II Samuẹl 7:12 - Edo Bible (E Baibol Ẹdo) Version 1996

¹² Wẹ gha ghi wu, a na vbe re ruẹ ba avbe erha a odede nẹ, I gha ya ọkpa vbe uwu ivbi uẹ ma ọba, I ghi vbe gie arriọba ẹre digiẹ.

II Samuẹl 7:12 ပူးပေါင်းရင်းမြစ်များ

Gẹnẹsis 15:4

Ọ keghi vbe họn vbe Nọyaẹnmwa vbe dọlegbe guẹe guan wẹẹ: “Ọviẹn na i ra rri ukhu ruẹ ighẹ Eliezẹ, ovbuẹ nokpia vbe ẹko ọre ọ ra rri ukhu ruẹ.”

II Samuẹl 22:51

Osanobua, rhie akhọnmiotọ nọkhua ne ọba ẹre, ọ rhie ahoẹmwọmwa ne ọ gbae maa, ghe ọmwa ne ọ zẹe, ghe Devid kevbe uniẹn ọnrẹn ẹdẹdẹmwẹdẹ.

I Ọba 1:21

A deghẹ u ma ru ẹe, u ghẹ ghi wu nẹ, etẹ ọ re a ra ka mwẹ kevbe Solomọn ne ovbi uẹ ba.”

I Ọba 1:48

Ọ keghi kha wẹẹ, ‘Wa gie ima rho e Nọyaẹnmwa ne Osanobua Izrẹl, ne ọ gie ọkpa vbe uwu ivbi mwẹ rhie ihe mwẹ vbe ẹkete ẹdẹnẹrẹ na, ọ keghi vbe gun mwẹ tọ ne aro mwẹ sẹ ọe.’ ”

I Ọba 2:1

E Devid ghi ra wu, ọ keghi tie Solomọn ne ovbi ẹre, ọ keghi gie uhunmwu okiekie wẹẹ:

I Ọba 2:10

E Devid keghi wu, a na re ẹre ye Jerusalẹm.

I Ọba 2:4

U gha ru vberriọ, e Nọyaẹnmwa gha mu eyan ne ọ yan rẹn sẹ vbe ọ tama mwẹ wẹẹ: ‘Ivbi uẹ ọ re ọ ra rriọba yan Izrẹl vbe ẹghẹ hia, zẹ vbe ne iran vbe ya mu aro yọ ne iran ye ekhọekekhọe gha mu uhi mwẹ sẹ.’

I Ọba 5:5

E Nọyaẹnmwa tama erha mwẹ ighẹ Devid wẹ ovbi uẹ ne I gha ya rriọba lele uẹ gha bọ owa mẹ. I mu egbe nian ne I ya bọ Ọgua Osa nii, ehe ne a gha na gha ga e Nọyaẹnmwa Osanobua mwẹ.

I Ọba 8:15

Ọ keghi kha wẹẹ, “Wa rho e Nọyaẹnmwa Osanobua Izrẹl! Ọ mu eyan ne ọ yan ma e Devid ne erha mwẹ sẹ, ẹkpo ne ọ na tama rẹn wẹẹ,

I Ọba 8:19

Sokpan wẹ ẹ i khian gha re Devid ọ gha bọ Ọgua Osa nii, i ghẹ ovbi ẹre nọ!’

I Ọba 8:20

Banbanna nian, e Nọyaẹnmwa mu eyan ne ọ yan rẹn. sẹ. Mẹ lele Devid ne erha mwẹ nẹ zẹ vbe ọba Izrẹl, I vbe bọ Ọgua Osa nẹ ne a na gha ga e Nọyaẹnmwa ne Osanobua Izrẹl.

I Ọba 9:5

I gha mu eyan nii sẹ, ne I ru ma e Devid ne erhaa vbe I tama rẹn wẹ uniẹn ivbi ẹre ọre ọ gha rriọba vbe Izrẹl ẹdẹ.

II Ọba 8:19

Sokpan, e Nọyaẹnmwa ma ho ne ọ fuẹn Juda a, rhunmwuda, rẹn yan ma e Devid ne ọguọmwadia ẹre nẹ wẹ, ivbi ẹre gha wa gha rriọba khian.

I Krọnikol 17:11

Wẹ ghẹ ghi wu nẹ, a na vbe re ruẹ ba avbe erha a odede, I gha ya ọkpa vbe uwu ivbuẹ rriọba. I ghi ya arriọba ẹre owẹ muotọ ne ọ wegbe.

II Krọnikol 1:9

E Nọyaẹnmwa ne Osanobua, mu emwi ne u yan ma erha mwẹ sẹ. U ya mwẹ rriọba emwa ni bun vbenian nẹ, emwa ne a i sẹtin ka zẹ vbene iran ghi bun sẹ.

II Krọnikol 13:5

Wa ma rẹn wẹ ile etẹbitẹ ọ re Nọyaẹnmwa gu e Devid ta wẹ rẹn kevbe ivbi ẹre ọ re ọ gha rriọba yan Izrẹl ẹdẹdẹmwẹdẹ.

II Krọnikol 21:7

Sokpan, e Nọyaẹnmwa ma ho ne ọ wa fuẹn ivbi uniẹn e Devid fo, rhunmwuda, ọ gu e Devid ta ile nẹ, ọ kevbe yan ma ẹnrẹn wẹ ivbi ẹre ọ re ọ ra gha rriọba khian.

II Krọnikol 23:3

Iran hia keghi do si egbe koko vbe Ọgua Osa, iran na ye egbe ye ulamwẹ ne Joas ne ovbi ọba, e Jehoiada keghi khama iran wẹẹ, “Ovbi ọba ne ọ rrie a i wua ọre ọna khin. Te a ghi ra ya ẹe rriọba na zẹ vbene Nọyaẹnmwa yan ma e Devid wẹ ivbi uniẹn ọnrẹn gha ye.

II Krọnikol 6:15

U mu eyan ne u yan ma e Devid ne erha mwẹ sẹ, ẹdẹnẹrẹ na nian, ẹmwẹ hia ne a tae vbọ, a mu ẹẹn sẹ nẹ.

II Krọnikol 6:9

U i ra bọe, sokpan ovbi uẹ, ovbi uẹ vbe ẹko, ọ re ọ gha bọ ọgua osa mwẹ.’

Psalm 89:29

Uniẹn ni rri ọba ẹre gha mudia gbain zẹ vbe iso ovbi urho ẹre ọ re ọ gha rri ọba rhinrin ẹdẹ.

Aizaia 11:10

Ẹdẹ dee ne ọba ọgbọn ne ọ zọ ke uniẹn e Devid ladian, gha na gha re ama ne uhunmwu ẹvbo hia. Iran gha si koko vbe ẹvbo ọba ẹre, iran ghi gha rhie ọghọ ne ẹẹn.

Aizaia 9:7

Te ẹtin arriọba ẹre ra gha muan yọ, ọfumwegbe ọ re otọe arriọba ẹre ra gha ye vbe ẹghẹ hia te irẹn ra rriọba zẹvbe ọmwa ne ọ rriọba lele Devid ne Ọba ẹmwata kevbe uhunmwu ẹmwẹ ọ re irẹn ra ya gha mwẹ ẹtin; ke ẹghẹ na kpao ya sẹ ufomwẹ agbọn. E Nọyaẹnmwa ne Oghodua tae nẹ ighe erriọ rẹn ra ru ehia.

Jerimaia 33:17

Mẹ ne Nọyaẹnmwa yanrẹn wẹ te a gha miẹn ivbi uniẹn Devid ne ọ gha rriọba rhinrin vbe Izrẹl.

Daniẹl 12:2

Nibun vbe uwu iran ni wulo nẹ, gha dọlegbe gha rre agbọn, eso gha wa gha rrọọ ẹdẹdẹmwẹdẹ, eso ghi gha re ne a faraa ẹdẹdẹmwẹdẹ.

Matiu 1:1

Ebe uniẹn Jesu Kristi ne ọ re ovbi Devid ne ọ vbe re ovbi Ebraham ọre ọna khin.

Iyẹn ne ọ Maan Ọghe Luk 1:32

Rẹn gha khian okpọmwa, a ghi vbe gha tie ẹre Ovbi Osanobua Ne Ọ Yọ Sẹ, Nọyaẹnmwa Osanobua gha ma ẹn re ọba zẹ vbe ne Devid ne erhae odede vbe gha ye.

Iyẹn ne ọ Maan Ọghe Luk 24:27

Jesu keghi rhan otọ ẹmwẹ hia ne Ebe tae vbekpa irẹn ma iran. Ọ keghi suẹn vbe ebe Mosis rhinrin ya sẹ emwi ne avbe akhasẹ gbẹnnẹ.

Iwinna 13:36

“Rhunmwuda, Devid ru ne Osanobua ho vbe ẹghẹ ọghọe, rẹn keghi wu, a keghi vbe re ẹre ba avbe enikaro, rẹn keghi vbe kẹkẹ.

Iwinna 2:30

Akhasẹ rẹn khin, ọ rẹn emwi ne Osanobua ve irẹn re. Osanobua tama rẹn wẹ, rẹn gha ya ọkpa vbe uwu avbe uniẹn ọnrẹn ma ọba, zẹ vbene irẹn vbe ye.

I Kọrinti 15:51

Wa danmwehọ oro ọkpa: ma hia i ra wulo fo, sokpan, vbe udomwurri, a gha fi ima werriẹ.

Diuteronomi 31:16

E Nọyaẹnmwa keghi tama e Mosis wẹẹ, “U gha rherhe wu ban, u gha ghi wu nẹ, emwa na gha do khian ne a i ghi mu ẹtin yan ghe mwẹ, iran ghi gha rra ile nii ne I gue iran ta. Iran ghi he mwẹ ye otọ ya gha gho avbe ẹbọ otọe nii ne iran khian lao na.

I Tẹsalonaika 4:14

Ma yayi wẹ Jesu wu, ọ keghi vbe dọlegbe rhiọkpaegbe, rhunmwuda ọnii, ma yayi wẹ emwa ni ya Jesu yi vbe iran te wulo, Osanobua gha vbe dọlegbe viọ iran lele Jesu gha dee.