II Samuẹl 7:10 - Edo Bible (E Baibol Ẹdo) Version 1996

^10-11 I gha hannọ ihe ọkpa ne Izrẹl ne emwa mwẹ, I ghi gbe iran ẹkun sotọ vbe evba, ehe ne iran gha ye, ne a i ghi ra na kpokpo iran ọvbehe. Ke ne iran ya sẹ otọ na gha dee, emwa dan ne piankhanrhan ni bun ọ re ọ he gu iran gbinna, sokpan, ọna i ghi ra dọlegbe sunu ọvbehe. I yan rẹn i ghẹ I gha degue ruẹ hin obọ eghian uwa hia rre, kevbe wẹ, u gha mwẹ uniẹn ruẹn.

II Samuẹl 7:10 ပူးပေါင်းရင်းမြစ်များ

II Ọba 21:8

Deba ẹre, deghẹ ivbi Izrẹl ya uhi mwẹ gha ru emwi, iran na vbe gha lele uhi hia ne Mosis ne ọguọmwadia mwẹ yi ne iran, mẹ i ra kue ne a khulo iran ladian vbe otọe nii ne I mẹ mu ne avbe erha iran odede.”

I Krọnikol 17:9

I zẹ ihe ọkpa ne Izrẹl ne emwa mwẹ nẹ, I vbe gbe iran ẹkun sẹ otọ nẹ vbe evba, ehe ne iran ra gha ye vbene a i ghi na vbe zẹ iran kpokpo ọvbehe. Ke ne iran ya la otọ na gha dee, ọ re emwa ni khọn ke ya gha gu iran gbinna, sokpan, egbọre i ghi ra dọlegbe sunu ọvbehe. I yan rẹn ighẹ I gha khọn avbe eghian ruẹn hia muotọ, I gha vbe viọ emọ nuẹn.

II Krọnikol 33:8

A dẹghe ivbi Izrẹl họn ẹmwẹ mẹ, iran na gha lele Uhi hia ne ọguọmwadia mwẹ ighẹ Mosis mu ye iran otọ, ẹghẹ nii, mẹ i ra gie ọmwa rhọkpa khulo iran hin otọe nii ne I mu ne avbe erha iran odede rre.”

Psalm 44:2

Vbene u tobọọ khulo avbe nigẹbọ ladian hẹ u na gbe avbe emwa ruẹn ẹkun sotọ ye otọe iran. vbene u rri avbe agbọn ẹvbo nekpa oya hẹ. u na gie agbọn ma iran ne emwa ruẹn.

Psalm 44:4

Wẹ ọrọre ọba mwẹ kevbe Osanobua mwẹ wẹ ọ re ọ rhie akhọnmiotọ ne emwa ruẹn.

Psalm 80:8

U rhie azara ima okpa ke Igipt rre, u khulo uhunmwu ẹvbo nekpa ladian, u keghi gbọ ẹre ye otọe iran.

Psalm 80:9

U gbẹn irunmwu hin ehe ne ọ gha na wan rre nẹ, inian rẹn kakabọ la uwu otọ, ọ keghi wa obọ gba otọe nii hia.

Ẹksọdọs 1:22

Ẹghẹ nii ọre ọba ghi na yi iyi ne emwa irẹn hia wẹẹ, “Emọ ikpia ne emwa Hibru a rhirhi biẹ, wa gha filo iran ku ẹzẹ Nail, sokpan wa sẹ avbe emọ ikhuo ni rrọọ rae ye agbọn.”

Ẹksọdọs 15:17

U viọ iran rre, u keghi gbe iran ẹkun sẹ otọ ye uhunmwu oke. vbe ehe ne u zẹe ya ru owa ruẹ Nọyaẹnmwa. ọgua Osa ne u tobọ ruẹ bọ Nọyaẹnmwa.

Aizaia 5:2

Ọ keghi vulo otọe nii, ọ na rhọ avbe okuta ni rrọọ hin, ọ keghi kọ azara ne ọ maa sẹẹ yọ, ọ keghi bọ owa ọkhẹ yọ ne a na gha khẹ ọre. Ọ keghi fian okọ ne a gha na gha minọẹn yọ, ọ keghi gha khẹ ne avbe ọmọ azara ni vbo, sokpan, ehia keghi wa kaan.

Aizaia 5:7

Izrẹl ọrọre ogba azara ọghe Nọyan ne Oghodua; emwa e Juda ọrọre azara ne ọ kọ yọ. Rẹn te rhie aro yọ ne iran gha ru emwi ne ọ maa, sokpan, iran kegha do izigha. Rẹn te rhie aro yọ ne iran gha ru emwi ne ọ gbae, sokpan, emwa ne obọ iran vbare kegha tu wẹ ne a bu ohiẹn ẹmwata.

Aizaia 60:18

A i ghi họn ẹmwẹ ọkhọ vbọ ọvbehe, ọfuan i ghi ra dọlegbe rhia ẹvbo ruẹ ua I gha degue ruẹ I ghi vbe gbinna nuẹn zẹ vbe ekẹn ne a gbe lẹga ẹvbo. Wẹ gha rho mwẹ rhunmwuda, I miẹn ruẹn fan nẹ.

Aizaia 60:21

Emwa ruẹn hia gha ru emwi ne ọ kere iran gha vbe yan otọe nii ẹdẹdẹmwẹdẹ. Mẹ ọ re ọ kọ iran, mẹ ọ re ọ yi iran ne I ya rhie ukpọlọmwẹ mwẹ ma ehia.

Jerimaia 18:9

Erriọ vbe nọ, I gha kha wẹ I ra mu ẹvbo ra arriọba ọkpa mudia ra ne I dọlọ ẹe yi.

Jerimaia 24:6

I gha gbearoghe iran, I ghi vbe viọ iran werriegbe gha die otọe na. I gha mu iran kpaegbe, I i ra vbe siẹn iran kua. I gha gbọ iran, I i ra vbe silo iran vbọlọ.

Ezikiẹl 28:24

E Nọyaẹnmwa keghi kha wẹẹ, “Avbe ẹvbo ni lẹga Izrẹl, ọkpa ne ọ gha ye dọlegbe yevbe ogigban kevbe ọkọsọ ne ọ gha kuan Izrẹl egbe i ghi rrọ. Iran gha vbe rẹn wẹ mẹ ọrọre Nọyaẹnmwa ne Oghodua.”

Hozia 2:18

Ogha sẹ ẹghẹ nii, mẹ gha gu avbe aranmwoha hia kevbe avbe ahianmwẹ ta ẹe kugbe, ne iran ghẹ kuan emwa mwẹ ọvbehe. I gha vbe viọ emwi igbinna okuo hia hin otọe nii rre, umozo kevbe uhanbọ hia I ghi gie emwa mwẹ gha rrọọ vbe ọfumwegbe kevbe ne a i na mwẹ ẹbe.

Emọs 9:15

I gha gbe emwa mwẹ ẹkun sẹ otọ vbe otọe ne I mu ne iran, a i ghi dọlegbe werriẹ iran owa ọvbehe.” E Nọyaẹnmwa ne Osanobua rua taa ẹe nẹ.

Arhie Maan 21:4

Ọ gha khiẹn ameve hia hin aro iran rre. Uwu i ghi ra gha rrọọ ọvbehe, ra akhiẹ ra obalọ. A ho emwi nẹdẹ hia bẹkun nẹ.”

Giọgis 4:3

E Jabin kegha mwẹ ikẹkẹ okuo ema tọn iyisẹn yan uri enẹ (900) Ọ keghi ye ekhọe dan gha khaemwisẹ yan ivbi izrẹl, vbe uyinmwẹ ne ọ wegbe kevbe ọkhọ, la ukpo ugie. Ẹre ivbi Izrẹl na datie Nọyaẹnmwa ne ọ do yi iran obọ.

I Samuẹl 13:17

Ivbi e Filistin keghi ghae egbe ye oka eha ne iran ya yo ehe ne iran na fu emwi viọ: oka ọkpa ghi mu uhunmwu da Ọfra vbe otọ Sual.