hia ru emwi I gha ru emwi ne I ve Devid ne erha re hia ne uẹn.

I Ọba 8:13

Banbanna nian, I bọ Ọgua Osa ẹrẹkhẹrẹ ne uẹn nẹ ehe ne u gha sẹtin gha ye ẹdẹdẹmwẹdẹ.”

I Ọba 8:15

Ọ keghi kha wẹẹ, “Wa rho e Nọyaẹnmwa Osanobua Izrẹl! Ọ mu eyan ne ọ yan ma e Devid ne erha mwẹ sẹ, ẹkpo ne ọ na tama rẹn wẹẹ,

I Ọba 8:19

Sokpan wẹ ẹ i khian gha re Devid ọ gha bọ Ọgua Osa nii, i ghẹ ovbi ẹre nọ!’

II Ọba 21:4

Ọ keghi mannọ Ogiukpo iran ni ga ẹbọ lele uwu Ọgua Osa, ehe ne Nọyaẹnmwa khare ighẹ a gha na gha ga irẹn.

II Ọba 21:7

Ọ keghi mu amazẹ Asiẹrra ne ẹbọ ne okhuo ye uwu Ọgua Osa, ehe ne Nọyaẹnmwa ta ẹmwẹ ọnrẹn ma e Devid kevbe Solomọn ne ovbi ẹre wẹẹ, “Emwa na, vbe uwu Ọgua Osa ne ọ rre Jerusalẹm na, ọrọre ehe ne I hannọ zẹ vbe uwu avbe ẹwae ọghe Izrẹl, zẹ vbe ehe ne a gha na gha ga mwẹ.

II Ọba 8:19

Sokpan, e Nọyaẹnmwa ma ho ne ọ fuẹn Juda a, rhunmwuda, rẹn yan ma e Devid ne ọguọmwadia ẹre nẹ wẹ, ivbi ẹre gha wa gha rriọba khian.

I Krọnikol 28:10

U ghi rẹn wẹ te Nọyaẹnmwa zẹ uwẹ ne u bọ Ọgua Osa ẹre ne ọ huanrẹn. Banbanna nian, u ghi ru ẹe, u ghi wa mu aro yọ ne u ruẹe.”

II Krọnikol 33:4

Ọ keghi mannọ aro ẹbọ lele uwu Ọgua Osa, ehe ne e Nọyaẹnmwa khare ighẹ a gha na gha ga irẹn ẹdẹdẹmwẹdẹ.

II Krọnikol 6:16

Banbanna nian, e Nọyaẹnmwa ne Osanobua Izrẹl, vbe mu eyan nọkpa ne u yan ma erha mwẹ sẹ vbe ne u na tama rẹn wẹ te a gha miẹn wẹ ọkpa vbe uwu ivbi uniẹn ọnrẹn ọ re ọ gha khaemwisẹ yan Izrẹl vbe ẹghẹ hia a dẹghe iran vbe lele uhi ruẹ zẹ vbene irẹn ru.

Job 36:7

Ọ degue iran ni re ẹmwata ọ ghi vbe giẹ iran gha khaemwisẹ vbe ọba. Ọ ghi vbe giẹ a gha ya ọghọ ne iran ẹdẹdẹmwẹdẹ.

Psalm 72:17

Ai ghẹ mianmian eni ọba ẹdẹ te otiti ẹre gha tọ zẹvbe owẹn, te agbọn ẹvbo hia gha tian rẹn, te iran gha wẹ ne Osanobua fiangbe iran ne iran vbe gha gualọ ọyẹnmwẹ ne ọba.

Psalm 89:21

Ẹtin mwẹ gha guẹe gha rrọ vbe ẹghẹ hia, ẹtin mwẹ gha ya ẹe wegbe.

Psalm 89:29

Uniẹn ni rri ọba ẹre gha mudia gbain zẹ vbe iso ovbi urho ẹre ọ re ọ gha rri ọba rhinrin ẹdẹ.

Psalm 89:4

‘Ovbi uniẹn ruẹn ọ re ọ ra gha rri ọba khian. I gha gbe ẹbe gue uniẹn ruẹn ni rri ọba ẹdẹdẹmwẹdẹ!’ ”

Aizaia 49:8

E Nọyaẹnmwa keghi tama emwa rẹn wẹẹ, “Ẹghẹ gha sẹ ne a gha ya miẹn uwa fan, I gha ru uwa ẹse, I ghi vbe rhie ewanniẹn ye utumwẹ ne uwa tu ya nọ iyobọ. I gha gbearoghe uwa, I ghi vbe degue uwa, obọ uwa ọ re I gha la gu emwa hia ta ile, I gha gie uwa ya dọlegbe tota ye otọ uwa ne ọ he dihoi rua na.

Aizaia 9:6

A biẹ ọmọ ọkpa ne ima! A rhie ọmọ okpia ọkpa ne ima! Rẹn ọ ra gha re ogie mwa. Eni ne a ra gha tie ẹre ọrọre, “Ọbude Ọyunnuan.” “Osa ne Oghodua,” “Erha Etẹbitẹ,” “Okoro Ọfumwegbe.”

Aizaia 9:7

Te ẹtin arriọba ẹre ra gha muan yọ, ọfumwegbe ọ re otọe arriọba ẹre ra gha ye vbe ẹghẹ hia te irẹn ra rriọba zẹvbe ọmwa ne ọ rriọba lele Devid ne Ọba ẹmwata kevbe uhunmwu ẹmwẹ ọ re irẹn ra ya gha mwẹ ẹtin; ke ẹghẹ na kpao ya sẹ ufomwẹ agbọn. E Nọyaẹnmwa ne Oghodua tae nẹ ighe erriọ rẹn ra ru ehia.

Jerimaia 33:17

Mẹ ne Nọyaẹnmwa yanrẹn wẹ te a gha miẹn ivbi uniẹn Devid ne ọ gha rriọba rhinrin vbe Izrẹl.

Ezikiẹl 37:25

Iran gha yin otọe ne I mu ne Jekọb ne ọguọmwadia mwẹ, otọe ne avbe erha iran odede gha ye. Iran gha di evba ya ẹdẹdẹmwẹdẹ erriọ vbe nọ ne ivbi iran kevbe ivbi uniẹn iran hia. Ọba ne ọ ye vbe Devid ne ọguọmwadia mwẹ gha khaemwisẹ yan iran ẹdẹdẹmwẹdẹ.

Daniẹl 2:44

“Vbe ẹghẹ avbe nikhaemwisẹ na, Osanobua ẹrinmwi gha mu arriọba ne ẹ i ra fo vbotọ gbọ. A i ra vbe sẹtin khọn rẹn ẹdẹ, sokpan, rẹn gha fuẹn avbe arriọba nii fẹẹrẹ, rẹn ghi gha rrọ ẹdẹdẹmwẹdẹ.

Zẹkaraia 6:12

Tama rẹn wẹ e Nọyaẹnmwa ne Oghodua khare wẹẹ, ‘Agbọn gha maa ọmwa ne a tie ẹre Abọ vbe ehe ne ọ ye ọ gha vbe dọlọ Ọgua Osa e Nọyaẹnmwa họ.

Zẹkaraia 6:13

Rẹn ọrọre ne ọ ra bọ ẹe, ọ ghi vbe miẹn uyi ne ọ khẹke ọha, rẹn gha vbe gha khaemwisẹ yan avbe emwa rẹn. Ohẹn gha mudia ke ẹkete ẹre, iran ghi vbe gha winna kugbe vbe ọfumwegbe kevbe akugbe ne ọ rriẹe.’

Matiu 16:18

Mẹ tama ruẹn nian okuta ọre uwẹ khin Pita, okuta na ọre I gha bọ esọsi mwẹ yan. Uwu tobọ ọre i ra sẹtin khọnmiotọ vbe uhunmwu ẹnrẹn ẹdẹdẹmwẹdẹ.

Hibru 3:3

Ọmwa ne ọ bọ owa ọre ọ mwẹ uyi sẹ nene owa tobọ ẹre. Erriọ vbe nọ, Jesu ọre uyi khẹke sẹ Mosis.

I Pita 2:5

Wa gha dee zẹ vbe okuta ni rrọọ, ne uwa gia ya uwa bọ Ọgua Osa ọghe orhiọn, eke ne uwa gha na winna, zẹ vbe avbe ohẹn ni huanrẹn, ne uwa gha zọ ese orhiọn ne a ọ gia rhan obọ miẹn ghe Osanobua vbe ekpa Jesu Kristi.